- 2020-09-23 08:36:06
- ព័ត៌មាន
គម្រោងបុរីបែបទាន់សម័យ ចំនួន ២ បើកលក់ព្រមគ្នា នៅក្រុងកំពត!
- 2020-09-23 08:36:06
- ចំនួនមតិ 0 | ចំនួនចែករំលែក 0
គម្រោងបុរីបែបទាន់សម័យ ចំនួន ២ បើកលក់ព្រមគ្នា នៅក្រុងកំពត!
ចន្លោះមិនឃើញ
បន្ទាប់ពីជោគជ័យជាបន្តបន្ទាប់ក្នុងការសាងសង់ និងលក់គម្រោងរបស់ខ្លួន ក្រុមហ៊ុន HL NAKARA Development អេច អិល ណាការ៉ា ឌីវេឡុបមុិន បានសម្រេចរៀបចំពិធីបញ្ជុះបឋមសិលា និងបើកលក់គម្រោងពីរថ្មីរបស់ខ្លួន នៅខេត្តកំពត់ គឺបុរី ICON កំពត និង de Pearl កាលព្រឹកថ្ងៃទី២១ខែកញ្ញាឆ្នាំ២០២០ ដោយមានការចូលរួមពីសំណាក់មន្ត្រីថ្នាក់ដឹកនាំខេត្តកំពត ក៏ដូចវត្តមានអ្នកឧកញ្ញា លីយ៉ុងផាត់ និងម្ចាស់គម្រោង ភ្នាក់ងារលក់ បុគ្គលិក អ្នកសាព័ត៌មាន និងភ្ញៀវកិត្តិយស យ៉ាងច្រើនកុះករ។
លោក ហេង ហុកឡាយ ជានាយកប្រតិបត្តិក្រុមហ៊ុន HL NAKARA Development អេច អិល ណាការ៉ា ឌីវេឡុបមុិន បានមានប្រសាសន៍ថាដោយសារមើលឃើញពីសក្តានុពល និងការរីកចម្រើនផ្នែកអចលនៈទ្រព្យក្នុងទឹកដីខេត្តកំពត ទេីបក្រុមហ៊ុនរបស់លោក ដែលមានលោក ឈុន ហេងឡេង ជានាយកក្រុមហ៊ុន HL NAKARA Development Co Ltd អេចអិល ណាការ៉ា ឌីវេឡុបមុិន បានសំរេចចិត្តសាងសង់នូវសំណង់លំនៅដ្ឋានដែលធានាគុណភាពស្តង់ដា តាមបទដ្ឋានវិស្វកម្មនឹងស្ថាបត្យកម្ម ជាមួយនឹងសោភ័ណ្ឌភាព និងភាពសីវីល័យសម័យថ្មី ដើម្បីផ្តល់ជូនអតិថិជន។
លោកនាយកប្រតិបត្តិក្រុមហ៊ុន HL NAKARA Development បានបញ្ជាក់ថា គម្រោងទីមួយ ឈ្មោះ អាយខុន កំពត (Icon Kampot) ជាគំរោងផ្ទះ ល្វែងអាជីវកម្ម សាងសង់លើផ្ទៃដី ជាង៤ម៉ឺនម៉ែត្រការ៉េ ស្ថិតនៅ តាមបណ្ដោយផ្លូវជាតិលេខ ៣ (ភ្នំពេញ-កំពត) ដែលមានចម្ងាយត្រឹម ១,៦គ.ម ប៉ុណ្ណោះ ពីក្រុងកំពត។ គម្រោងនេះ មានផ្ទះ ៣៣៨ល្វែង។ ចំណែកគំរោង ទី 2 ឈ្មោះ ដឹ ភេីល វីឡា (de Pearl Villa) ជាគំរោង ផ្ទះវីឡាស្នាក់នៅ និងលំហែកាយ សាងសង់លើផ្ទៃដី ជិត ២ម៉ឺនម៉ែត្រ ការ៉េ ស្ថិតនៅលើផ្លូវជាតិលេខ ៣ មានចម្ងាយ 250ម៉ែត្រ ពីគំរោងអាយខុន កំពត។ គម្រោងនេះ មានផ្ទះវីឡា សរុបចំនួន ១២៥វីឡា និងមានអាងហែលទឹក សួនច្បារ កន្លែងហាត់ប្រាណ និងកូនផ្សារទំនើប។
លោកបន្ថែមថា ទោះបីជាប្រទេសកម្ពុជា និងពិភពលោក កំពុងព្រួយបារម្ភចំពោះជម្ងឺកូវីដ-១៩ ក្តី តែចំពោះការវិនិយោគលើវិស័យអចលនៈទ្រព្យ និងការសាងសង់សំណង់ផ្ទះល្វែង វីឡា បុរី ក្នុងប្រទេសកម្ពុជា ក៏ដូចជាក្នុងខេត្តកំពត នៅតែបន្តហក់ឡើងបន្តិចម្តងៗ ព្រោះខេត្តនេះគឺជាខេត្តមួយមានការអភិវឌ្ឍន៍លើគ្រប់វិស័យ ទាំងហេដ្ឋារចនាសម្ព័ន្ធផ្លូវថ្នល់ ភ្លើងបំភ្លឺផ្លូវក្នុងក្រុង ក៏ដូចជាតាមតំបន់ទេសចរណ៍នានា ហើយមួយវិញទៀតខេត្តកំពតសំបូរទៅដោយរមណីដ្ឋានទេសចរដើម្បីអោយភ្ញៀវមកទស្សនា និងលេងកំសាន្ត។
សូមបញ្ជាក់ថា ពិធីបញ្ជុះបឋមសិលា និងបើកលក់គម្រោងដែលមានទុនវិនិយោគជាង ៤២លានដុល្លារអាមេរិកនេះ មានការអញ្ជើញចូលរួមពីសំណាក់ឯកឧត្តម ជឹង ផល្លា ប្រធានក្រុមប្រឹក្សាខេត្តកំពត ព្រមទាំងមានការផ្តល់កិត្តិយស់ដ៏ខ្ពង់ខ្ពស់ពីសំណាក់ឯកឧត្តមអ្នកឧកញ្ញា លី យ៉ុងផាត់ សមាជិកព្រឹទ្ធសភា និងអតិថិជនរបស់ក្រុមហ៊ុនជាង ២០០នាក់ ហើយនៅចុងបញ្ចប់កម្មវិធីក៏មានការចាប់រង្វាន់លើកទឹកចិត្តចំពោះអ្នកចូលរួមពិធីនេះ ដែលរង្វាន់ជា Voucher ដែលមានទឹកប្រាក 3,888$ ដប់រង្វាន់ 6,888$ប្រាំបីរង្វាន់ និងរង្វាន់ធំទឹកប្រាក់ 8,888$ មួយរង្វាន់ ដែលទឹកប្រាក់ទាំងនេះអាចយកមកទិញ ឬកក់បុរី ICON កំពត និង de PEARL។
សម្រាប់ព័ត៌មានលម្អិតអំពីគម្រោងបុរី ICON កំពត និង de Pearl លោកអ្នកអាចទាក់ទង់តាមលេខ: 089/066/ 086 991818 និងតាមទំព័រហ្វេសប៊ុក https://www.facebook.com/Iconkampot/ ៕