សម្រាប់សិស្សានុសិស្សដែលមានចំណងចង់ក្លាយទៅជាគ្រូពេទ្យនៅថ្ងៃអនាគតតែមិនដឹងថារៀននៅសាលាណាល្អមែនទេ ថ្ងៃនេះ Sabay នឹងនាំអ្នកទាំងអស់គ្នាទៅស្គាល់សាកលវិទ្យាដ៏ល្បីឈ្មោះមួយនៅក្នុងរាជធានីភ្នំពេញដែលមានកេរ្តិ៍ឈ្មោះបោះសម្លេងខាងវិស័យវេជ្ជសាស្ត្រសុខាភិបាល និងបានបណ្តុះបណ្តាលនិស្សិតជាច្រើនឲ្យក្លាយទៅជាគ្រូមានជំនាញរាប់មិន​អស់នៅកម្ពុជា។

សាកលវិទ្យាល័យវិទ្យាសាស្ត្រសុខាភិបាល(ស.វ.ស) ឬយើងអាចហៅបានថា សាលាក្រហម ជាភាសាអង់គ្លេស University of Health Sciences (U.H.S) គឺជាគ្រឺះស្ថានឧត្ដមសិក្សាផ្នែកសុខាភិបាលត្រូវបានបង្កើតឡើងតាំងពីឆ្នាំ១៩៤៦ ក្នុងគោលបំណងបណ្តុះបណ្តាលខាងវិស័យសុខាភិបានៅកម្ពុជា ដែលបច្ចប្បន្នមានចំនួន២ទីតាំង ដោយទីតាំងទី១៖ លេខ៧៣ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ និងទីតាំងទី២៖ លេខ៣០១ មហាវិថីកងយោធពលខេមរៈភូមិន្ទ (ផ្លូវ២៧១សង្កាត់ទំនប់ទឹក ខណ្ឌចំការមន រាជធានីភ្នំពេញ។

សាកលវិទ្យាល័យវិទ្យាសាស្ត្រសុខាភិបាល មានមហាវិទ្យាល័យចំនួន៣ សាលាចំនួន១ និង ផ្នែកចំនួន១ ដែលមានមុខជំនាញដូចខាងក្រោម ៖

១. មហាវិទ្យាល័យវេជ្ជសាស្ត

• ថ្នាក់បរិញ្ញាបត្រវិទ្យាសាស្ត្រវេជ្ជសាស្ត្រ
• ថ្នាក់វេជ្ជបណ្ឌិត
• ថ្នាក់វេជ្ជបណ្ឌិតឯកទេស (២២ ឯកទេស)

២. មហាវិទ្យាល័យទន្តសាស្ត

• ថ្នាក់បរិញ្ញាបត្រវិទ្យាសាស្ត្រទន្តសាស្ត្រ
• ថ្នាក់ទន្តបណ្ឌិត
• ថ្នាក់បរិញ្ញាបត្រជាន់ខ្ពស់ផ្នែកពត់ធ្មេញ

៣. មហាវិទ្យាល័យឱសថសាស្ត

• ថ្នាក់បរិញ្ញាបត្រ ឱសថសាស្ត្រ

• ថ្នាក់បរិញ្ញាបត្រជាន់ខ្ពស់ផ្នែកវិទ្យាសាស្ត្រឱសថសាស្ត្រ

• ថ្នាក់បរិញ្ញាបត្រជាន់ខ្ពស់ វេជ្ជ-ជីវសាស្ត្រ

៤. សាលាបច្ចេកទេសថែទាំវេជ្ជសា្រស្ត

• ថ្នាក់ឯកទេសចក្ខុគិលានុបដ្ឋាក
• ថ្នាក់បរិញ្ញាបត្រ និង បរិញ្ញាបត្ររង គិលានុបដ្ឋាក
• ថ្នាក់បរិញ្ញាបត្រ និង បរិញ្ញាបត្ររងឆ្មប
• ថ្នាក់បរិញ្ញាបត្រ និង បរិញ្ញាបត្ររង ព្យាបាលដោយចលនា
• ថ្នាក់បរិញ្ញាបត្ររង បច្ចេកទេសមន្ទីរពិសោធន៍
• ថ្នាក់បរិញ្ញាបត្ររង បច្ចេកទេសវិទ្យុសាស្ត

៥. ផ្នែកសុខភាពសាធារណៈ

• ថ្នាក់បរិញ្ញាបត្រ សុខភាពសាធារណះ

ប្រភព៖ សៀវភៅណែមគ្គុទេសសិក្សាក្រសួងអប់រំ យុវជន និង​កីឡា