សម្ដេចតេជោ៖ របត់ថ្មីមួយដ៏សំខាន់នៃអង្គរសង្ក្រាន្តឆ្នាំនេះ គឺវត្តមានឯកឧត្ដម សម រង្ស៊ី និងលោកជំទាវ

2015-04-14 17:42:53
ព័ត៌មាន

2015-04-14 17:42:53
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងការបើកព្រឹត្តិការណ៍អង្គរសង្ក្រាន្តឆ្នាំ២០១៥ព្រឹកមិញ នេះ ប្រមុខរាជរដ្ឋាភិបាលកម្ពុជាបានចាត់ទុកវត្តមានមេដឹកនាំសំឡេងភាគតិចក្នុងរដ្ឋសភាឯកឧត្តម សម រង្ស៊ី និង លោកជំទាវនៅអង្គរសង្ក្រាន្តជាសញ្ញាណវិជ្ជមានមួយថ្មី សម្រាប់បរិយាកាសនយោបាយនិងសង្គមកម្ពុជាទំាងមូល។

នៅក្នុងប៉ុន្មាននាទីដំបូងនៃការបើកសន្ទរកថាព្រឹកនេះនៅនឹងមុខប្រាង្គប្រាសាទអង្គរធំ សម្តេចតេជោ ហ៊ុន សែន មានប្រសាសន៍សង្កត់ធ្ងន់ថា នេះជាការងារមួយ ជាមួយសមភាគីដ៏សំខាន់បំផុតរបស់សម្តេច ដែលជាផ្នែកនៃកន្លះជីវិតរបស់សម្ដេចដែលចំណាយតែលើការងារចរចាស្វែងរកសន្តិភាព ជាជាងការធ្វើសង្គ្រាម។

សម្ដេចបន្ថែមថា ៖" យើងត្រូវឲ្យតម្លៃនិងបនង្កើនដំណើរការចរចាលើគ្រប់ផ្នែក ការពិគ្រោះយោបល់ជាបន្តបន្ទាប់ ឯកឧត្តមជាដៃគូរដ៏សក្ដិសមរបស់មេដឹកនាំបក្សសំឡេងតិចក្នុងរដ្ឋសភាផង ជាដៃគូសម្រាប់ខ្ញុំផ្ទាល់ខ្លួនក្នុងនាមជានាយករដ្ឋមន្ត្រីផង គឺតាមរយៈ វប្បធម៌សន្ទនានេះ ឆ្ពោះទៅរកការកសាងសន្តិភាពនិងអភិវឌ្ឍន៍ជាតិ»។

សម្ដេចសង្កត់ធ្ងន់ថា គួរតែបន្តការងារនេះរហូតដល់ក្មេងៗជំនាន់ក្រោយគឺកូនៗសម្តេចនិងកូនៗរបស់ឯកឧត្តម សម រង្សី។ សម្តេចបន្ថែមទៀតថា គេមិនគួរប្រើឈ្មោះ គណបក្សប្រឆាំងបក្សកាន់អំណាច អ្វីទៀតទេ គួរតែគណបក្សសំឡេងតិច និងក្រៅរាជរដ្ឋាភិបាលទើប សមរម្យជាង។ មិនតែប៉ុណ្ណោះសម្តេចតេជោបានលើកឡើងផងដែរនៅចំពោះមុខអ្នកនយោបាយ មន្ត្រីអង្គទូត ពាណិជ្ជករពលរដ្ឋចូលរួមជាកិត្តិយសក្នុងពិធីព្រឹកមិញនេះថា នេះជាការចូលរួមដ៏សំខាន់របស់មហាគ្រួសារខ្មែរ ដែលមានអត្ថន័យទំាងផ្នែកវប្បធម៌និងនយោបាយ ដោយសម្តេចផ្តាំថា កម្ពុជា គួរឈប់ទៅ ទស្សនៈទឹកឡើងត្រីស៊ីស្រមោច ទឹកហោចស្រមោចស៊ីត្រី។