ចាំយូរហើយមែនទេ? ពិព័រណ៍សាច់អាំងធំជាងគេនៅកម្ពុជា Coke Food Fest ជិតមកដល់មែនទែនហើយ។ បើបានចូលរួមព្រឹត្តិការណ៍នេះ អ្នកនឹងទទួលបានបទពិសោធន៍ថ្មីៗដោយញ៉ាំសាច់អាំងឆ្ងាញ់ៗ និងជួបថត Selfie ជាមួយតារាល្បីៗជាច្រើនដូចជា G-Devith ទេព បូព្រឹក្ស រ៉ូលីន និងប្រុសស្អាត ហេង វិសាល ជាដើម។

ក្រៅពីនោះ អ្នកក៏អាចលេងចូលរួមលេងកម្មវិធីកម្សាន្តយ៉ាងច្រើនដូចជា៖

• ការចាប់រង្វាន់យកកាដូស្អាតៗជាច្រើនពី Coke Happiness Machine
• ការថតរូបជាមួយផ្ទាំងរូបប្លែកៗ ដើម្បីបង្ហោះលើ Facebook និង Instagram
• ទស្សនាការរាំ និងស្ដាប់ចម្រៀងពីរោះៗពីតារាល្បីៗ
• ការគូររូបលើមុខដោយឥតគិតថ្លៃ
• ចូលរួមលេងហ្គេមយករង្វាន់ជាច្រើនដូចជា ការប្រកួតភ្លក់ម្ហូប ប្រកួតញ៉ាំអាហារលឿនបំផុត និងការប្រកួតរសជាតិម្ហូបពីហាងនានានៅក្នុងតំបន់ជាដើម។

អ្វីដែលរឹតតែពិសេសនោះ គឺ Coke Food Fest ក៏មានប្រូម៉ូសិនផងដែរ ដោយគ្រាន់តែនាំគ្នីគ្នាទៅឲ្យបាន ៥ នាក់ អ្នកនឹងទទួលបានការបញ្ចុះតម្លៃ ២០% ភ្លាមៗ លើភេសជ្ជៈ។ ដូច្នេះ កុំភ្លេចមកសប្បាយជុំគ្នានៅថ្ងៃ ២៩-៣០ មិថុនា ២០១៩ នៅដីឡូត៍ក្រោយសារមន្ទីរអង្គរ ផ្លូវស៊ីវុត្ថា ក្រុងសៀមរាប៕