ចាំបាច់អីត្រូវធ្វើបាបខ្លួន? ពាក់ស្បែកជើងកែងខ្ពស់ អាចធ្វើឲ្យស្ត្រីមានភាពទាក់ទាញ មានទំនុកចិត្តពេលចេញក្រៅ ប៉ុន្តែបើក្រឡេកទៅមើលផលប៉ះពាល់វិញក៏មិនតិចដែរ។ សម្រាប់មិត្តនារីៗដែលចូលចិត្តពាក់ស្បែកជើងកែងខ្ពស់ៗរាល់ថ្ងៃ គួរពិចារណា ឬគិតឡើងវិញបើមិនចង់ ឲ្យរាង្គកាយទ្រុឌទ្រោម ឬឈឺរ៉ាំរ៉ៃ។

ផលប៉ះពាល់ ៦យ៉ាងខាងក្រោមនេះ អាចឲ្យអ្នកប្ដូរគំនិតកាត់បន្ថយពាក់ស្បែកជើងកែងខ្ពស់ៗរាល់ថ្ងៃ ៖

១. ខូចក្រចកជើង

ពាក់ស្បែកជើងកែងរឹបចុងម្រាមជើង អាចធ្វើឲ្យក្រចកម្រាមជើងមានបញ្ហា ដោយសារតែម្រាមជើងបង្រួបចូលគ្នា បណ្ដាលឲ្យក្រចកជើងដុះធំ ហើយអាចបណ្ដាលឲ្យមានការឆ្លងមេរោគក្រចក ឬផ្សិតក៏មាន។

២. មានបញ្ហាជង្គង់ និងត្រគាក

ការដើរជាមួយស្បែកជើងខ្ពស់ គឺវាទម្លាក់ទម្ងន់ស្ទើរតែទាំងស្រុងលើផ្នែកជង្គង់ និងត្រគាក ហើយយូរៗទៅអាចបង្ករឲ្យមានការបាក់ឆ្អឹង និងជាប់សរសៃ។

៣. បង្កើនហានិភ័យរលាកសន្លាក់ឆ្អឹង

បើអ្នកតែងតែពាក់ស្បែងជើងខ្ពស់ដែលមានទំហំ ៣ ១/២ អ៉ីន ឬខ្ពស់ជាងនេះអាចបង្កើនហានិភ័យនៃជំងឺរលាកសន្លាក់ឆ្អឹង ប្រសិនបើដល់កម្រិតធ្ងន់ធ្ងរអាចឈានដល់ពិការភាពក៏មាន។

៤. ឈឺចុកចាប់សាច់ដុំ ឬស្ពឹក

ស្រ្តីជាច្រើនមានអាការៈរមួលក្រពើ បន្ទាប់ពីពាក់ស្បែកជើងខ្ពស់។

៥. ឈឺចុកចាប់ឆ្អឹងកូនគោ

វាអាចបណ្ដាលឲ្យសរសៃឈាមរីកធំ ដែលអាចមើលឃើញពីខាងក្រៅ មិនត្រឹមតែអាក្រក់មើលនោះទេ ប៉ុន្តែក៏ផ្ដល់ភាពឈឺចុកចាប់ខ្លាំងដែរ។

៦. ដំណើរខុសមុន

វាបណ្ដាលឲ្យសាច់ដុំ សរសៃពួររបស់ដាច់ដុំ និងសាច់ដុំកំភួនជើង ប្រែប្រួលទៅតាមរូបរាងរបស់ស្បែកជើង ដែលជាមូលហេតុនាំឲ្យមានផលប៉ះពាល់។

ហេតុនេះមិនគួរពាក់ស្បែកជើងកែងខ្ពស់រាល់ថ្ងៃពេកទេ គួរពាក់តែឱកាសពិសេសៗបានហើយ៕

Manulife Cambodia គាំទ្រការស្រលាញ់សុខភាព

ប្រភពដកស្រង់ និងប្រែសម្រួលតាម៖

simplemost

bodyandbeans