- 2019-08-24 03:37:00
- សេដ្ឋកិច្ច
ហេតុផល៦យ៉ាង ដែលអ្នកគួរបញ្ចូលតៃវ៉ាន់ ទៅក្នុងបញ្ជីដើរកម្សាន្តបន្ទាប់របស់អ្នក
- 2019-08-24 03:37:00
- ចំនួនមតិ 0 | ចំនួនចែករំលែក 0
ហេតុផល៦យ៉ាង ដែលអ្នកគួរបញ្ចូលតៃវ៉ាន់ ទៅក្នុងបញ្ជីដើរកម្សាន្តបន្ទាប់របស់អ្នក
ចន្លោះមិនឃើញ
តៃវ៉ាន់គឺជាកន្លែងដើរកម្សាន្តដ៏ល្អឆើតនៅអាស៊ីបូព៌ារាប់តាំងពីសម្រស់ភ្នំនិងសមុទ្រដ៏ត្រកាល ទីក្រុងឆើតឆាយស៊ីវីល័យ ពិសេសតម្លៃនៃការស្នាក់នៅហូបចុកធូរថ្លៃ។
ខាងក្រោមនេះគឺជាហេតុផល៦យ៉ាងដែលអ្នកគួរបញ្ចូលតៃវ៉ាន់ទៅក្នុងបញ្ជីដើរកម្សាន្តបន្ទាប់របស់អ្នក៖
១ កន្លែងដើរមើលទេសភាពភ្នំដ៏ពេញនិយមនៅអាស៊ី
ជាង៧០%នៃដែនកោះនេះគ្របដណ្តប់ដោយភ្នំ។ ភ្នំយូសាន (ឬ ភ្នំថ្លើមថ្ម) ជាមួយកម្ពស់ ៣៩៥២ម៉ែត្រ ជាភ្នំខ្ពស់បំផុតមួយនៅតៃវ៉ាន់។ សម្រាប់ប្រជាជនក្នុងស្រុកទូទៅ ភ្នំនេះត្រូវបានគេចាត់ទុកថាជាវិមានមួយ។
២ ទីក្រុងនិងធម្មជាតិស្ថិតនៅចម្រុះគ្នា
អ្នកមិនចាំបាច់ថាត្រូវតែឡើងភ្នំកម្ពស់រាប់ពាន់ម៉ែត្រទើបឃើញសម្រស់របស់កោះតៃវ៉ាន់ទេ។ ផ្លូវដើរ Zhuilu Old Trail ប្រវែង ១,១០០ ម៉ែត្របត់បែនពត់ពេនតាមខ្នងភ្នំធ្វើឲ្យអ្នកអាចមើលទេសភាពទីក្រុងយ៉ាងច្បាស់ ជាមួយនឹងទេសភាពទន្លេ លីវូ (Liwu) នឹងធ្វើឲ្យអ្នកដំណើរមានអារម្មណ៍ថាមេឃនិងពួកគេហាក់នៅជិតគ្នាបង្កើយ។
៣ អាហារតាមផ្លូវល្អណាស់
នៅតៃវ៉ាន់ យ៉ាងហោចណាស់មានផ្លូវមួយគឺមិនសម្រាប់ធ្វើចរាចរណ៍ទេ គឺវាជាបណ្តុំកន្លែងដើរញ៉ាំអាហារតាមចិញ្ចើមផ្លូវ។ Stinky tofu ប្រហែលជាអាហារដ៏ពេញនិយមបំផុតក្នុងចំណោមប្រជាជនតៃវ៉ាន់ ឬ គុយទាវមួយចាននៅភោជនីយដ្ឋានសាមញ្ញមួយ ចំណាយខ្ទង់៥ដុល្លារប៉ុណ្ណោះ។
៤ ជាឋានសួគ៌សម្រាប់អ្នកចូលចិត្តតែ
តំបន់ (Maokong) ម៉ៅកុង ភាគខាងត្បូងទីក្រុងតៃប៉ិ គឺជាកន្លែងដាំចម្ការតែដ៏ធំបំផុតនៅតៃវ៉ាន់។ អង្គុយនៅតៀមលក់តែ ស្រង់ក្លិនដ៏ឈ្ងុយរបស់តែក្លែមទេសភាពចម្ការតែជាមួយបរិយាកាសត្រជាក់ល្មម នឹងធ្វើឲ្យអ្នកមានអារម្មណ៍ថាខ្លួនឯងហាក់កំពុងស្ថិតនៅក្នុងរឿងព្រេងនិទានចិនបុរាណ។
៥ តម្លៃនៃការស្នាក់នៅធូរថ្លៃ
ហូសធែល (Hostel) បន្ទប់គ្រែ២តម្លៃប្រហែល ៣០ដុល្លារ។ Lazy House Hostel នៅហួលៀន (Hualien) ហើយនិង NK Hostel នៅតៃប៉ិតែងមានគុណភាពខ្ពស់ តែតម្លៃធូរខ្លាំង។
៦ ងាយស្រួលធ្វើដំណើរជុំវិញកោះតៃវ៉ាន់
រថភ្លើងល្បឿនលឿនរបស់កោះតៃវ៉ាន់ពីតៃប៉ិទៅកាន់ Kaohsiung ឬ ស្ទើរជុំវិញកោះទាំងមូលដោយប្រើពេលតែ ១ម៉ោង៤៥នាទី ឬ ត្រូវចំណាយថ្លៃធ្វើដំណើរប្រហែល ៤៥ ដុល្លារ ពោលគឺបណ្តាញរថភ្លើងធម្មតាក៏ល្អផងដែរដោយតភ្ជាប់ទៅកាន់ទីក្រុងធំៗ និង ប្រជុំជនឆ្ងាយៗ។
អាន៖ ប៊ូតាន់ប្រទេសស្រស់ស្អាតបំផុត គួរទៅទស្សនាឲ្យបានម្ដងក្នុងជីវិត
