ចង់បានបុណ្យកុសលកាន់តែច្រើន ពេលទៅវត្ត ប្រយ័ត្នរឿង ៣យ៉ាងនេះ - ជីវិតនិងសង្គម

2019-09-16 04:44:36
ព័ត៌មាន

ចង់បានបុណ្យកុសលកាន់តែច្រើន ពេលទៅវត្ត ប្រយ័ត្នរឿង ៣យ៉ាងនេះ

2019-09-16 04:44:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើបុណ្យទាន ដែលប្រកបដោយបញ្ញាញាណ គឺជាការទទួលបានបុណ្យកុសលកាន់តែច្រើន។ដូច្នេះពុទ្ធបរិស័ទនៅពេលទៅធ្វើបុណ្យទានជាពិសេសរដូវកាន់បិណ្ឌ ភ្ជុំបិណ្ឌនេះ គួរយកចិត្តទុកដាក់រឿងតូចៗទាំង៣ គឺការអុចទាន-ធូប ការរក្សាអនាម័យ និង ការតាំងចិត្តដោយកាយ វាចា និងចិត្ត ឲ្យស្អាតល្អ ដើម្បីទទួលកុសលកាន់តែច្រើន។

កត្តាទាំងបីខាងលើនេះ ត្រូវបានព្រះគ្រូគន្ធធុតង្គ សឿ ហេង ចៅអធិការវត្តធុតង្គចំការដូង សង្ឃដីកានៅក្នុងបទសម្ភាសន៍ជាមួយក្រុមការងារ Sabay កាលពីថ្ងៃទី ១៣ ខែកញ្ញា ២០១៩ កន្លងទៅនេះ ដូចខាងក្រោមថា៖

ព្រះគ្រូគន្ធធុតង្គ សឿ ហេង ចៅអធិការវត្តធុតង្គចំការដូង

១. ការអុចទាន-ធូប៖ ការធ្វើបុណ្យមានអុចទានធូប គឺជារឿងមួយ ហើយការអុចទានធូបប្រកបដោយបញ្ញា (ភាពត្រឹមត្រូវ) គឺជាផ្នែកមួយសំខាន់ដែរ គឺអុចធូបឲ្យមានសណ្ដាប់ធ្នាប់ ឬអុចទានឲ្យបានត្រឹមត្រូវ។ បើពុំដូច្នេះទេ ការអុចទាន-ធូប ក៏បង្កើតឲ្យមានគ្រោះថ្នាក់ អាចនឹងធ្វើឲ្យឆេះអាសនៈព្រះជាដើម។ ទន្ទឹមនឹងនេះ ការដុតទានត្រូវមានអ្វីជាទម្របើពុំដូច្នេះ នឹងធ្វើឲ្យហូរកក្លិកកក្លាក់ធ្វើឲ្យសោភណភាពមិនស្អាតហើយ ថែមទាំងប្រឈមគ្រោះថ្នាក់ផ្សេងៗ។

២. ការចោលសំរាម៖ ពុទ្ធបរិស័ទ ដែលបានទៅធ្វើបុណ្យទីជិត ទីឆ្ងាយក្ដី នៅពេលធ្វើបុណ្យទាន គួរណាចេះទុកដាក់សំរាមឲ្យបានត្រឹមត្រូវ គឺសំរាមគ្រប់ប្រភេទ កុំចោលពាសវាលពាសកាលនៅក្នុងទីអារាម ត្រូវចេះវេចខ្ចប់ ឬចោលសំរាមមួយចំនួននៅក្នុងធុងសំរាម ឬកន្លែងចោលសំរាមជាដើម។
៣. ការតាំងចិត្តឲ្យស្អាត៖ នៅពេលពុទ្ធបរិស័ទមកកាន់ទីវត្តអារាម ក៏ត្រូវតាំងចិត្តឲ្យជ្រះថ្លា ទាំងកាយ វាចា និងចិត្ត។ «មានការអធ្យាស្រ័យឲ្យបានច្រើន នៅពេលមកវត្តមានខ្លះបាត់ស្បែកជើង ការប៉ះទង្គិចគ្នា។ មួយទៀតប្រសិនបើសមាជិកគ្រួសារណាម្នាក់មិនចង់មកវត្តហើយបើយើងបង្ខំ ឬមិនសប្បាយចិត្ត ក៏ការធ្វើបុណ្យកុសលមិនល្អដែរ»។

ព្រះចៅអធិការវត្ត បានសង្ឃដីកាទៀតថា «ការធ្វើបុណ្យប្រកបដោយកាយ វាចា និងចិត្ត ឲ្យស្អាត យើងអ្នកស្អាតដោយកាយ វាចា និងចិត្តប្រកបដោយបុណ្យកុសល ពពួកញាតិទាំងឡាយនឹងទទួលបានបុណ្យកុសលនោះដោយល្អ។ ប៉ុន្តែបើយើងមិនស្អាត ពពួកញាតិក៏នឹងមិនទទួលបានបុណ្យកុសលល្អហ្នឹងដែរ។ ចឹងទាល់តែយើងធ្វើល្អ ពពួកញាតិទទួលបានល្អដែរ»៕

អត្ថបទ៖ ប៊ិន ប៊ុណ្ណា

មតិយោបល់

ជីវិតនិងសង្គម

ភ្ជាប់ទំនាក់ទំនងជាមួយ ជីវិតនិងសង្គម

ពាក្យទាក់ទង

អត្ថបទសំខាន់ វីដេអូឃ្លីប Knowledge ភ្ជុំបិណ្ឌ ២០១៩

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ងាយៗ ជួយឲ្យសាច់មុខសភ្លឺម៉ដ្ឋរលោងរាល់ថ្ងៃ ទោះពាក់ម៉ាសជាប់ក៏មិនភ័យខូចស្បែកដែរ

ផ្លែល្មើ កំពុងត្រូវប៉ាន់ លើទីផ្សារខ្មែរ ខណៈអ្នកមានលុយ មើលឃើញឱកាស បោះទុនវិនិយោគ

អត្ថបទថ្មី

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ផ្លែល្មើ កំពុងត្រូវប៉ាន់ លើទីផ្សារខ្មែរ ខណៈអ្នកមានលុយ មើលឃើញឱកាស បោះទុនវិនិយោគ

ស្មាត ប្រកាសការផ្លាស់ប្តូរថ្នាក់ដឹកនាំពីខែកញ្ញានេះតទៅ៖ លោក Ziad Shatara ត្រូវបានតែងតាំងជានាយកប្រតិបត្តិនៃក្រុមហ៊ុន Robi Axiata នៅបង់ក្លាដែស ខណៈដែលលោក Ritesh Kumar Singh នឹងចូលកាន់តំណែងជានាយកប្រតិបត្តិក្រុមហ៊ុនស្មាតអាស្យាតា

មណ្ឌលគិរី៖ ត្បូងពេជ្រ លាក់ខ្លួនក្នុងព្រៃភ្នំ នៃកម្ពុជា ដែលកំពុងផ្លាស់ប្តូរមុខមាត់ទេសចរណ៍ជាតិ!

គម្រោងហេដ្ឋារចនាសម្ព័ន្ធស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ សម្រេចបាន ៧០,១០% ហើយ