- 2019-08-30 08:53:52
- ព័ត៌មាន
ហេតុផលនេះហើយធ្វើឲ្យប្រជាជនខ្មែរកាន់តែច្រើនមានលទ្ធភាពទិញគ្រឿងអេឡិចត្រូនិកប្រើ
- 2019-08-30 08:53:52
- ចំនួនមតិ 0 | ចំនួនចែករំលែក 0
ហេតុផលនេះហើយធ្វើឲ្យប្រជាជនខ្មែរកាន់តែច្រើនមានលទ្ធភាពទិញគ្រឿងអេឡិចត្រូនិកប្រើ
ចន្លោះមិនឃើញ
ទន្ទឹមនឹងការកើនឡើងនូវចំណែកទីផ្សាររបស់គ្រឿងអេឡិចត្រូនិកនៅកម្ពុជា មានហេតុផលមួយចំនួនទៀត ជាកត្តាជួយឱ្យតម្លៃផលិតផលគ្រឿងអេឡិចត្រូនិកនៅកម្ពុជាចុះថ្លៃ ធ្វើឱ្យប្រជាជនខ្មែរមានលទ្ធភាពក្នុងការប្រើប្រាស់ឧបករណ៍អេឡិចត្រូនិកច្រើនជាងមុនពីមួយឆ្នាំទៅមួយឆ្នាំ ដូចជា ៖កំណើនការសាងសង់អគារធំៗ, លំនៅឋានយ៉ាងច្រើនពាលពេញផ្ទៃប្រទេស, ការវិវឌ្ឍន៍ក្នុងការផ្គត់ផ្គងចរន្តអគ្គិសនីកាន់តែច្រើនឡើង, ស្របពេលតម្លៃចរន្ដអគ្គិសនីក៏មានការធ្លាក់ចុះ, ការលុបបំបាត់ចោលនៅពន្ធពិសេស១០% ពីរាជរដ្ឋាភិបាលសម្រាប់ទូរទស្សន៍ និងម៉ាស៊ីនបោកសំលៀកបំពាក់។ នេះបើតាមការលើកឡើងរបស់លោកឧកញ៉ា សុខ ពិសិដ្ឋ នាយកប្រតិបត្តិក្រុមហ៊ុន G Gear Group ថ្លែងក្នុងកម្មវិធីជប់លៀង អិល ជី ណៃ ២០១៩ ដើម្បីថ្លែងអំណរគុណដល់ តំណាងចែកចាយផលិតផល និងអតិថិជនដៃគូរអាជីវកម្ម នៅទូទាំងប្រទេសកម្ពុជា ជាមួយនឹងការបង្ហាញនូវផលិតផលថ្មីៗប្រចាំឆ្នាំ២០១៩ ជាច្រើនប្រភេទ នៅដឹព្រីមៀសេនធ័រសែនសុខ។
លោកក៏បានបញ្ជាក់ដែរថា កំណើនទីផ្សារគ្រឿងអេឡិចត្រូនិកនៅកម្ពុជា មានការកើនឡើងគួរឲ្យកត់សំគាល់ ដោយទំហំទីផ្សារសម្រាប់ទូរទស្សន៍ ទូរទឹកកក ម៉ាស៊ីនបោក សំលៀកបំពាក់ ម៉ាស៊ីនត្រជាក់ នៅក្នុងឆ្នាំ២០១៨ មានចំនួនទឹកប្រាក់ស្មើនឹង១២១លានដុល្លារ ហើយសម្រាប់ឆ្នាំ២០១៩នេះ គឺមានចំនួនប្រហែល ១៣៥លានដុល្លារ គឺមានការកើនឡើងប្រមាណ ១២% ហើយសម្រាប់ផលិតផល LG ដែលនាំចូលមក និងចែកចាយដោយក្រុមហ៊ុនរបស់លោកនៅពេលនេះ គឺមានការកើនឡើងប្រមាណជាង៤០% បើប្រៀបធៀបនឹងឆ្នាំ ២០១៨។
ក្នុងឱកាសនោះដែរ លោក Sung Suk Kim អគ្គនាយកក្រុមហ៊ុន LG Electronices ប្រចាំកម្ពុជា បានឲ្យដឹងថា៖ « នាពេលបច្ចុប្បន្ននេះម៉ាកសញ្ញា LG ទទួលបានការគាំទ្រកាន់តែខ្ពស់ ហើយចំណែកទីផ្សាររបស់ផលិតផល LG ចំបងៗទាំងអស់សុទ្ធតែនាំមុខគេក្នុងតំណែងលេខ ១ និង ២ ។ អតិថិជនតែងត្រូវបានណែនាំឲ្យជ្រើសរើសផលិតផល LG មុនគេដោយផ្អែកលើកេរ្តិ៍ឈ្មោះក្រុមហ៊ុន ក៏ដូចជាការណែនាំពីមិត្តភកិ្ត ឬក្រុមគ្រួសារ» ។
លោកបន្ថែមថា ក្រុមហ៊ុន LG ក៏មានមជ្ឈមណ្ឌលសេវាកម្មដែលកំពុងដំណើរការដោយផ្ទាល់នៅភ្នំពេញ ហើយក្រុមហ៊ុន Ggear ក៏មានបណ្តាញសេវាកម្មទូទាំងប្រទេសដើម្បីឆ្លើយតបទៅនឹងតម្រូវការភ្លាមៗរបស់អតិថិជន៕