- 2015-04-13 22:06:41
- ព័ត៌មាន
ប៉ុស្តិ៍សុខភាព៧កន្លែងនឹងត្រូវដាក់បម្រើដល់ទេសចរក្នុងព្រឹត្តិការណ៍អង្គរសង្ក្រាន្ត
- 2015-04-13 22:06:41
- ចំនួនមតិ 0 | ចំនួនចែករំលែក 0
ប៉ុស្តិ៍សុខភាព៧កន្លែងនឹងត្រូវដាក់បម្រើដល់ទេសចរក្នុងព្រឹត្តិការណ៍អង្គរសង្ក្រាន្ត
ចន្លោះមិនឃើញ
ទីតាំងប៉ុស្តិ៍សុខភាពចំនួន៧កន្លែង នឹងត្រូវដាក់បម្រើដល់ទេសចរជាតិ និងអន្តរជាតិ ដែលមានបញ្ហាសុខភាពក្នុងព្រឹត្តិការណ៍អង្គរសង្ក្រាន្តឆ្នាំ២០១៥។ នេះបើតាមប្រសាសន៍លោក ប៊ុន ថារិទ្ធិ អភិបាលរងខេត្តសៀមរាបបានថ្លែងប្រាប់ Sabay។
លោកបានបន្ថែមថា ក្រៅពីមានប៉ុស្តិ៍សុខភាព យើងមានក្រុមគ្រូពេទ្យចល័ត ឡានបម្រុង ព្រមទាំងមណ្ឌលសុខភាពបើកទទួលអ្នកមានអាការៈផេ្សង។ "ប៉ុស្តិ៍សុខភាពទាំងនោះមាននៅតំបន់អង្គរ និងបីកន្លែងទៀតនៅក្នុងក្រុង រួមទាំងក្រុមគ្រូពេទ្យចល័ត។ ដូច្នេះអ្វីៗយើងបានត្រៀមរួមជាស្រេចដើម្បីជួយដល់អ្នកមានបញ្ហាសុខភាពដូចជា វិលមុខ និងខ្យល់គរជាដើម”។
ព្រឹត្តិការណ៍អង្គរសង្ក្រាន្តឆ្នាំនេះនឹងមានអ្នកចូលរួមប្រមាណ ៥០ម៉ឺននាក់។ ឆ្នាំ២០១៤ មានអ្នកចូលរួមជាង ៣០ម៉ឺននាក់៕
អត្ថបទ៖មៃ សុខលីម
