- 2017-02-28 08:19:38
- ព័ត៌មាន
ជម្រើសញ៉ាំអាហារជប៉ុនមាន៣កន្លែង នៅកំពង់សោម
- 2017-02-28 08:19:38
- ចំនួនមតិ 0 | ចំនួនចែករំលែក 0
ជម្រើសញ៉ាំអាហារជប៉ុនមាន៣កន្លែង នៅកំពង់សោម
ចន្លោះមិនឃើញ
ម្ហូបជប៉ុនសម្បូរទៅដោយត្រីឆៅ និងគ្រឿងសមុទ្រ ដូចជាសាស៊ីមីជាដើម។ បើចង់ញ៉ាំត្រូវតែមានការប្រុងប្រយត្ន័ខ្ពស់ទាក់ទងនឹងអនាម័យ។ អនាម័យជាគោលចំបង បន្ថែមពីនេះរសជាតិជាផ្នែកមួយបន្ថែមនូវអារម្មណ៍ល្អទៅកាន់អ្នកបរិភោគ ដែលអាចហេតុផលគួរស្វែងរកកន្លែងណាដែលមានទាំងរសជាតិឆ្ងាញ់ និងអនាម័យឲ្យបានត្រឹមត្រូវដើម្បីសុវត្ថិភាពក្នុងការទទួលទាន។
ខាងក្រោមនេះ ជាភោជនីយដ្ឋាន៣កន្លែងផ្សេងគ្នាក្នុងក្រុងព្រះសីហនុ ដែលជាជម្រើសម្រាប់អ្នកក្នុងការសាកភ្លក់រសជាតិអាហារជប៉ុន៖
១. អូណាមី (Onami)៖ សម្រាប់អ្នកដែលមកកំពង់សោមដើម្បីមានពេលវេលាសម្រាកលំហែរនៅលើឆ្នេរខ្សាច់ ឬជិតសមុទ្រ ភោជនីយដ្ឋានអូណាមី មិនត្រឹមតែផ្តល់ម្ហូបអាហារជប៉ុនដែលចម្អិនដោយជនជាតិដើមដោយផ្ទាល់ប៉ុណ្ណោះទេ ថែមទាំងធ្វើឲ្យភ្ញៀវដែលមកទទួលទានអាចអង្គុយបណ្តែតអារម្មណ៍នៅលើឆ្នេរខ្សាច់ និងមើលឃើញទស្សនីយភាពធម្មជាតិ និងសំឡេងរលកសមុទ្រដ៏ពីរោះ ដែលជួយបន្ថែមភាពតានតឹងនៅក្នុងទីប្រជុំ និងបែរមកទទួលយកនូវអារម្មណ៍ល្អដើម្បីសាករសជាតិអាហារជប៉ុនលើឆ្នេរ។ អូណាមី មានទីតាំងស្ថិតនៅឆ្នេរវីតូរី និងនៅជិតនឹង Queenco Casino។
២. សាម៉ូរ៉ៃ (Samurai)៖ មានម្ហូបជប៉ុនជាង១០០មុខ ដែលមានតម្លៃចាប់ពី២.៩ដុល្លាក្នុងមួយមុខឡើងទៅ រួមជាមួយនឹងស្រាជប៉ុនសាកេ។ ទាក់ទងនឹងអនាម័យ សាម៉ូរ៉ៃ មានប្រព័ន្ធចម្រោះទឹកដែលនាំចូលពីសហរដ្ឋអាមេរិក ដែលអាចកំចាត់មេរោគក្នុងទឹកបានរហូតដល់៩៩ភាគរយ។ ទីតាំងធំទូលាយរួមមានកន្លែងក្មេងលេង និងទីធ្លាចតយានយន្តយ៉ាងងាយស្រួល ល្អបំផុតក្នុងការអញ្ជើញមកទទួលទានជាលក្ខណៈគ្រួសារ ដែលស្ថិតនៅផ្ទះលេខ ១២៧ ផ្លូវ ៧មករា។
៣. យ៉ាម៉ាស្ហ៊ីរ៉ូ (Yamashiro)៖ ជាភោជនីយដ្ឋានលាក់ខ្លួននៅលើ Victory Hill ដែលមិនត្រឹមតែមានភាពល្បីល្បាញថាមានត្រីសមុទ្រឆៅនិងស្រស់ៗប៉ុណ្ណោះទេ ថែមទាំងជាទីតាំងដ៏ល្អ និងមានភាពស្ងៀមស្ងាត់ ដាច់ឆ្ងាញ់ពីទីប្រជុំជន ដែលមើលឃើញទេសភាពសមុទ្រ និងក្រុងព្រះសីហនុទាំងមូលតែម្តង។ រឹតតែពិសេស ត្រីឆៅសាស៊ីមីដែលជាម្ហូបប្រចាំហាង និងមានការនិយមទទួលបំផុតនៅក្នុងហាង មានតម្លៃត្រឹមតែ ១៨.៥០ដុល្លា ក្នុងមួយឈុតធំ ។
