- 2020-02-03 02:54:02
- ព័ត៌មាន
គួរឲ្យសរសើរ! បុគ្គលិកអាកាសចរស្រីលង្កា ១៦នាក់ ស្ម័គ្រចិត្តទៅដឹកពលរដ្ឋខ្លួនចេញពី Wuhan
- 2020-02-03 02:54:02
- ចំនួនមតិ 0 | ចំនួនចែករំលែក 0
គួរឲ្យសរសើរ! បុគ្គលិកអាកាសចរស្រីលង្កា ១៦នាក់ ស្ម័គ្រចិត្តទៅដឹកពលរដ្ឋខ្លួនចេញពី Wuhan
ចន្លោះមិនឃើញ
ក្រុមហ៊ុនអាកាសចរ Srilankan Airlines បានសម្ដែងការដឹងគុណ និងស្ងើចសរសើរយ៉ាងខ្លាំងចំពោះបុគ្គលិក ១៦នាក់របស់ខ្លួនដែលបានស្ម័គ្រចិត្តធ្វើដំណើរទៅកាន់ទីក្រុង Wuhan ដើម្បីដឹកពលរដ្ឋរបស់ខ្លួនចេញពីទីក្រុងដែលកំពុងផ្ទុះជំងឺដ៏កាចសាហាវកូរ៉ូណាវីរុសនេះ។
ដំណើរជម្លៀសពលរដ្ឋស្រីលង្កា ត្រូវបានធ្វើឡើងកាលពីថ្ងៃសៅរ៍ទី ១កន្លងទៅ ក្រោមការបញ្ជារផ្ទាល់ដោយប្រធានាធិបតី Gotabaya Rajapaksa។ ជើងហោះហើរលេខ UL1423 បានធ្វើការចុះចតយ៉ាងជោគជ័យនៅអាកាសយានដ្ឋានអន្ដរជាតិ Mattala Rajapaksa ក្រោយធ្វើការហោះហើរទៅកាន់ទីក្រុង Wuhan និងដឹកពលរដ្ឋស្រីលង្កាត្រឡប់មកវិញ។ ក្រោយចុះចត ពលរដ្ឋទាំងអស់ត្រូវបានប្រគល់ទៅឲ្យអាជ្ញាធរសុខាភិបាល និងអង្គភាពពាក់ព័ន្ធផ្សេងទៀតដើម្បីត្រួតពិនិត្យពីវីរុសកូរ៉ូណា។ លោក Ashok Pathirage ប្រធានក្រុមហ៊ុនអាកាសចរណ៍ស្រីលង្កា បានមានប្រសាសន៍ថា“ ប្រជាជាតិរបស់យើងតែងតែពឹងផ្អែកលើក្រុមហ៊ុនអាកាសចរណ៍ជាតិរបស់យើងក្នុងពេលមានវិបត្តិមិនថាជាព្យុះស៊ូណាមិ ឬការវាយប្រហារភេរកម្មនោះទេ ហើយយើងពិតជាមានមោទនភាពណាស់ដែលតែងតែបំពេញតួនាទី មិនថាបញ្ហាប្រឈមខ្លាំងប៉ុណ្ណានោះទេ។
គួរបញ្ជាក់ថា ស្រីលង្កាស្ថិតក្នុងចំណោមប្រទេសប៉ុន្មានប៉ុណ្ណោះដែលចិនអនុញ្ញាតឲ្យហោះហើរចូលទៅជួយសង្គ្រោះពលរដ្ឋរបស់ខ្លួន ក្រោយពេលដែលទីក្រុង Wuhan ត្រូវបានបិទដោយសារផ្ទុះវីរុសកូរ៉ូណា។ ជាមួយគ្នា សហរដ្ឋអាមេរិក, ចក្រភពអង់គ្លេស, ជប៉ុន និងកូរ៉េ ក៏បានជម្លៀសពលរដ្ឋរបស់ខ្លួនចេញផងដែរ ខណៈដែលបណ្តាប្រទេសជាច្រើនកំពុងរង់ចាំការអនុញ្ញាតឱ្យហោះហើរទៅកាន់ Wuhan៕