ម្ហូបច្នៃចេញពីត្រីសាល់ម៉ុនជាច្រើនមុខ អាចរកបាននៅផ្ទះត្រីសាល់ម៉ុន

2017-03-02 04:58:00
ព័ត៌មាន

2017-03-02 04:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាំងអាហារពេលថ្ងៃត្រង់ និងអាហារ ពេលល្ងាច មានម្ហូបប្លែកៗ និងរសជាតិឈ្ងុយឆ្ងាញ់ពីត្រីសាលម៉ុនជាច្រើនមុខដាក់បង្ហាញក្នុងបញ្ជីមុខម្ហូប ដែលមានលក្ខណៈបែបខ្មែរ/អាស៊ី និងអឺរ៉ុប។ ភោជនីយដ្ឋាន ផ្ទះត្រីសាល់ម៉ុន (The Salmon House) បានចាប់បើកដំណើរការ កាលពីថ្ងៃទី៧ ខែមករា ឆ្នាំ២០១៦ ដោយមានសហការជាមួយនឹងក្រុមហ៊ុន KS Seastar Co., Ltd ដែលជាក្រុមហ៊ុនឈានមុខគេក្នុងការផ្គត់ផ្គង់ត្រីសាល់ម៉ុនក្នុងប្រទេសថៃ។

ផ្ទះត្រីសាល់ម៉ុន មានបម្រើអាហារពេលថ្ងៃត្រង់មានដូចជា ប្រហុកខ្ទិះសាល់ម៉ុន សម្លម្ជូរយួរក្បាលត្រីសាល់ម៉ុន ឆាក្តៅត្រីសាលម៉ុន បុកស្វាយត្រីសាលម៉ុន ព្រុយត្រីបំពងម៉្សៅ បាយឆាសាលម៉ុន ឬសាច់គោ ទាខ្វៃងាំង៉ូវ និងបាយឆាទាខ្វៃងាំង៉ូវជាដើម ដែលមានតម្លៃសមរម្យបំផុតចាប់ពី ២,៥ដុល្លា ទៅ ៣,៥ដុល្លាប៉ុណ្ណោះ។ មិនតែប៉ុណ្ណោះ អាហារខាងលើត្រូវបានដាក់ជូនទទួលទានជាមួយនឹងបាយ និងអាចញ៉ាំសាឡាដដោយឥតកំណត់ និងឥតគិតថ្លៃ។

រីឯអាហារពេលល្ងាចវិញ មានម្ហូបជាច្រើនមុខទៀតតាមបែបអាស៊ី និងអឺរ៉ុប ដែលក្នុងនោះ Sashimi ដែលមានអតិថិជននិយមទទួលទាននោះធ្វើឡើងចេញពីត្រីឆៅ និងស្រស់ៗ រួមជាមួយនឹងភេសជ្ជៈផ្សេងៗគ្នាដែលសាកសមទៅអាហារនីមួយៗក្នុងបញ្ជីមុខម្ហូប។

នៅផ្ទះត្រីសាល់ម៉ុន លោកអ្នកនឹងត្រូវបានទទួលស្វាគមន៍ដោយភាពកក់ក្តៅ និងរសរាយរាក់ទាក់ពីសំណាក់ម្ចាស់ភោជនីយដ្ឋានលោក ម៉ៅ វុត្ថា និងបុគ្គលិកបម្រើការនៅទីនោះ។ ផ្ទះត្រីសាល់ម៉ុន (The Salmon House) បើកបម្រើជារៀងរាល់ថ្ងៃចាប់ពីម៉ោង ១១ព្រឹក រហូតដល់ម៉ោង ១១យប់ ដោយលោកអ្នកអាចសាកសួរព័ត៌មានបន្ថែម ឬកក់កន្លែងទទួលទាននៅទីនោះ៕

អត្ថបទ៖ ភ្នាក់ងារប្រចាំខេត្តព្រះសីហនុ កើត ចន្ទ្រា