ក្រុមហ៊ុនអាកាសចរណ៍ ខេមបូឌា អ៊ែរវ៉េ សម្ពោធការិយាល័យលក់សំបុត្រកណ្តាលក្រុងជាផ្លូវការ

2019-12-02 02:48:05
ព័ត៌មាន

2019-12-02 02:48:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនអាកាសចរណ៍ ខេមបូឌា អ៊ែរវ៉េ បានប្រារព្ធពិធីបើកសម្ពោធការិយាល័យលក់សំបុត្រថ្មីមួយនៅក្នុងអាគារ ព្រីនភ្នំពេញ (Prince Phnom Penh Tower) កាលពីថ្ងៃទី ២៩ ខែវិច្ឆិកាឆ្នាំ ២០១៩។ ដែលមានការចូលរួមពី ប្រធានផ្នែកពាណិ្ជកម្ម របស់អាកាសចរណ៍ខេមបូឌា អ៊ែរវ៉េ និងតំណាងទីភ្នាក់ងារទេសចរណ៍នានា សំរាប់ព្រឹត្តិការណ៍នេះ។

នាយកផ្នែកពាណិជ្ជកម្មរបស់ក្រុមហ៊ុន អាកាសចរណ៍ ខេមបូឌា អ៊ែរវ៉េ បានថ្លែងនៅក្នុងពិធីនោះថា លោកបានសម្តែងនូវការស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅចំពោះភ្នាក់ងារ និងអតិថិជនទាំងអស់ដែលបានចូលរួមក្នុងពិធីនោះ។ លោកបានលើកឡើងថាក្នុងនាមជាក្រុមហ៊ុនអាកាសចរណ៍ក្នុងស្រុករបស់កម្ពុជាក្រុមហ៊ុនអាកាសចរណ៍ ខេមបូឌា អ៊ែរវ៉េ បានប្តេជ្ញាចិត្តក្នុងការអភិវឌ្ឍទីផ្សារចាប់តាំងពីការបើកជើងហោះហើរដំបូងនៅខែកក្កដាឆ្នាំ២០១៨។

បច្ចុប្បន្នក្រុមហ៊ុននេះដំណើរការជាមួយយន្ដហោះ Airbus A319 ចំនួន ៣ គ្រឿងនិងយន្ដហោះ Airbus A320 មួយគ្រឿងដើម្បីបម្រើដល់ការហោះហើរទៅកាន់គោលដៅក្នុង និងក្រៅស្រុកជា ច្រើនរួមមាន ភ្នំពេញ សៀមរាប ក្រុងព្រះសីហនុ ម៉ាកាវ បាងកក ហ្វូចូវ វិនចូវ ជាដើម។ រហូតមកដល់ពេលនេះក្រុមហ៊ុនបានបំរើនិងដឹកជញ្ជូនអ្នកដំណើរជាង ៤០0000 នាក់ដោយសុវត្ថិភាពទៅកាន់គោលដៅរបស់ពួកគេ។

ជាមួយនឹងការរីកចម្រើនយ៉ាងឆាប់រហ័សរបស់ក្រុមហ៊ុននិងការកែលំអបណ្តាញផ្លូវហោះហើរក្រុមហ៊ុនអាកាសចរណ៍ ខេមបូឌា អ៊ែរវ៉េ បានបង្កើតនិងដាក់ឲ្យប្រើប្រាស់ការិយាល័យលក់សំបុត្រកណ្ដាលក្រុងជាផ្លូវការនៅក្នុងអាគារ Prince Phnom Penh Tower ដើម្បីផ្តល់នូវសេវាកម្មប្រកបដោយគុណភាព និងភាពងាយស្រួលជាងមុនដល់ភ្នាក់ងារទេសចរណ៍ និងអតិថិជនជាមួយនិងសេវាអតិថិជនដ៏ល្អ។

ការិយាល័យលក់សំបុត្រក្នុងក្រុងនេះមិនត្រឹមតែផ្តល់ភាពងាយស្រួលដល់អ្នកដំណើរប៉ុណ្ណោះទេប៉ុន្តែថែមទាំងឆ្លុះបញ្ចាំងពីការប្តេជ្ញាចិត្តរបស់ក្រុមហ៊ុនអាកាសចរណ៍ ខេមបូឌា អ៊ែវ៉េ ដើម្បីបង្កើតបណ្តាញផ្លូវធំទូលាយដែលគ្របដណ្តប់ទាំងប្រទេសចិននិងអាស៊ាន និងនៅលើពិភពលោកដែលប្រើប្រាស់រាជធានីភ្នំពេញជាមជ្ឈមណ្ឌល។

បនា្ទប់មកតាមការអញ្ចើញរបស់ពិធីករប្រធានគ្រប់គ្រងពាណិជ្ជកម្មនៃក្រុមហ៊ុនអាកាសចរណ៍ ខេមបូឌា អ៊ែរវ៉េ បានប្រារព្ធពិធីកាត់ខ្សែបូរដើម្បីអបអរសាទរការបើកការិយាល័យលក់សំបុត្រកណ្តាលទីក្រុង ជាផ្លូវការ។ បុគ្គលិកក្រុមហ៊ុនអាកាសចរណ៍ ខេមបូឌា អ៊ែរវ៉េ បានចែកកាដូរដល់ភ្ញៀវក្នុងពិធីអ្នកដែលបានទិញសំបុត្រនៅថ្ងៃតែមួយនឹងទទួលបាននូវបន្តោងសោរពីខេមបូឌាអ៊ែរវ៉េ ក្រៅពីនេះក៏មានការចាប់ឆ្នោតផ្សងសំណាងផងដែរ ការចែកជូននេះត្រូវបានធ្វើឡើងនៅថ្ងៃដដែលនៅការិយាល័យលក់សំបុត្រ សម្រាប់ភ្ញៀវគ្រប់រូបដែលមកទិញសំបុត្រ។

ការិយាល័យលក់សំបុត្រក្រុងមានទីតាំងស្ថិតនៅជាន់ក្រោមនៃ (Prince Phnom Penh Tower) ដែលជាអគារមួយដែលស្ថិតនៅទីតាំងដែលមានការទទួលស្គាល់ជាសាធារណៈ។ ការិយាល័យទាំងមូលមានទំហំធំទូលាយនិងភ្លឺថ្លាហើយវាក៏មានកន្លែងអង្គុយស្រួលបំពាក់ដោយសាឡុងផងដែរ។ វាពិតជាផ្តល់នូវបទពិសោធន៍ប្រកបដោយផាសុកភាព និងងាយស្រួលសម្រាប់អ្នកដំណើរដែលមកលេងសាកសួរនិងទិញសំបុត្ររបស់ពួកគេ៕

ការិយាល័យលក់សំបុត្រក្រុង៖ ជាន់ទីមួយ អាគារ ព្រីនភ្នំពេញ (Prince Phnom Penh Tower) ផ្ទះលេខ ៤៤៥ មហាវិថីព្រះមុនីវង្ស រាជធានីភ្នំពេញ។

ទូរសព្ទ័ (ប្រទេសកម្ពុជា)៖ (+៨៥៥）០៩៦ ៨៥២ ៥៥៥៥ / ០៧៦ ៧៥២ ៥៥៥៥/ ០៧៦ ៩៤២ ៥៥៥៥ / ០៩៦ ៧៥២ ៥៥៥៥។

ការិយាល័យក្វាងចូវប្រទេសចិន៖（+៨៦） 020 ៣១២៣ ៦២៤៦ / （+ ៨៦） 020 ៨៧៤៨ ៦៥៨៩។

(ភ្នាក់ងារលក់សំបុត្រ និងភ្នាក់ងារទេសចរណ៍ក៏អាចរកបានដើម្បីកក់សំបុត្ររបស់ក្រុមហ៊ុនអាកាសចរណ៍ ខេមបូឌា អ៊ែរវ៉េ)

គេហទំព័រ：www.cambodia-airways.com

Facebook: @CambodiaAirways

WeChat：柬埔寨航空