- 2019-10-28 01:33:02
- ព័ត៌មាន
កូនព្យុះមួយនឹងមកដល់វៀតណាមនៅថ្ងៃទី៣១ និងមានឥទ្ធិពលលើកម្ពុជានៅថ្ងៃទី១ វិច្ឆិកា
- 2019-10-28 01:33:02
- ចំនួនមតិ 0 | ចំនួនចែករំលែក 0
កូនព្យុះមួយនឹងមកដល់វៀតណាមនៅថ្ងៃទី៣១ និងមានឥទ្ធិពលលើកម្ពុជានៅថ្ងៃទី១ វិច្ឆិកា
ចន្លោះមិនឃើញ
ក្រសួងធនធានទឹកឲ្យដឹងថាសម្ពាធទាបសកម្មមួយកំពុងចូលមកដល់សមុទ្រចិនខាងត្បូង ហើយនឹងវិវត្តខ្លួនទៅជាកូនព្យុះទី២២ដែលមានឈ្មោះថាម៉ាត់ម៉ូ ហើយនឹងចូលមកដល់ភាគខាងត្បូងវៀតណាមនៅថ្ងៃទី៣១ ខែតុលា រួចបន្តមានឥទ្ធិពលចូលមកដល់កម្ពុជានៅថ្ងៃទី១ ខែវិច្ឆិកា។
ក្នុងសេចក្ដីជូនដំណឹងរបស់ក្រសួងធនធានទឹកចេញផ្សាយនៅព្រឹកនេះឲ្យដឹងថាកូនព្យុះដែលមកដល់វៀតណាមនៅថ្ងៃទី៣១ ខែតុលានោះ នឹងបានបន្ថយឥទ្ធិពលទៅជាសម្ពាធទាបសកម្មពេលចូលមកកម្ពុជាភាគខាងត្បូងនៅថ្ងៃទី១ ខែវិច្ឆិកា ឆ្នាំ២០១៩។
ក្រសួងថាបាតុភូតនេះនឹងធ្វើឲ្យរាជធានីខេត្តនានានឹងមានភ្លៀងធ្លាក់រាយប៉ាយជាបន្តបន្ទាប់ពីថ្ងៃទី១ ដល់ទី៧ ខែវិច្ឆិកា ឆ្នាំ២០១៩ ក្នុងបរិមាណពីមធ្យមទៅបង្គួរ និងតំបន់ខ្លះពីបង្គួរទៅច្រើន៕
