បើកកកាយអារម្មណ៍ពិតនិស្សិតចម្រុះជាតិសាសន៍ក្រោយមករៀននៅសិង្ហបុរី (មានវីដេអូ)

2019-06-22 05:55:58
ព័ត៌មាន

2019-06-22 05:55:58
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្តការសិក្សានៅសិង្ហបុរី គឺជាក្តីស្រមៃរបស់យុវជនជាច្រើននៅកម្ពុជា ព្រោះក្រៅពីអាចទទួលបានការអប់រំដ៏មានគុណភាពលំដាប់ពិភពលោកមិនចាញ់បណ្តាបច្ឆិមប្រទេស និងសញ្ញាប័ត្រដែលទទួលស្គាល់ជាអន្តរជាតិទូទាំងពិភពលោកហើយ សិស្សនិស្សិតអាចរៀន និងប្រើប្រាស់បានទាំងភាសាចិន និងអង់គ្លេស អាចដកពិសោធន៍ការរស់នៅយ៉ាងទំនើបចម្រុះវប្បធម៌ និងជាតិសាសន៍ និងឯករាជ្យភាព ដែលមិនអាចរកបាននៅប្រទេសផ្សេង។

តោះ! មកដឹងពីមូលហេតុដែលនិស្សិតជាតិសាសន៍ផ្សេងៗគ្នាជាច្រើនជ្រើសរើសចូលរៀននៅ SIM Global Education ៖

សំនួរ ៖ ហេតុអ្វីបានជាអ្នកជ្រើសរើសយកប្រទេសសិង្ហបុរីនិង SIM ជាពិសេស?

និស្សិតភូមា ឈ្មោះ Eaint Thu Thu Aung រៀនជំនាញ គ្រប់គ្រងនៅសាកលវិទ្យាគ្រប់គ្រងសិង្ហបុរី SIM បានឲ្យដឹងថា៖ «ពេលដែលខ្ញុំសម្រេចចិត្តត្រូវរៀនបន្តនៅបរទេស ខ្ញុំនិងគ្រួសារខ្ញុំបានគិតដល់ប្រទេសជាច្រើនល្បីៗ ដូចជា អូស្ត្រាលី អង់គ្លេស និងសហរដ្ឋអាមេរិកជាដើម។ តែក្រោយមកយើងបានដឹងថារៀននៅសិង្ហបុរី មានតម្លៃសមរម្យទាំងថ្លៃសិក្សា និងថ្លៃរស់នៅ បើប្រៀបធៀបនឹងប្រទេសទាំងនោះ ខណៈវិស័យអប់រំសិង្ហបុរីក៏ស្ថិតនៅជួរមុខគេមួយលំដាប់ពិភពលោកដែរ»។

ទីនេះមិនត្រឹមតែជាទីក្រុងជឿនលឿន ស្រស់ស្អាត និងរស់រវើកនោះទេ វាថែមទាំងជាប្រទេសដែលមានសុវត្ថិភាពសម្រាប់ការរស់នៅ ដោយមានអត្រាបទល្មើសទាបខ្លាំងបំផុត។ Eaint Thu Thu Aung បញ្ជាក់បន្ថែម។

រីឯ Kim Ji Won និស្សិតកូរ៉េខាងត្បូងរៀនជំនាញ រដ្ឋបាលអាជីវកម្ម (Business Administration) កម្មវិធីសិក្សានៃសាកលវិទ្យាល័យ Buffalo បានឲ្យដឹងថា៖ «ឪពុករបស់ខ្ញុំចង់ឲ្យខ្ញុំទៅរៀនបន្តនៅចិន ឯម្តាយខ្ញុំចង់ឲ្យខ្ញុំទៅរៀននៅសហរដ្ឋអាមេរិក។ ទីបំផុតពួកគាត់ក៏បានសម្រួលគ្នាសម្រេចឲ្យខ្ញុំមករៀននៅសិង្ហបុរីវិញ ដោយសារទីនេះ ខ្ញុំអាចរៀនបានទាំងភាសាចិន និងអង់គ្លេស។ មួយវិញទៀត ទីនេះនៅជិតស្រុកកំណើតខ្ញុំផង»។

សំនួរ ៖ តើអ្នកចូលចិត្តអ្វីចំពោះ SIM?

និស្សិតកម្ពុជាមួយរូបឈ្មោះ ងី ហុយ លីន រៀនជំនាញ សេដ្ឋកិច្ច និងហិរញ្ញវត្ថុ នៃមហាវិទ្យាល័យក្រុងឡុង បានឲ្យដឹងពីមូលហេតុដែលខ្លួនចូលចិត្តរៀននៅ SIM ថា៖ «ខ្ញុំមានមិត្តភក្តិបរទេសជាច្រើនជាតិសាសន៍ ដែលយើងតែងចែករំលែកការគិត និងចំណេះដឹង ដែលធ្វើឲ្យខ្ញុំរៀនសូត្របានច្រើនពីវប្បធម៌ផ្សេង»។

«សាស្ត្រាចារ្យពិតជាមានជំនាញជ្រៅជ្រះ និងបង្រៀនបានល្អ មិនឲ្យយើងធុញទ្រាន់ឡើយ។ ពិសេសលោកតែងយកចិត្តទុកដាក់ពន្យល់ ណែនាំ និងបកស្រាយរាល់ចម្ងល់របស់យើងបានយ៉ាងល្អ។ ចំណែកបុគ្គលិកនៅសាលាក៏រួសរាយរាក់ទាក់ណាស់ដែរ ហើយជួយយើងច្រើនណាស់ ដើម្បីឲ្យប្រាកដថាយើងអាចសម្របខ្លួនបានល្អក្នុងការរស់នៅសិង្ហបុរី និងកក់ក្តៅចូលរៀននៅ SIM »។ កញ្ញាបញ្ជាក់បន្ថែម។

ហុយ លីន បន្តថា៖ «ខ្ញុំចូលចិត្តបរិយាកាស និងការរៀបចំគ្រប់បែបយ៉ាងនៅ SIM ដូចជា កន្លែងហាត់កីឡា, ទីពិសោធន៍ ( Lab) , សាលប្រឡង ( Exam Hall) , សាលបញ្ចប់ការសិក្សា (graduation hall) , សាលសម្រាប់រៀបចំកម្មវិធីផ្សេងៗ (Multipurpose hall), មហោស្រព និងថ្នាក់រៀនទំហំផ្សេងៗគ្នាជាច្រើន។ បរិយាកាសគ្រប់ជ្រុងក្នុងបរិវេណសាលានេះ សុទ្ធតែជំរុញដល់ការរៀនសូត្រទាំងអស់»។

សំនួរ៖ តើរៀននៅ SIM អ្នកទទួលបានអត្ថប្រយោជន៍អ្វីខ្លះ?

និស្សិតខ្មែរ ឈ្មោះ ចាន់សុវណ្ណ រៀនថ្នាក់អនុបណ្ឌិត ផ្នែកពាណិជ្ជកម្មអន្តរជាតិ កម្មវិធីរបស់សាកលវិទ្យាល័យ Grenoble Ecole de Management បានឲ្យដឹងថា ៖ « ចូលរៀននៅ SIM- GEM ធ្វើឲ្យការយល់ដឹងពីជំនាញផ្សេងៗ ក្នុងបរិបទ ពាណិជ្ជកម្មអន្តរជាតិ កាន់តែទូលំទូលាយ និងប្រសើរឡើងច្រើន មិនថាជា ភូមិសាស្ត្រនយោបាយ ប្រតិបត្តិការ និង ការគ្រប់គ្រងខ្សែសង្វាក់ផ្គត់ផ្គង់ ឬហិរញ្ញវត្ថុសាជីវកម្មជាដើម»។

«មិនតែប៉ុណ្ណោះ ថ្នាក់រៀនខ្ញុំមានមិត្តរួមថ្នាក់ជាតិសាសន៍ផ្សេងៗគ្នា ដែលអាចឲ្យខ្ញុំស្វែងយល់ពីវប្បធម៌ជាច្រើន និងបានរៀនសូត្រភាសាថ្មីៗ ដែលខ្ញុំយល់ថានេះជាអត្ថប្រយោជន៍បន្ថែមមួយ»។ លោកបញ្ជាក់បន្ថែម។

និស្សិតភូមា Hnin A kery រៀនវគ្គគ្រប់គ្រង បានឲ្យដឹងថា ៖ « SIM បានជួយខ្ញុំចេញពី Comfort Zone ហើយហ៊ានទទួលយកការប្រឈមថ្មីៗ ដើម្បីជំរុញខ្លួនឯងឲ្យមានការអភិវឌ្ឍ។ ខ្ញុំបានក្លាយជាមនុស្សដែលចូលរួមសង្គមច្រើនជាងមុន និងបានរៀនសូត្រពីវប្បធម៌ និងប្រពៃណីទំនៀមទម្លាប់ផ្សេងគ្នាជាច្រើន។ ប្រព័ន្ធអប់រំដ៏ពេញលេញនេះបានបង្រៀនខ្ញុំពីរបៀបធ្វើឲ្យមានតុល្យភាពរវាងការសិក្សា និងសកម្មភាពចាំបាច់ ដែលខ្ញុំត្រូវមានសម្រាប់អនាគត»។

ធានាម៉ាជក់ចិត្ត តោះ! មើលវីដេអូទាំងអស់គ្នា៖