ទឹកចិត្ត! ជនរងគ្រោះទឹកជំនន់ ២៥០គ្រួសារនៅបាត់ដំបងទទួលជំនួយពី foodpanda

2020-11-11 02:18:15
ព័ត៌មាន

2020-11-11 02:18:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីព្រឹកថ្ងៃទី ៦ ខែវិច្ឆិកា ២០២០នេះ ក្រុមហ៊ុនផ្តល់សេវាដឹកជញ្ជូនឥតគិតថ្លៃដ៏ល្បី foodpanda បានដឹកនាំក្រុមការងារខ្លួន ចែកអំណោយដល់គ្រួសារដែលទទួលរងគ្រោះដោយសារទឹកជំនន់កាលពី ខែតុលា កន្លងទៅចំនួន ២៥០គ្រួសារនៅសង្កាត់អូរចារខេត្តបាត់ដំបងក្នុងនោះរួមមានទាំងបុគ្គលិក របស់ foodpanda ផងដែរ។ កម្មវិធីចែកអំណោយនេះប្រព្រឹត្តទៅដោយមាន ការចូលរួមក្រោម អធិបតិភាពដ៏ខ្ពង់ខ្ពស់ពីសំណាក់ ឯកឧត្ដម ឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថ ខេត្តបាត់ដំបង និង លោក ផេង សិទ្ធី អភិបាលក្រុងបាត់ដំបង។

តំណាងក្រុមហ៊ុន foodpanda ប្រចាំខេត្តបាត់ដំបងបានឲ្យដឹងថាអំណោយដែលគ្រួសារនីមួយៗទទួល បានមានដូចជាអង្ករ ១០ គីឡូក្រាម មី៦កញ្ចប់ ត្រីខ១យួ ទឹកស៊ីអ៊ីវ១ដប សាប៊ូដុំដុសខ្លួន១ដុំ ភួយ១ ក្រមា១ ឆៃប៉ូវ០.៥គីឡូក្រាម និងថ្នាំសង្កូវមួយចំនួន។ លោកបានឲ្យដឹងថា ៖ «ជំនួយដែលចែកជូនថ្ងៃនេះ លេចចេញពីទឹកចិត្តរបស់ក្រុមការងារ foodpanda ទាំងអស់ ហើយយើងសង្ឃឹមថាជំនួយទាំងនេះ នឹងអាចជួយដោះស្រាយការលំបាករបស់បងប្អូនរងគ្រោះដោយទឹកជំនន់បានមួយកម្រិត» ។

ជាក់ស្តែង កាលពីចុងខែតុលានេះ ខេត្តខ្លះក្នុងប្រទេសកម្ពុជា ដូចជាខេត្តបាត់ដំបង បន្ទាយមានជ័យ និងមួយចំនួនទៀតបានទទួលរងគ្រោះធម្មជាតិទឹកជំនន់ ដែលធ្វើឲ្យគ្រួសារខ្លះលិចផ្ទះសឹងតែទាំងស្រុង ឯអ្នកខ្លះទៀតបានបាត់បង់សមាជិកគ្រួសារទៀតផង។ ខេត្តបាត់ដំបងទទួលរងការលិចធ្ងន់ធ្ងរដែលធ្វើឲ្យប្រជាជនជួបផលវិបាក ទាំងការរស់នៅ និង សុខភាព ក៏មានផលប៉ះពាល់ដែរ។

គួរបញ្ចាក់ដែរថា សេវាដឹកជញ្ជូនរបស់ foodpanda មានពង្រីកខ្លួនដល់ខេត្តបាត់ដំបងនាដើមឆ្នាំ ២០២០ នេះ ដែលក្រៅពីដឹកជូនដល់ទីតាំងដោយឥតគិតថ្លៃហើយ ថែមទាំងតែងមានផ្តល់ជូនប្រូម៉ូសិន ពិសេសជាច្រើនទៀត។ បច្ចុប្បន្នក្រុមហ៊ុនសេវាដឹកជញ្ជូនម្ហូប foodpanda មាននៅទីក្រុងភ្នំពេញ សៀមរាប បាត់ដំបង កំពង់ចាម និងកំពត ។

តោះ! ដោនឡូតអេប foodpanda មួយទុកដែរទៅ ស្រួលចុចកុម្ម៉ង់ម្ហូបឆ្ងាញ់ៗ មិនបាច់រង់ចាំយូរ ចំណេញទាំងពេលវេលា និងថវិកា ៕