កូវីដ-១៩ ជាវីរុស​ដែលឆ្លងតាមតំណក់ទឹកតូចៗ នៅពេលដែលអ្នកផ្ទុកវីរុស កូវីដ១៩ ក្អក ឬកណ្តាស់ ហើយវា ក៏ជាជំងឺ ដែលឆ្លងតាមរយៈការប៉ះពាល់ ដោយផ្ទាល់ ជាមួយអ្នកដែលផ្ទុកវីរុសនេះ ផងដែរ។

យោងតាមប្រភពផ្លូវការ របស់ក្រសួងសុខាភិបាល បានអោយដឹងថា អ្នកដែលកើត ជំងឺកូវីដ ១៩ នឹងលេចចេញ នូវរោគសញ្ញា យ៉ាងតិច១ ក្នុងចំណោម រោគសញ្ញាខាងក្រោមនេះ។

ទី១. ឡើងកំដៅ ក្នុងខ្លួន ( កំដៅ យ៉ាងតិច ៣៧,៥ អង្សាសេ)

ទី២. ក្អក និង មានហៀរសំបោរ

ទី៣. មានឈឺបំពង់ក

ទី៤. ពិបាកដកដង្ហើម

ករណីសង្ស័យ ថាមានពាក់ព័ន្ធ ជំងឺ កូវីដ១៩ ផ្សេងទៀត មាន ៖

• ប្រវត្តិ ធ្វើដំណើរ ឆ្លងខេត្ត នៅក្នុងប្រទេស ឬ ក្រៅប្រទេស ក្នុងអំឡុង ១៤ថ្ងៃ មុនចេញរោគសញ្ញា
• ប៉ះពាល់ ជាមួយអ្នកដែលបានធ្វើដំណើរ ក្រៅប្រទេសកម្ពុជា ក្នុងអំឡុង ១៤ថ្ងៃ មុនចេញរោគសញ្ញា
• ប៉ះពាល់ជាមួយអ្នកជំងឺកូវីដ១៩ (បញ្ជាក់ពី មន្ទីពិសោធន៍) ក្នុងអំឡុង ១៤ថ្ងៃ មុនចេញរោគសញ្ញា
• ជាអ្នកថែទាំ សុខភាព នៅគ្រឹះស្ថានសុខាភិបាល ។

វិធីព្យាបាល ដែលមានប្រសិទ្ធភាព គឺការធ្វើតេស្ត ទៅលើសំណាក (ពិនិត្យដោយ វិទ្យាស្ថានជាតិ ប៉ាស្ទ័រ) និងទទួលការព្យាបាល ពីគ្រូពេទ្យ ដែលមានជំនាញ។

វិធីបង្ការ ដែលមានប្រសិទ្ធភាព គឺការធ្វើអនាម័យ (លាងដៃ ជាប្រចាំ ក្រោយការប៉ះពាល់ផ្សេងៗ) ពាក់ម៉ាស់ រាល់ពេលចេញទៅខាងក្រៅ។

រាល់ករណី សង្ស័យ សូមធ្វើការទំនាក់ទំនង ទៅកាន់លេខ ១១៥ អំពីការសាកសួរ ពីជំងឺកូវីដ១៩ ៕