- 2017-04-17 00:49:14
- សេដ្ឋកិច្ច
ចុម..! គ្រាន់តែលក់ទឹកសុទ្ធមួយធុងតូច នៅអង្គរសង្ក្រាន្តរកចំណូលបានមិនធម្មតា
- 2017-04-17 00:49:14
- ចំនួនមតិ 0 | ចំនួនចែករំលែក 0
ចុម..! គ្រាន់តែលក់ទឹកសុទ្ធមួយធុងតូច នៅអង្គរសង្ក្រាន្តរកចំណូលបានមិនធម្មតា
ចន្លោះមិនឃើញ
ក្នុងព្រឹត្តិការណ៍អង្គរសង្ក្រាន្តឆ្នាំ ២០១៧នេះ មានការចូលរួមយ៉ាងច្រើនណែនណាន់តាន់តាប់ ក្នុងនោះការលក់ដូររបស់អាជីវករក៏ដាច់មិនធម្មតាដែរ។ ចុះចំណែកអ្នកលក់ទឹកសុទ្ធតាមធុងទឹកកកតូចៗវិញក្នុងមួយថ្ងៃអាចរកចំណូលបានប៉ុន្មានទៅ?
មកជួបជាមួយអ្នកស្រី រ៉េម សារ៉េត ជាអ្នកនៅសៀមរាបតែម្ដង បានប្រាប់ថា ក្នុងថ្ងៃទី ១ អ្នកស្រីរកចំណូលបានរហូតទៅដល់ ៧០ ម៉ឺនរៀល ថ្ងៃទី ២ បាន ៣០ម៉ឺនរៀល និងថ្ងៃចុងក្រោយគិតត្រឹមពេលល្ងាចអាចរកបាន ៥០ ម៉ឺនរៀលពីការលក់ទឹកសុទ្ធនេះនៅតំបន់មុខអង្គរ។ អ្នកស្រីបន្តថា ចំណូលនេះ មិនទាន់បានដកថ្លៃដើមនោះទេ តែដកថ្លៃដើមហើយនៅតែចំណេញច្រើន។ ចំពោះថ្ងៃធម្មតាអាចរកបានត្រឹមតែ ៥ ម៉ឺនទៅ៦ម៉ឺនប៉ុណ្ណោះ។
ដោយឡែកចំពោះអ្នកស្រី មាស វិញប្រកបរបរលក់ទឹកសុទ្ធនៅតំបន់ដែរអង្គរដែរ ប្រាប់ថា ចំណូលអាចរកបានច្រើនលើសពីថ្ងៃធម្មតាទ្វេដង។ ក្នុងថ្ងៃទី១ នៃព្រឹត្តិការណ៍អង្គរសង្ក្រាន្តអ្នកស្រី លក់បាន ៣០ ម៉ឺនរៀល ថ្ងៃទី២ ៨០ម៉ឺនរៀល និងថ្ងៃទី៣ ៨០ម៉ឺនរៀល ប៉ុន្តែនៅដល់យប់ទៀតអាចកើនដល់ ១លានរៀល។
ចំពោះអ្នកស្រី ប៊ុន គឹមអេង ដែលដាក់ធុងទឹកកកតូចមួយនៅតំបន់ត្រជាក់ចិត្តក្នុងព្រឹត្តិការណ៍អង្គរសង្ក្រាន្តអាចរកចំណូលបានចន្លោះពី ៣០ ទៅ ៥០ម៉ឺនរៀលក្នុងមួយថ្ងៃៗ។ អ្នកស្រីប្រាប់ថា រាល់ដងលក់នៅផ្សាររាត្រីបានត្រឹមតែ ៥ម៉ឺន ទៅ ៦ម៉ឺនច្រើនបំផុតហើយ។
ចំណែកឯលោក សៀន ប៊ុនធែល វិញជាអ្នកលក់ទឹកសុទ្ធនៅក្បែរកន្លែងពិព័រណ៍ផលិតផលខ្មែរ ប្រាប់ថា ក្នុង១ថ្ងៃលោកអាចរកចំណូលបានចន្លោះពី ៣០ម៉ឺន ទៅ ៥០ម៉ឺនរៀល។ ដូច្នេះរយៈពេល៣ថ្ងៃ លោកអាចរកចំណូលបានច្រើនគួរសមដែរ៕
