- 2017-02-28 02:11:56
- សេដ្ឋកិច្ច
គឹម ហ៊ាង៖ គួរប្រថុយរកស៊ីពេលនៅលីវ កុំរង់ចាំដល់រៀបការរួច
- 2017-02-28 02:11:56
- ចំនួនមតិ 0 | ចំនួនចែករំលែក 0
គឹម ហ៊ាង៖ គួរប្រថុយរកស៊ីពេលនៅលីវ កុំរង់ចាំដល់រៀបការរួច
ចន្លោះមិនឃើញ
គួររកស៊ីមុនរៀបការ ឬរៀបការរួចចាំរកស៊ី បានក្លាយជាសំណួរក្នុងផ្នត់គំនិតរបស់មនុស្សភាគច្រើន។ អ្នកខ្លះតែងគិតថា គួររកស៊ីមុនរៀបការទើបល្អ ចំណែកអ្នកខ្លះគិតថារៀបការចាំរៀបការទើបល្អ ដោយផ្អែកលើការយល់ឃើញរៀងៗខ្លួន។ ចុះចំណែកអ្នកមានបទពិសោធន៍ជាក់ស្ដែងវិញ តើរកស៊ីមុនរៀបការ ឬក្រោយរៀបការ?
ជួបសម្ភាសដោយផ្ទាល់ជាមួយ Sabay ទាក់ទងនឹងការរកស៊ីមុនរៀបការឬក្រោយរៀបការនេះ លោកគឹម ហ៊ាង ប្រធានសមាគមវាយតម្លៃ និងភ្នាក់ងារអចលនវត្ថុកម្ពុជា និងជាម្ចាស់ក្រុមហ៊ុន KHMER REAL ESTATE បាននិយាយថា៖ "ជាយោបល់របស់ខ្ញុំគួរចាប់ផ្ដើមរកស៊ីមុនរៀបការ តាមបទពិសោធន៍ជាក់ស្ដែងរបស់ខ្ញុំកាលនៅលីវក្លាហាន១០០% តែក្រោយរៀបការកាត់បន្ថយ៥០%”។
លោកបានផ្ដល់ជាយោបល់បន្តទៀតថា បើចង់ជោគជ័យក្នុងអាជីវកម្មគួរចាប់ផ្ដើមមុនរៀបការ។ហេតុអ្វីបានត្រូវចាប់ផ្ដើមមុនរៀបការ? ព្រោះជាធម្មតាក្នុងពេលនៅលីវគឺហ៊ានសម្រេចចិត្តភ្លាមៗហើយម្យ៉ាងទៀត ប្រសិនបើអាជីវកម្មដួលគឺដួលតែម្នាក់ឯង បរាជ័យគឺបរាជ័យតែម្នាក់ឯង ខាតគឺខាតតែម្នាក់ឯង ខ្លួនតែមួយទោះមានបញ្ហាអ្វីគឺមានខ្លួនមួយ។
លោក គឹម ហ៊ាង និយាយថា៖ "កាលយើងនៅលីវ យើងខាតតែម្នាក់ឯង ចង់ដេកនៅវត្ត នៅតាមចិញ្ចើមផ្លូវក៏បានពេលមានគ្រួសារគឺមិនដូចនៅលីវទៀតទេ មានគ្រួសារមានអម្រែក មានចំណងប្រាំប្រការ ហើយភាពក្លាហានក៏ត្រូវបានកាត់បន្ថយ៥០%ដែរ"។ ដូច្នេះហើយគួរចាប់ផ្ដើមរកស៊ីពេលនៅលីវចាំអាជីវកម្មមានលំនឹងហើយចាំយកគ្រួសារ ក៏មិនយឺតពេលដែរ។
សហគ្រិនកំពុងជោគជ័យក្នុងអាជីវកម្មរូបនេះ បញ្ជាក់ទៀតថា ពេលដែលមានគ្រួសារមុនធ្វើមួយគឺត្រូវប្រយ័ត្នណាស់ មិនមែនអាជីវកម្មដួលហើយនាំគ្រួសារទៅស្នាក់នៅក្នុងវត្តនោះទេ។ លោកប្រាប់ថា បុគ្គលដែលជោគជ័យក្នុងអាជីវកម្មគឺ បុគ្គលដែលហ៊ានដូចនេះជារួមគួររកស៊ីពេលនៅលីវកុំចាំដល់មានគ្រួសារ៕
