សាលាភូមិន្ទរដ្ឋបាល នឹងរៀបចំការប្រឡងប្រជែងជ្រើសរើស សិស្សមន្រ្តីជាន់ខ្ពស់លើកទី១២ ចំនួន ៩៥នាក់។ ក្នុងនោះ ជំនាញរដ្ឋបាលសាធារណៈ ៣៥នាក់, ជំនាញសេដ្ឋកិច្ច និងហិរញ្ញវត្ថុ ៣៥នាក់ និងជំនាញទំនាក់ទំនងអន្តរជាតិ ២៥នាក់។

ចំពោះការប្រឡងចូលរៀននេះត្រូវឆ្លងកាត់វិញ្ញាសាចំនួន២ គឺ វិញ្ញាសាសរសេរ និងវិញ្ញាសាសួរផ្ទាល់មាត់។

• វិញ្ញាសាសរសេរលើកទី១ មាន

១. សំនួរពហុចម្លើយ

២. ភាសាបារាំង ឬអង់គ្លេស

មានតែបេក្ខជន ដែលបានប្រឡងជាប់វិញ្ញសាលើកទី១ប៉ុណ្ណោះ ដែលនឹងត្រូវអនុញ្ញាតឱ្យចូលរួមប្រឡងវិញ្ញាសាសរសេរលើកទី២។

• វិញ្ញាសាសរសេរលើកទី២ មាន

១. អធិប្បាយពាក់ព័ន្ធនឹងចំណេះដឹងទូទៅ

២. ដោះស្រាយបញ្ហាតាមករណីសិក្សា

៣. ជំនាញ (បេក្ខជនត្រូវជ្រើសរើសជំនាញរបស់ខ្លួន)

រដ្ឋបាលសាធារណៈ (សម្រាប់ជំនាញរដ្ឋបាលសាធារណៈ)

សេដ្ឋកិច្ច និងហិរញ្ញវត្ថុ (សម្រាប់ជំនាញសេដ្ឋកិច្ច និងហិរញ្ញវត្ថុ)

និតិអន្តរជាតិសាធារណៈ និងទំនាក់ទំនងអន្តរជាតិ (សម្រាប់ជំនាញទំនាក់ទំនងអន្តរជាតិ)

បេក្ខជនដែលប្រឡងជាប់វិញ្ញាសាសរសេរលើកទី២ប៉ុណ្ណោះ ដែលនឹងត្រូវអនុញ្ញាតឱ្យចូលរួមប្រឡងវិញ្ញាសាផ្ទាល់មាត់

• វិញ្ញាសាសួរផ្ទាល់មាត់

ធ្វើមូលវិចារណ៍លើបុគ្គលិកលក្ខណៈ និងលើហេតុប្បទ្ទេសរប់សបេក្ខជន ក្នុងពេលតែ១ រយៈពេល ១៥ ទៅ ៣០នាទី

ចំពោះកាលបរិច្ឆេទនៃការបំពេញពាក្យ និងទទួលពាក្យ ចាប់ផ្ដើមពីថ្ងៃទី១១ ខែតុលា ឆ្នាំ២០២១ ដល់ថ្ងៃទី៣០ ខែវិច្ឆិកា ឆ្នាំ២០២១ វេលាម៉ោង ១៧៖៣០នាទី ជាពេលផុតកំណត់។ ការប្រឡងប្រជែងនឹងប្រព្រឹត្តទៅនៅក្នុងខែធ្នូ ឆ្នាំ២០២១ រីឯកាលបរិច្ឆេទជាក់ស្តែងនឹងប្រកាសផ្សព្វផ្សាយជូននៅពេលក្រោយ៕