- 2019-07-16 00:00:00
- ព័ត៌មាន
ប្រារព្ធពិធីខួប៥ឆ្នាំ ឌិ អាយឌៀ បង្ហាញពីសមិទ្ធផលវិជ្ជមានដល់សង្គម
- 2019-07-16 00:00:00
- ចំនួនមតិ 0 | ចំនួនចែករំលែក 0
ប្រារព្ធពិធីខួប៥ឆ្នាំ ឌិ អាយឌៀ បង្ហាញពីសមិទ្ធផលវិជ្ជមានដល់សង្គម
ចន្លោះមិនឃើញ
ភ្នាក់ងារពិគ្រោះយោបល់ និងផ្តល់យុទ្ធសាស្រ្តការងារ ទីផ្សារ យុទ្ធនាការ បានប្រារព្ធពិធីខួប៥ឆ្នាំនៅ Factory Phnom Penh និងបានដាក់បង្ហាញពីសមិទ្ធផលដែលផ្តល់ផលវិជ្ជមានដល់សង្គមតាមរយៈការធ្វើធុរកិច្ច។
កាលពីល្ងាច ថ្ងៃសៅរ៍ សប្តាហ៍មុននេះ ការដាក់បង្ហាញចក្ខុវិស័យ និងសមិទ្ធផលដែលក្រុមហ៊ុន ឌិ អាយឌៀ ខនសាល់ធេនស៉ី បានបង្កើតឡើង ព្រមទាំងអបអរសាទរខួប៥ឆ្នាំជាមួយនឹងក្រុមការងារ បណ្តាមិត្ត និងដៃគូសហការមកពីវិស័យឯកជន និងវិស័យសាធារណៈ ក៏ដូចជាអ្នកចូលរួមកែប្រែវិស័យឧស្សាហកម្មនានា ដែលកំពុងស្វែងយល់ពីបម្រែបម្រួលសង្គម នាពេលបច្ចុប្បន្ននៅក្នុងប្រទេសកម្ពុជា។
លោក Galeno Chua នាយកគ្រប់គ្រងរបស់ក្រុមហ៊ុន ឌិ អាយឌៀ បានលើកឡើងថា ឌិ អាយឌៀ ជាក្រុមហ៊ុនសង្គមមួយ ដែលបង្ហាញថាការធ្វើធុរកិច្ចក៏អាចផ្តល់ផលវិជ្ជមានបានដល់សង្គមផងដែរ។ លោកបានមានប្រសាសន៍ថា «អ្វីដែលធ្វើឲ្យយើងខុសគ្នាពីក្រុមហ៊ុនដ៏ទៃនោះ គឺការអនុវត្តការយោគយល់ក្នុងការបំពេញការងាររបស់យើង។ ហើយពេលដែលខ្ញុំនិយាយពីការយោគយល់នោះ គឺមិនមែនថាយើងត្រូវយកចិត្តយើងដាក់ក្នុងចិត្តគេនោះទេ តែគឺសំដៅទៅលើការដែលយើងគិតអំពី អារម្មណ៍របស់គេដែលមាន នៅពេលត្រូវបំពេញការងារ។ ហើយខ្ញុំអាចនិយាយបានថា នេះជាមូលហេតុ ដែលមនុស្សជាច្រើនធ្វើការនៅ ឬធ្វើការជាមួយ ឌិ អាយឌៀ»។
ឌិ អាយឌៀ ជាក្រុមហ៊ុនសង្គមមួយ ដែលចម្រុះទៅដោយអ្នកប្រឹក្សាយោបល់ អ្នកវិភាគ អ្នករចនារូបភាព អ្នករៀបចំគម្រោង អ្នកផ្តល់យុទ្ធសាស្ត្រ អ្នកនិពន្ធ និងអ្នកបណ្តុះបណ្តាលដែលផ្តល់នូវគុណភាពសេវាកម្ម និងភាពច្នៃប្រឌិតតាមរយៈការស្រាវជ្រាវទីផ្សារ ការធ្វើផែនការទីផ្សារ ការបង្កើតស្លាកសញ្ញា និងវគ្គបណ្តុះបណ្តាល ព្រមទាំងដំណោះ ស្រាយដែលមានភាពច្នៃប្រឌិត និងផ្តល់ផលវិជ្ជមានដល់សង្គម។
កញ្ញា Sofia Perez ដែលជានាយកគ្រប់គ្រង ថ្មីនៃឌិ អាយឌៀ បានបង្ហាញពីចក្ខុវិស័យនៅថ្ងៃអនាគតថា ឌិ អាយឌៀនឹងបន្តបង្កើតការងារដូចជាគម្រោងសួនបៃតង ហ្រ្គីនស្ពេស ប្រូក្រាម ដែលមានគោលបំណងធ្វើឱ្យទីក្រុងក្លាយទៅជាទីក្រុងបៃតង និងកម្មវិធី HACK ដែលជា គម្រោងចែករំលែកពត៌មានផ្តោតលើការប្រឆាំងនឹងមេរោគ ដោយផ្តោតលើការលើកកម្ពស់សុខភាព និងការអនុវត្តសុវត្ថិភាពម្ហូបអាហារ។
កញ្ញាបានលើកឡើងថា «យើងនឹងបន្តគាំទ្រ និងលើកកម្ពស់ផលិតផលល្អៗ ដែលនាំមកនូវគុណតម្លៃដល់សហគមន៍តាមរយៈសេវាកម្មប្រកបដោយការច្នៃប្រឌិត ហើយយើងនឹងធ្វើការជាមួយក្រុមហ៊ុន និងអង្គការនានាដើម្បីកែលម្អដំណើរការនៃការបំពេញការងាររបស់ពួកគេឲ្យកាន់តែប្រសើរឡើង»៕
ព័ត៍មានបន្ថែម
