ផ្ទះស្នាក់ចម្ការល្អបំផុតទាំង៥នៅអឺរ៉ុប រីឯតម្លៃវិញកប់មិនចាញ់សណ្ឋាគារប្រណីត

2019-07-28 05:05:00
សេដ្ឋកិច្ច

2019-07-28 05:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទេសភាពចម្ការល្វឹងល្វើយនៅអឺរ៉ុបមិនត្រឹមតែជាកន្លែងធ្វើកសិកម្មប៉ុណ្ណោះទេ ប៉ុន្តែកសិករទំនើបទាំងនោះតែងប្រើប្រាស់ចម្ការរបស់ពួកគេឲ្យអស់សក្ដានុពល និង បានធ្វើកន្លែងស្នាក់នៅសម្រាប់ភ្ញៀវដែលចង់សម្រាកលំហែតាមបែបទេសភាពស្រុកស្រែចម្ការ។

ពួកគេក៏បានផ្តល់នូវបទពិសោធន៍ដ៏ល្អដល់ភ្ញៀវដោយការធ្វើម្ហូបស្រុកស្រែ បន្លែសរីរាង្គ និង ស្រាក្នុងតំបន់ ធ្វើឲ្យទេសចរដែលបានទៅដល់ផ្ទះស្នាក់របស់ពួកគេ នឹងត្រលប់ទៅកាន់ទីក្រុងវិញជាមួយអនុស្សាវរីយ៍ល្អៗ។

ខាងក្រោមនេះគឺជាផ្ទះស្នាក់នៅចម្ការដ៏ល្អបំផុតនៅអឺរ៉ុប៖

១ កន្លែងជិះកង់ល្អបំផុតនៅកោះម៉ាឡូកា (Mallorca) ប្រទេសអេស្ប៉ាញ

ជាមួយនឹងទេសភាពជ្រលងភ្នំ ត្រាម៉ុនតាណា ផ្ទះស្នាក់ប្រណីតដូចសណ្ឋាគារ ដែលមានទីធ្លាគ្របដណ្តប់លើផ្ទៃដី ១៦០ ហិចតា Monnàber Vell គឺជាកន្លែងជិះកង់មើលទេសភាពព្រៃភ្នំដ៏ល្អឥតខ្ចោះ។

ភ្ញៀវនឹងអាចទទួលទានបន្លែសរីរាង្គស្រស់ៗដែលដាំនៅលើចម្ការនៅទីនោះស្រាប់។

សម្រាប់ថ្លៃស្នាក់នៅចាប់ពី ១៩០ ដុល្លារឡើងទៅក្នុង១យប់។

២ ល្អបំផុតសម្រាប់អ្នកចូលចិត្តស្រា៖ ចម្ការទំពាំងបាយជូរ នៅកោះស៊ីស៊ីលី ប្រទេសអ៊ីតាលី

Tarantola Farmhouse ជាចម្ការទំពាំងបាយជូរនៅលើកោះស៊ីស៊ីលី ដ៏ធំល្វឹងល្វើយ និង ជាកន្លែងផលិតស្រាដ៏ធំនៅអ៊ីតាលី។ អ្នកអាចភ្លក់ស្រាទំពាំងបាយជូរដោយសេរីជាមួយតម្លៃ ១៦ ដុល្លារ។ ហើយវាក៏ជាកន្លែងដ៏ល្បីសម្រាប់អ្នកចូលចិត្តម្ហូបអាហារសរីរាង្គដែលដាំដុះនិងរកបានទៅទីនោះស្រាប់។

បទពិសោធន៍ម្ហូបអាហារ ស្រា និង ការស្នាក់នៅទីនោះចាប់ពីជាង ៧០ ដុល្លារឡើងទៅ។

៣ ល្អបំផុតសម្រាប់អ្នកចង់រស់នៅដោយផ្សារភ្ជាប់ជាមួយធម្មជាតិ៖ កោះស៊ីរុស ប្រទេសក្រិច

កោះស៊ីរុស ប្រទេសក្រិច ត្រូវបានគេឲ្យឈ្មោះថាជា "តំបន់បៃតង" ដោយ National Geographic ដោយសារប្រវត្តិដ៏យូរលង់នៃការរស់នៅរបស់ប្រជាជននៅលើកោះដ៏ស្រស់ស្អាតនោះ។

អាហារសមុទ្រ សាច់អាំង ម្ហូបស្រស់ៗចំអិននៅផ្ទះ ទេសភាពស្រុកស្រែ និង ចម្ការទំពាំងបាយជូរ បានបន្ថែមនូវភាពឥតខ្ចោះសម្រាប់ភ្ញៀវទៅស្នាក់នៅទីនោះ។

តម្លៃស្នាក់នៅចាប់ពី ៦៦ ដុល្លារឡើងទៅក្នុង១យប់។

៤ ល្អបំផុតសម្រាប់អ្នកចូលចិត្តអាហារ៖ ចម្ការ Coombeshead នៅតំបន់ឆ្នេរ Cornwall ចក្រភពអង់គ្លេស

ចម្ការ Coombeshead នៅតំបន់ឆ្នេរ Cornwall ចក្រភពអង់គ្លេសជាកន្លែងដែលភ្ញៀវអាចទទួលបានបទពិសោធន៍ស្រែចម្ការ ទេសភាពជ្រលងភ្នំ វាលស្មៅ និង ការបរិភោគអាហារបែបអង់គ្លេសទំនើប។

តម្លៃស្នាក់នៅចាប់ពី ២១០ ដុល្លារឡើងទៅក្នុង១យប់ និង អាហារពេលល្ងាចចាប់ពី ៨០ ដុល្លារឡើងទៅក្នុងម្នាក់។

៥ ល្អបំផុតសម្រាប់អ្នកចូលចិត្តទេសភាពភ្នំ៖ ជនបទ Ecoparco Neule នៃប្រទេសអ៊ីតាលី