- 2017-06-06 07:25:47
- ព័ត៌មាន
មកមើលសកម្មភាពស្រ្តីអ៊ីរ៉ង់ ហាត់ក្បាច់គុន ដើម្បីក្លាយជាកំពូលនិនចាស្រី
- 2017-06-06 07:25:47
- ចំនួនមតិ 0 | ចំនួនចែករំលែក 0
មកមើលសកម្មភាពស្រ្តីអ៊ីរ៉ង់ ហាត់ក្បាច់គុន ដើម្បីក្លាយជាកំពូលនិនចាស្រី
ចន្លោះមិនឃើញ
រូបភាពជាច្រើនសន្លឹក បានបង្ហាញឲ្យឃើញ ស្ត្រីជនជាតិអ៊ីរ៉ង់ កំពុងហ្វឹកហាត់ក្បាច់គុនពិសេសម្យ៉ាង ហៅថា Ninjutsu ដែលពេញនិយមសម្រាប់សិស្សស្រីរៀន ដើម្បីក្លាយជាកំពូលនិនចាដ៏ពូកែ។
ក្លឹបបង្រៀនក្បាច់គុនខាងលើ មានមូលដ្ឋាននៅឯប្រាសាទ Jughin ចម្ងាយ ៤០ គីឡូម៉ែត្រ នៅក្រៅរដ្ឋធានីតេហេរ៉ង់ (Tehran) ប្រទេសអ៊ីរ៉ង់ បានបើកតាំងពីឆ្នាំ ១៩៨៩ មកម្ល៉េះ ដោយពេលនេះមានសិស្សស្រី រហូតដល់ទៅ ៤ ០០០ នាក់ កំពុងហ្វឹកហាត់ ដើម្បីក្លាយជានិនចាស្រី Kunoichi។
ពួកគេបានរៀន ឡើង និងលោតផ្លោះជញ្ជាំង , លាក់ខ្លួននៅលើភ្នំ និង កាត់បំពង់.កសត្រូវ ដោយមិនបញ្ចេញសំឡេងសូម្បីបន្តិច។
គ្រូបង្រៀនក្បាច់គុនម្នាក់ ឈ្មោះ Fatima Muamer បានប្រាប់ឲ្យដឹងថា ក្បាច់គុននេះទទួលបានការចាប់អារម្មណ៍ខ្លាំងពីមនុស្សស្រី ដោយវាអាចជួយថែរក្សាតុល្យភាពរវាង រាងកាយ និង ចិត្ត។ ចំណែកឯនាយកក្លឹបក្បាច់គុន ឈ្មោះ Akbar Faraji បានឲ្យដឹងថា លោកបានណែនាំក្បាច់គុន Ninjutsu ទៅកាន់ប្រទេសអ៊ីរ៉ង់ ដំបូងបង្អស់ នៅពេលលោកបានបង្កើតក្លឹប កាលពី ២២ ឆ្នាំមុន ដោយមកទល់ពេលនេះមានសិស្ស រហូតដល់ទៅ ២៤ ០០០ នាក់ហើយ។
គួរបញ្ជាក់ថា កូនសិស្សនៅក្នុងក្លឹបក្បាច់គុនខាងលើ ត្រូវបានបង្រៀនឲ្យចេះប្រើប្រាស់អាវុធគ្រោះថ្នាក់ជាច្រើន ដោយក្នុងនោះរួមមានទាំង ធ្នូ ដាវ ដំបងពីរកំណាត់ និង អាវុធសម្ងាត់ ជាដើម៕
