- 2017-02-09 08:52:52
- ព័ត៌មាន
ទៅលេងកំពង់សោមនៅតែអាចរកបាន ហ្វឺ ឆ្ងាញ់ញ៉ាំ
- 2017-02-09 08:52:52
- ចំនួនមតិ 0 | ចំនួនចែករំលែក 0
ទៅលេងកំពង់សោមនៅតែអាចរកបាន ហ្វឺ ឆ្ងាញ់ញ៉ាំ
ចន្លោះមិនឃើញ
មីស៊ុប គុយទាវស៊ុប មិនពិបាករកទេនៅក្រុងព្រះសីហនុ តែហ្វឺរសជាតិឆ្ងាញ់ ពិតជាត្រូវចំណាយពេលដើម្បីដើររកបន្តិច។ ហ្វឺសាមគ្គី ជាភោជនីយដ្ឋានថ្មីមួយនៅក្រុងព្រះសីហនុ ដែលមានការនិយមទទួលទានពីសំណាក់ប្រជាជនក្នុងតំបន់ និងភ្ញៀវមកពីរាជធានីភ្នំពេញឬបណ្ដាលខេត្តក្រុងនានា ក៏ដូចជាជនបរទេសផ្សេងៗទៀតទាំងអាស៊ី និងអឺរ៉ុប។
លោក សេង សុភា ជាអ្នកគ្រប់គ្រងហ្វឺសាមគ្គី បានឲ្យដឹងថាភោជនីយដ្ឋានរបស់លោកមានឌីមសាំចំនួន ១៨មុខ ដែលធ្វើដោយចុងភៅជនជាតិចិនផ្ទាល់ រីឯហ្វឺ និងបាយសាច់ទាខ្វៃវិញ មានរសជាតិឆ្ងាញ់ដែលមានការពេញនិយមទទួលទានពីសំណាក់ភ្ញៀវខ្មែរ។
លោក អន ប៊ុនហាក់ ជាអតិថិជនម្នាក់ក្នុងចំណោមអតិថិជនជាច្រើនផ្សេងទៀតដែលគាំទ្រ ហ្វឺសាមគ្គីបានប្រាប់ថា លោកចូលចិត្តទទួលទានអាហារនៅទីនោះខ្លាំងណាស់ ដោយសារតែម្ហូបមានរសជាតិឆ្ងាញ់ ជាពិសេសគឺហ្វឺតែម្ដង។ លោកបន្តថា លោកគាំទ្រតាំងពីភោជនីយដ្ឋានដែលបើកដំបូងនៅក្រុងភ្នំពេញរហូតដល់សាខាថ្មីនៅក្រុងព្រះសីហនុ។
មិនត្រឹមតែមានម្ហូបអាហារដែលជាទីចូលចិត្តរបស់អតិថិជនប៉ុណ្ណោះទេ ហ្វឺសាមគ្គីក៏មានភេសជ្ជៈប្រចាំភោជនីយដ្ឋានពិសេស២ប្រភេទ ឈ្មោះថា សុភាពនារី និងសុភាពបុរស តម្លៃ ៣ដុល្លារ ក្នុងមួយកែវ។ ដោយហេតុថាមានអ្នកគាំទ្រច្រើនដោយហេតុថាភោជនីយដ្ឋាននេះមានភាពជោគជ័យរួចមកហើយនូវរសជាតិអាហារ និងសេវាកម្មនៅរាជធានីភ្នំពេញ។ ដូច្នេះទើប ហ្វឺសាមគ្គឺ លេចរូបរាងឡើងមួយទៀតនៅតំបន់ឆ្នេរ។
មិនត្រឹមតែលក់ហ្វឺប៉ុណ្ណោះទេ នៅហ្វឺសាមគ្គីក៏មាននូវបាយសាច់ទាខ្វៃតម្លៃ ៣,៥ដុល្លារ ឌីមសាមមានតម្លៃ ២ដុល្លារក្នុងមួយឈុត និងអាហារសម្រន់ផ្សេងៗក្នុងតម្លៃសមរម្យ។
ភោជនីយដ្ឋាន ហ្វឺសាមគ្គី បើកបម្រើម្ហូបអាហារពេលព្រឹក អាហារពេលថ្ងៃត្រង់ និងអាហារពេលល្ងាច ចាប់ពីម៉ោង៧ព្រឹក រហូតដល់ម៉ោង៩.៣០នាទីយប់ ដែលមានអាស័យដ្ឋានភូមិន៣ សង្កាត់៤ ក្រុងព្រះសីហនុ (ទល់មុខសាកលវិទ្យាល័យ UME)៕
