- 2019-07-25 09:40:49
- ព័ត៌មាន
ម៉ាឡេស៊ី បញ្ចេញតួលេខទេសចរណ៍កម្ពុជា ទៅប្រទេសគេដើមឆ្នាំនេះ ជាមួយយុទ្ធសាស្ត្រទេសចរណ៍ ២០២០!
- 2019-07-25 09:40:49
- ចំនួនមតិ 0 | ចំនួនចែករំលែក 0
ម៉ាឡេស៊ី បញ្ចេញតួលេខទេសចរណ៍កម្ពុជា ទៅប្រទេសគេដើមឆ្នាំនេះ ជាមួយយុទ្ធសាស្ត្រទេសចរណ៍ ២០២០!
ចន្លោះមិនឃើញ
នៅក្នុងផ្នែកមួយនៃការប្រកាសបើកយុទ្ធសាស្ត្រ កញ្ឆក់យកភ្ញៀវទេសចរណ៍បរទេសចូលទៅក្នុងប្រទេសរបស់ខ្លួន ម៉ាឡេស៊ីបានបញ្ចេញឲ្យដឹងថា ទេសចរណ៍កម្ពុជា បានទៅដល់ប្រទេសរបស់គេ កើនជាង ១៩% ធៀបនឹងឆ្នាំ ២០១៨។
តាមរបាយការណ៍បញ្ចេញដោយស្ថានទូតម៉ាឡេស៊ី ប្រចាំនៅកម្ពុជាបានឲ្យដឹងថា នៅឆ្នាំ២០១៨ ប្រទេសម៉ាឡេស៊ីទទួលបានភ្ញៀវទេសចរណ៍អន្តរជាតិសរុបចំនួន ២៥.៨ លាននាក់ នឹងទទួលបានចំណូលចំនួន ៨៤.១ពាន់លានរីងហ្គីត រឺប្រហែល ២០.៣៥ ពាន់លាន ក្នុងនោះភ្ញៀវទេសចរណ៍ កម្ពុជា មានចំនួន ៩០ ០៤២នាក់ មានការកើនឡើងចំនួន ១១៤.៤ % បើធៀបទៅនឹងឆ្នាំ២០១៧។ដោយឡែកភ្ញៀវទេសចរណ៍អន្តរជាតិដែលមកទស្សនាម៉ាឡេស៊ីនៅ ៥ខែដើមឆ្នាំ ២០១៩ នេះមានចំនួន ១០ ៩៥៤ ០១៤នាក់ មានការកើនឡើង៤,៨% បើធៀបនឹងឆ្នាំ ២០១៨។
វិលមកខែមករា រហូត ខែឧសភា ឆ្នាំ ២០១៩ នេះផងដែរ ភ្ញៀវទេសចរណ៍កម្ពុជាបានទៅលេងប្រទេសម៉ាឡេស៊ីមានចំនួន ៤៣ ២២១ នាក់ កើនឡើង១៩,៤% បើធៀបនឹងឆ្នាំ ២០១៨។ នៅឆ្នាំ ២០១៩ ក្រុមប្រឹក្សាទេសចរណ៍ម៉ាឡេស៊ីរំពឹងថា នឹងមានភ្ញៀវទេសចរណ៍ខ្មែរចំនួន១០០ ៩០០ ពីប្រទេសកម្ពុជា និង១១០ ០០០ នៅក្នុងឆ្នាំ ២០២០ និងទៅទស្សនាប្រទេសម៉ាឡេស៊ី។
រដ្ឋាភិបាលម៉ាឡេស៊ី ទើបប្រកាសបើកយុទ្ធនាការស្រូបទាញទេសចរណ៍អន្តរជាតិទៅប្រទេសរបស់ខ្លួនសម្រាប់ឆ្នាំ ២០២០ កាលពីពេលថ្មីៗនេះ។ ជាមួយនឹងយុទ្ធនាការនេះ លោកនាយករដ្ឋមន្ត្រីម៉ាឡេស៊ី បើកយុទ្ធនាការដាក់អោយប្រើប្រាស់ជាផ្លូវការនូវស្លាកសញ្ញាសម្រាប់ឆ្នាំទស្សនាម៉ាឡេស៊ី ២០២០ ផងដែរ នៅអាកាសយានដ្ឋានអន្តរជាតិកូឡាឡាំពួរ ដោយលោកបានអំពាវនាវដល់ ប្រជាជនម៉ាឡេស៊ីទាំងអស់ អោយចូលរួមក្នុងយុទ្ធនាការនោះដើម្បីធានាបាននូវភាពជោគជ័យរបស់ខ្លួន។
ស្លាកសញ្ញាដែលបង្កើតឡើងនេះ គឺត្រូវបានច្របាច់បញ្ចូលគ្នានូវអត្តសញ្ញាណតំណាងអោយម៉ាឡេស៊ីមានដូចជារូបសត្វរូបផ្ការំយោល និងពណ៌រូបទង់ជាតិ ដែលទាំងនោះ គឺតំណាងអោយភាពសម្បូរបែបនៃវប្បធម៌ប្រពៃណីចម្រុះជាតិសាសន៍ និងជីវចម្រុះនៃរុក្ខជាតិ។
លោក Mahathirក៏បានធ្វើជាសាក្សីនៃការផ្លាស់ប្ដូរអនុស្សារក្នុងការផ្សព្វផ្សាយរួមគ្នារវាងក្រុម ប្រឹក្សាផ្សព្វផ្សាយទេសចរណ៍ម៉ាឡេស៊ីជាមួយ ក្រុមហ៊ុនអាកាសចរណ៍ Malaysia Airlines, ក្រុមហ៊ុនអាកាសចរណ៍ Air Asia, Firefly, ក្រុមហ៊ុនអាកាសចរណ៍ Malindo Air, ក្រុមហ៊ុន Malaysia Airport Holing Berhad and Sharp (M) Electronics Sdn Bhd. ក្រុមហ៊ុនអាកាសចរណ៍ទាំងបួន និងធ្វើកិច្ចសហប្រតិបត្តិការផ្សព្វផ្សាយនូវស្លាកសញ្ញាឆ្នាំទស្សនាម៉ាឡេស៊ី ២០២០ នៅលើយន្តហោះ និងសកម្មភាពផ្សព្វផ្សាយផ្សេងៗទៀតរបស់ខ្លួន។ នៅឆ្នាំ ២០២០ ក្រសួងទេសចរណ៍ម៉ាឡេស៊ី បានដាក់ចេញនៅយុទ្ធនាការទាក់ទាញទេសចរណ៍អន្តរជាតិអោយមក ទស្សនាប្រទេសម៉ាឡេស៊ី ចំនួន៣០លាននាក់ និងទទួលបាននូវប្រាក់ចំណូលចំនួន១០០ពាន់លានរីងហ្គីត រឺស្មើនឹង២៥ពាន់លានដុល្លារដោយយុទ្ធនាការនេះ ផ្ដោតទៅលើផ្នែកអេកូទេសចរណ៍ និងវប្បធម៌។
លើសពីនេះទៅទៀតមូលនិធិចំនួន ៥លានរីងហ្គីត ដែលមានឈ្មោះថា GAMELAN Malaysia ត្រូវបានបង្កើតឡើងគាំទ្រ ផ្នែកហិរញ្ញវត្ថុដល់វិស័យ ឧស្សាហកម្ម ទេសចរណ៍ឯកជន ដែលបានរៀបចំសកម្មភាពទីផ្សារផ្សព្វផ្សាយប្រទេសម៉ាឡេស៊ី ជាគោលដៅអាជីវកម្ម និងការកម្សាន្តផងដែរ។ ជាងនេះទៅទៀតរដ្ឋាភិបាលបានបើក ១៣ ច្រកថែមទៀតសម្រាប់ការ ធ្វើទិដ្ឋាការពេលមកដល់ក្នុងកិច្ចប្រឹងប្រែងដើម្បីសម្រួលដល់ការចូលមកដល់របស់ភ្ញៀវទេសចរណ៍ ចិន ឥណ្ឌា និងភ្ញៀវទេសចរណ៍អន្តរជាតិផ្សេងៗទៀតផងដែរ៕