- 2020-03-27 02:27:06
- ព័ត៌មាន
អ្នកឆ្លង Covid-19 កើនលើសកន្លះលាននាក់ទូទាំងពិភពលោក ក្រោយអាមេរិកឡើងឈរលេខ១
- 2020-03-27 02:27:06
- ចំនួនមតិ 0 | ចំនួនចែករំលែក 0
អ្នកឆ្លង Covid-19 កើនលើសកន្លះលាននាក់ទូទាំងពិភពលោក ក្រោយអាមេរិកឡើងឈរលេខ១
ចន្លោះមិនឃើញ
បើគិតមកត្រឹមពេលនេះ អស់រយៈពេលជិត ៤ខែហើយដែលមេរោគ Covid-19 ផ្ទុះឡើងក្នុងប្រទេសចិនកាលពីឆ្នាំមុន វាយប្រហារទូទាំងពិភពលោកបណ្ដាលឲ្យអ្នកឆ្លងកើនឡើងលើស ៥០ម៉ឺននាក់។
យោងតាមទិន្នន័យជាក់លាក់បង្ហាញថា ចំនួនករណីឆ្លងសរុបនៅទូទាំងពិភពលោកកើនឡើងដល់ ៥២៦ ៥៤៤ករណីទូទាំងពិភពលោក ក្នុងនោះអ្នកស្លាប់មាន ២៣ ៩៥០នាក់។ របាយការណ៍នេះ បានចេញក្រោយពេលដែលសហរដ្ឋអាមេរិក ដែលមានប្រជាជន ៣៣០លាននាក់ខាងលើ មានករណីឆ្លងជំងឺកូវីដ១៩ សរុប ៨២ ៤០៤ករណី វ៉ាដាច់ប្រទេសចិន ៨១ ២៨៥ករណី និងអ៊ីតាលី ៨០ ៥៣៩ករណីគិតត្រឹមថ្ងៃព្រហស្បតិ៍ ទី២៦ ខែមីនា។
បច្ចុប្បន្នសហរដ្ឋអាមេរិកមានចំនួនករណីឆ្លងជំងឺកូវីដ១៩ ខ្ពស់បំផុតនៅលើពិភពលោក ខណៈដែលមន្ទីរពេទ្យកាន់តែច្រើនឡើងៗ បានរាយការណ៍ថាកំពុងទទួលអ្នកជំងឺកូវីដ១៩ យ៉ាងច្រើនលើសលប់ ហើយជនជាតិអាមេរិកចំនួន ៤០ភាគរយ ត្រូវស្ថិតក្រោមបញ្ជាឲ្យនៅដាច់ពីគេ ដើម្បីការពារការរីករាលដាលនៃជំងឺទៀតផង។ គួរឲ្យដឹងថា រហូតមកទល់ពេលនេះ នៅសហរដ្ឋអាមេរិកមានមនុស្សស្លាប់ចំនួន ១ ១៧៨នាក់មកហើយ ដោយសារជំងឺកូវីដ១៩៕