• 2020-05-27 00:39:06
  • សេដ្ឋកិច្ច

ថៃ​គ្រោង​បើក​ឲ្យ​ភ្ញៀវ​ទេសចរ​ ចូល​មើល​វាំង​ឡើង​វិញ​នៅ​សប្ដាហ៍​ក្រោយ​

  • 2020-05-27 00:39:06
  • ចំនួនមតិ 1 | ចំនួនចែករំលែក 21

ចន្លោះមិនឃើញ

ព្រះ​បរមរាជវាំង​ថៃ​ ឬ​ឈ្មោះ​ផ្លូវ​ការ​ជា​ភាសា​អង់គ្លេស​ហៅ​ថា Grand Palace (វាំង​ចាស់​)​ នឹង​បើក​ឲ្យ​ភ្ញៀវ​ទេសចរ​ចូល​មើល​ និង​សិក្សា​ស្វែង​យល់​សារ​ជា​ថ្មី​នៅ​សប្ដាហ៍​ក្រោយ។​

តាំង​ពី​ពាក់​កណ្ដាល​ខែ​មិនា​មក​ រាជវាំង​ថៃ​បាន​បិទ​ទ្វារ​មិន​ឲ្យ​មាន​ភ្ញៀវ​ទេសចរ​ចូល​មើល​ដូច​សព្វ​ដង​ដោយ​សារ​ការ​រីករាល​ដាល​នៃ​មេរោគ​កូវីដ​១៩​ ប៉ុន្តែ​ពេល​នេះ​អាជ្ញាធរ​គ្រោង​បើក​ឲ្យ​ចូល​ជា​​ប្រក្រតី​ឡើង​វិញ​បើ​តាម​ការ​ប្រកាស​កាល​ពី​ថ្ងៃ​ច័ន្ទ​កន្លង​ទៅ។​

មិន​ត្រឹម​តែ​វាំង​ចាស់​នោះ​ទេ​ដែល​ត្រូវ​បើក​ទ្វារ​ឲ្យ​មាន​ភ្ញៀវ​ទស្សនា​ ក្នុង​នោះ​ទី​តាំង​សំខាន់​ៗ​ផ្សេង​ទៀត​ក៏​ត្រូវ​បើក​ដំណើរ​ការ​ធម្មតា​វិញ​ដែរ​ ក្រោយ​ក្រសួង​សុខាភិបាល​ថៃ​ប្រកាស​ពី​ការ​ធ្លាក់​ចុះ​ ចំនួន​អ្នក​ឆ្លង​កូវី​ដ​១៩​ក្នុង​ប្រទេស​ថៃ។​ ចាប់​តាំង​ពី​ផ្ទុះ​ខ្លាំង​ក្នុង​ដើម​ខែ​មករា​ ថៃ​មាន​អ្នក​ឆ្លង​សរុប​ជាង​៣​ពាន់​នាក់​ ក្នុង​នោះ​៥៧​នាក់​បាន​ស្លាប់​បាត់បង់​ជីវិត។

គួរ​បញ្ជាក់​ថា​ វាំង​ចាស់​របស់​ថៃ​គឺ​ជា​គោល​ដៅ​ទេសចរណ៍​ផ្នែក​វប្បធម៌​ ប្រវត្តិសាស្ត្រ​ដ៏​សំខាន់​មួយ​ក្នុង​ទីក្រុង​បាង​កក​ ដូចគ្នា​ទៅ​នឹង​សារមន្ទីរ​ជាតិ, វត្ត​អារុណ និង​​វត្ត​សាគិត​ (ភ្នំ​មាស​) ដែល​សុទ្ធ​សឹង​មាន​ទីតាំង​ស្រប​ដង​ទន្លេ​ចៅផ្រៈយ៉ា៕

ប្រភព៖ Coconut ប្រែសម្រួល៖ សៀនហួរ

មតិយោបល់