/675f710b9e9e9_1734308100_medium.jpg)
- 2024-12-16 02:16:00
- ព័ត៌មាន
ស្ត្រីវ័យចំណាស់បើកឡាន ២៥គីឡូម៉ែត្រ ទាំងមិនដឹងឡានអត់កង់
- 2024-12-16 02:16:00
- ចំនួនមតិ 0 | ចំនួនចែករំលែក 0
ស្ត្រីវ័យចំណាស់បើកឡាន ២៥គីឡូម៉ែត្រ ទាំងមិនដឹងឡានអត់កង់
ចន្លោះមិនឃើញ
ស្ត្រីវ័យចំណាស់ជនជាតិអង់គ្លេសម្នាក់ កំពុងធ្វើឲ្យមហាជនហួសចិត្ត និងអស់សំណើច បន្ទាប់ពីបើករថយន្តបានចម្ងាយជាង ២៥គីឡូម៉ែត្រ ទាំងមិនដឹងថារថយន្តរបស់ខ្លួនអត់មានកង់មុខមួយចំហៀង។
រឿងហេតុគួរឲ្យភ្ញាក់ផ្អើលនេះ ទើបដឹងដោយសារបុរសអ្នកបើកបរម្នាក់ឈ្មោះ Yacine Chikh ធ្វើដំណើរតាមពីក្រោយ ឃើញស្ត្រីវ័យចំណាស់បើកបររេចុះរេឡើងលើថ្នល់កៅស៊ូក្នុងល្បឿន ៦០គីឡូម៉ែត្រក្នុងមួយម៉ោង។ បើតាមប្រភពបុរសខាងលើ ស្ត្រីរូបនេះមានអាយុប្រមាណ ៦០ឆ្នាំ បើករថយន្តម៉ាក Ford Fiesta ពណ៌ប្រាក់។
ការប្រទះឃើញបែបនេះ គឺខណៈពេលលោក Chikh បើករថយន្តទៅផ្ទះពីកន្លែងធ្វើការតាមផ្លូវ A64 Eastbound សង្កាត់ Knaresborough ភាគខាងជើងទីក្រុង Yorkshire ហើយលោកបានរាយការណ៍ទៅប៉ូលិសដោយមានផ្ញើវីដេអូឲ្យផងដើម្បីឲ្យស្រាវជ្រាវ។
លោកនិយាយថា "យើងចង់ជួយគាត់ និងព្យាយាមបញ្ឈប់គាត់។ យើងបានចុចស៊ីផ្លេជាច្រើនដង និងបើកភ្លើងហ្វាជាង ២០ដង ប៉ុន្តែលោកយាយហាក់មិនមានប្រតិកម្មអ្វីទាល់តែសោះ។ ខ្ញុំក៏ឆ្ងល់ថា គាត់អាចទប់លំនឹងបានយ៉ាងម៉េចទេទើបមិនក្រឡាប់បាន"។ ពេលនេះប៉ូលិសកំពុងតាមរក តែមានការលំបាកព្រោះរថយន្តគ្មានស្លាកលេខ៕
