- 2019-10-18 08:03:54
- សេដ្ឋកិច្ច
លោក គីម ហ៊ាង៖ ឧកញ៉ា មហាសេដ្ឋី ទាំងនៅខ្មែរ និងលើពិភពលោកភាគច្រើនមានជំនាញពីរនេះ
- 2019-10-18 08:03:54
- ចំនួនមតិ 0 | ចំនួនចែករំលែក 0
លោក គីម ហ៊ាង៖ ឧកញ៉ា មហាសេដ្ឋី ទាំងនៅខ្មែរ និងលើពិភពលោកភាគច្រើនមានជំនាញពីរនេះ
ចន្លោះមិនឃើញ
“អួតជាជំនាញរបស់អ្នកលក់ លក់ជាជំនាញរបស់អ្នកមាន ហើយអ្នកលក់ណាក៏ពូកែច្រៀងចម្រៀងរបស់គាត់ដែរ”។ ទាំងនេះគឺជាចំណាប់អារម្មណ៍របស់លោក គីម ហ៊ាន អគ្គនាយកក្រុមហ៊ុន Khmer Real Estate ក្នុងកិច្ចសម្ភាសផ្ទាល់ជាមួយ sabay នាពេលកន្លងមក។ អ្នកមានជំនាញលក់ សុទ្ធសឹងជាអ្នកមានថ្វីមាត់ អួតផលិតផលទំនិញ និងសេវាកម្មរបស់ខ្លួន។ ចំណែកអ្នកជំនាញលក់ភាគច្រើនក្លាយជាអ្នកមាន។
លោកបានឱ្យដឹងថា អ្នកលក់ទាល់តែចេះអួត ទើបក្លាយជាអ្នកមាន។ អ្នកចេះធ្វើកុំព្យូទ័រដ៏ល្អ ធ្វើទូរស័ព្ទដ៏ល្អ ផលិតឡានដ៏ល្អ បើមិនចេះជំនាញលក់ បើមិនចេះអួតលក់មិនដាច់នោះទេ មិនមានលុយទេ ហេតុនេះពួកគេទាល់តែចេះលក់ ហើយអ្នកលក់មួយណាដែលមិនចេះអួត។ "អ្នកលក់ឡាន អួតឡានខ្លួនមានគុណភាពល្អ ស៊ីសាំងតិច សន្សំសំចៃ អាចបើកបរគ្រប់ស្ថានភាពជាដើម។ គឺល្អគ្រប់យ៉ាង ហើយទាល់តែចេះអួតអញ្ចឹង ទើបលក់ឡានដាច់”។
ជាលក្ខណៈទ្រឹស្ដីការលក់គឺជាជំនាញ ដែលសំខាន់បំផុតនៅក្នុងការរកស៊ី។ ការលក់ជាសរសៃឈាម ដែលនាំឈាមរត់ទៅគ្រប់ទីកន្លែងនៃអាជីវកម្មរបស់លោកអ្នក ហើយអ្នកលក់ចាំបាច់ត្រូវមានជំនាញបញ្ចុះបញ្ចូលអ្នកទិញឱ្យជឿលើផលិតផលរបស់ខ្លួន។ សម្រាប់លោក គីម ហ៊ាង អ្នកពូកែលក់ គឺជាមនុស្សមានទេពកោសល្យពីធម្មជាតិ ជាមនុស្សមានឆន្ទៈ និងការគិតវែងឆ្ងាយ ដឹងពីអតិថិជនគោលដៅ និងមើលឃើញពីអនាគត។
លោកបានបន្ថែមថា អ្នកជំនាញផ្នែកលក់ ភាគច្រើនបានបញ្ចប់ការសិក្សាថ្នាក់បរិញ្ញាបត្រទីផ្សារ ( Marketing & Sell) ។ ចេញមកអាចទទួលបានប្រាក់ខែខ្ពស់ និងមានអត្រាខ្ពស់ឈានទៅបង្កើតអាជីវកម្មផ្ទាល់ខ្លួនថ្ងៃអនាគត បើប្រៀបធៀបទៅនឹងអ្នករៀនជំនាញផ្សេង។
លោក គីម ហ៊ាង ហាក់មានចំណូលចិត្តខ្លាំងលើផ្នែកទិញលក់សេវាកម្មចាប់តាំងពីឆ្នាំ២០០១ មកចាប់តាំងពីលោករកស៊ីខាងសេវាកម្មទេសចរ ។ លោកចេះរៀបចំកញ្ចប់ទេសចរ ដោយស្គាល់ក្រុមហ៊ុនឡាន សណ្ឋាគារ និងកន្លែងដើរលេងច្រើន និងបានបង្រៀនមនុស្សរាប់រយនាក់ឱ្យចេះធ្វើការងារនេះ។ "ខ្ញុំចាំកាលខ្ញុំរៀនឆ្នាំទី៣ យុវជនម្នាក់ដែលមកពីខេត្ត ជាកូនកំព្រាម្ដាយ ហើយចេះរកលុយដោយខ្លួនឯងបណ្ដើរ រៀនមហាវិទ្យាល័យបណ្ដើរ ហើយអាចមានលទ្ធភាពទិញផ្ទះជាន់ទី២នៅផ្លូវកម្ពុជាក្រោមបាន” ។
មកនៅឆ្នាំ២០០៦ ជាចំណុចចាប់ផ្ដើមប្រលូក ជាអ្នកទិញលក់អចលនទ្រព្យ លោកបានស្គាល់ជនជាតិកូរ៉េនាំទិញដី ដោយផ្ដល់ប្រាក់កម្រៃជើងសារដំបូង ៣% បាន ៥៤០ដុល្លារ ស្នើទៅនឹងប្រាក់ខែពីរខែ ។ការទទួលបានប្រាក់កម្រៃដ៏ច្រើននេះ ត្រូវបានលោកប្រៀបធៀបខ្លួនឯងទៅខ្លា ដែលស្គាល់ឈាម។ បន្ទាប់មកការងាររបស់លោកភាគច្រើនទាក់ទងនឹងការទិញលក់ដី៕
