វីង ដាក់អោយប្រើប្រាស់កម្មវិធី Mobile app នៅលើទីផ្សារ

2016-06-18 17:23:40
សេដ្ឋកិច្ច

2016-06-18 17:23:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ធនាគារឯកទេសវីង ដែលឈានមុខគេលើសេវាផ្ទេរប្រាក់ចល័ត ក្នុងប្រទេសកម្ពុជា ថ្មីៗនេះបានចាប់ផ្តើមដំណើរការកម្មវិធីទូរស័ព្ទរបស់ខ្លួនលើទីផ្សារជាផ្លូវការ។

កំណើននៃការប្រើប្រាស់ទូរស័ព្ទដៃ មានការកើនឡើងជារៀងរាល់ឆ្នាំ។ កាលពីឆ្នាំ ២០១៥ អត្រាប្រជាជនកម្ពុជាដែលប្រើប្រាស់ ទូរស័ព្ទ Smart phone មានការកើនឡើងដល់ទៅ ៤០ភាគរយ ដែលភាគច្រើនត្រូវបានប្រើប្រាស់ដើម្បីទទួលបានព័ត៌មានថ្មីៗ ក៏ដូចជាប្រើប្រាស់នូវសេវាកម្មផ្សេងៗ នេះបើយោងតាម Cambodia Open Institute។ ដោយសារតែហេតុផលនេះហើយ វីង តែងតែព្យាយាម បង្កើតនូវអ្វីដែលថ្មី ដើម្បីបំពេញតម្រូវការបស់អតិថិជន ក្នុងការប្រើប្រាស់វីង គ្រប់ពេលវេលា គ្រប់ទីកន្លែង។

កម្មវិធី Mobile app របស់វីង គឺជាកម្មវិធីដែលអាចអោយអតិថិជនទាំងអស់អាចប្រើប្រាស់សម្រាប់មើលគណនីវីងរបស់ខ្លួននឹងប្រើសេវាកម្មមួយចំនួនដូចជាផ្ទេរប្រាក់បញ្ចូលលុយទូរស័ព្ទបង់ថ្លៃវិក្កយបត្រពិនិត្យសមតុល្យសាច់ប្រាក់ និងទិញទំនិញតាមប្រព័ន្ធអ៊ីនធឺណិតជាដើម។

ឥឡូវនេះ លោកអ្នកអាចទាញយកកម្មវិធីទូរស័ព្ទដៃរបស់វីងតាមរយៈ Google play នឹងApp store បានយ៉ាងងាយស្រួល។ កម្មវិធីនេះបានផ្តល់ភាពងាយស្រួលដល់អតិថិជនវីង ក្នុងការប្រើប្រាស់សេវាកម្មវីង។ លោកអ្នកគ្រាន់តែ ចូលទៅកាន់ Google Play ឬក៏ App store នៅក្នុងទូរស័ព្ទដៃរបស់លោកអ្នក ហើយវាយពាក្យ “ Wing Money” ដើម្បីទទួលបាន app របស់វីង។

បើតាមប្រសាសន៍របស់លោក ចូចូ ម៉ាឡូឡូស នាយកប្រតិបត្តិនៃធនាគារឯកទេសវីង បានអោយដឹងថា“ វីងនៅតែបន្តផ្តល់ជូននូវបច្ចេកវិទ្យាថ្មីៗលើទីផ្សារ ជាមួយនឹងកម្មវិធីនេះអតិថិជនទាំងអស់អាចប្រើប្រាស់ សេវាកម្មជាច្រើនជាមួយនឹងទូរស័ព្ទដៃ Smart Phone របស់គេហើយកម្មវិធីនេះអាចប្រើប្រាស់បានទាំងភាសាខ្មែរ និងភាសាអង់គ្លេសដែលធ្វើអោយអតិថិជនកាន់តែងាយស្រួលក្នុងការប្រើប្រាស់”។

នៅពេលលោកអ្នក Install កម្មវិធីនេះលោកអ្នកត្រូវlog in ជាមួយនឹងលេខទូរស័ព្ទដៃ ដើម្បីបង្កើតនូវលេខសម្ងាត់។ បន្ទាប់មក កម្មវិធី វីង app នឹងផ្ញើសារលេខសម្ងាត់ (៦ខ្ទង់) ទៅទូរស័ព្ទដៃរបស់លោកអ្នកដើម្បីចុះឈ្មោះនឹងធ្វើអោយដំណើរការនេះកាន់តែមានសុវត្ថិភាព។

គួរបញ្ជាក់ផងដែរថា វីងបានចាប់ផ្តើមដំណើរការតាំងពីឆ្នាំ ២០០៩ ហើយក៏ជាសេវាកម្មដែលមានភាពច្នៃប្រឌិតថ្មីមួយសម្រាប់ការទូទាត់សាច់ប្រាក់តាមទូរស័ព្ទដៃ ដូចជាផ្ញើប្រាក់ទូទាត់វិក្កយបត្រទិញកាតទូរស័ព្ទសេវាបើកប្រាក់បៀវត្សការទូទាត់លើអ៊ិនធឺណិត និងវីងគិតលុយ (ឆូតកាតវីង)។ព័ត៌មានបន្ថែមសូមចូលទៅកាន់ www.wingmoney.com ឬទាក់ទងមកលេខ 023 999 989៕

អត្ថបទ៖ ពាណិជ្ជកម្ម