អុំទូកឆ្នាំនេះមិនដឹងទៅណា! ចាយលុយតែប៉ុណ្ណេះ ទៅលេងមណ្ឌលគិរី ៤ថ្ងៃសប្បាយកប់ក្ដោង

2019-11-08 07:03:29
ព័ត៌មាន

2019-11-08 07:03:29
ចំនួនមតិ 0 | ចំនួនចែករំលែក 0

ចន្លោះមិនឃើញ

នាឱកាសព្រះរាជពិធីបុណ្យអុំទូក អកអំបុក សំពះព្រខែ និងលយប្រទីបដែលនឹងមកដល់នៅសប្ដាហ៍ទី២ នៃខែវិច្ឆិកានេះ គម្រោងសម្រាប់ការកម្សាន្តដ៏ធំមួយ ត្រូវបានប្រកាសរៀបចំនៅកណ្ដាលក្រុងសែនមនោរម្យខេត្តមណ្ឌលគិរី។

"រមនាហ្វេសស្ទីវ៉ល" នឹងត្រូវធ្វើនៅលើដីប្រមាណជាង ៥ហិកតា ចាប់ពីថ្ងៃទី៩-១២ វិច្ឆិកាដោយនៅក្នុងបរិវេណនេះ មានដាក់បញ្ចូលនូវការកម្សាន្តជាច្រើន មានដូចជាការប្រគំតន្ត្រី កម្មវិធីដាល់អំបុក និងការជួបជុំគ្នាហាត់យូហ្គាជាដើម នៅក្នុងបរិយាកាសដ៏មនោរម្យ។ ក្រៅពីកម្មវិធីកម្សាន្តខាងលើ គម្រោងនេះ ក៏នឹងផ្ដល់ប្រិយមិត្តនូវការគេងក្នុងតង់ មានគុណភាពខ្ពស់ ដោយរៀបចំផ្នែកបន្ទប់អនាម័យស្ដង់ដា រួមទាំងបំពាក់ម៉ាស៊ីនទឹកក្ដៅផង។ នៅក្នុងនោះ ក៏ពូក ខ្នើយខ្យល់ ភួយ និងចង្កៀង ដែលអាចសាកថ្មគ្រឿងអេឡិចត្រូនិចថែមទៀត។

សម្រាប់តម្លៃចូលរួម ជម្រើសមានច្រើន តាមចំនង់ចំណូលចិត្ត រៀបចំជាពិសេសសំរាប់អ្នក ៖

តម្លៃ ៤៩ដុល្លារ ក្នុងម្នាក់ រយៈពេល ៣ថ្ងៃ ២យប់ (៩-១១វិច្ឆិកា) មិនរួមបញ្ចូលអាហារ
តម្លៃ ៤៩ដុល្លារ ក្នុងម្នាក់ រយៈពេល ៣ថ្ងៃ ២យប់ (១០-១២វិច្ឆិកា) មិនរួមបញ្ចូលអាហារ
តម្លៃ ៥៤ដុល្លារ ក្នុងម្នាក់ រយៈពេល ៤ថ្ងៃ ៣យប់ (៩-១២វិច្ឆិកា) មិនរួមបញ្ចូលអាហារ
តម្លៃ ៨៨ដុល្លារ ក្នុងម្នាក់ រយៈពេល ៣ថ្ងៃ ២យប់ (១០-១២វិច្ឆិកា) មានអាហារ ៧ពេល
តម្លៃ ៨៨ដុល្លារ ក្នុងម្នាក់ រយៈពេល ៣ថ្ងៃ ២យប់ (៩-១១វិច្ឆិកា) មានអាហារ ៧ពេល
តម្លៃ ៩៩ដុល្លារ ក្នុងម្នាក់ រយៈពេល ៤ថ្ងៃ ៣យប់ (១០-១២វិច្ឆិកា) មានអាហារ ១០ពេល