- 2020-04-19 23:00:00
- ព័ត៌មាន
ភ្ញាក់ផ្អើល! ប្រធានមន្ទីរពិសោធន៍វូហាន ច្រានចោលការចោទប្រកាន់ហើយថាមេរោគផ្ទុះចេញពីប្រភពនេះ
- 2020-04-19 23:00:00
- ចំនួនមតិ 0 | ចំនួនចែករំលែក 0
ភ្ញាក់ផ្អើល! ប្រធានមន្ទីរពិសោធន៍វូហាន ច្រានចោលការចោទប្រកាន់ហើយថាមេរោគផ្ទុះចេញពីប្រភពនេះ
ចន្លោះមិនឃើញ
ប្រធាននៃមន្ទីរពិសោធន៍ទីក្រុងវូហានប្រទេសចិន បានធ្វើការច្រើនចោលនូវការចោទប្រកាន់ថាមន្ទីរនេះជាប្រភពនៃការផ្ទុះវីរុសកូវីដ ១៩ឡើងកាលពីចុងឆ្នាំមុន។
នៅក្នុងបទសម្ភាសន៍ជាមួយប្រព័ន្ធផ្សព្វផ្សាយរដ្ឋដែលបានចេញផ្សាយកាលពីថ្ងៃសៅរ៍លោក Yuan Zhiming ប្រធានមន្ទីរពិសោធន៍បាននិយាយថា "គ្មានរឿងអីដែលវីរុសនេះ ផ្ទុះចេញពីកន្លែងយើងទេ។" លោកបន្ថែមថា គ្មានបុគ្គលិកណាម្នាក់ ក្នុងមន្ទីរពិសោធន៍នេះត្រូវបានឆ្លងមេរោគទេ ហើយវិទ្យាស្ថានទាំងមូល កំពុងធ្វើការស្រាវជ្រាវលើផ្នែកផ្សេងទាក់ទងនឹងវីរុសកូរ៉ូណា។ លើសពីនេះទៀត លោក Yuan បាននិយាយថាការចោទប្រកាន់ទាំងអស់សុទ្ធតែពឹងលើការស្មានព្រាវៗប៉ុណ្ណោះ ដោយគ្មានភស្ដុតាង និងចំណេះដឹងជាក់លាក់ទេ។ កាលពីខែកុម្ភៈកន្លងទៅ មន្ទីរពិសោធន៍ខាងលើក៏ធ្លាប់បានអះអាងថាមេរោគនេះ អាចមានប្រភពឆ្លងពីសត្វមកកាន់មនុស្សហើយមិនមែនជាការបញ្ចេញរបស់មន្ទីរនោះទេ។
គួរបញ្ជាក់ថា ការច្រានចោលការចោទប្រកាន់របស់ប្រធានមន្ទីរពិសោធន៍វូហាននេះ ត្រូវបានធ្វើឡើងស្របពេលដែលសហរដ្ឋអាមេរិកកំពុងស៊ើបអង្កេតថាតើវីរុសនេះពិតជាមានប្រភពដើមពីមន្ទីរពិសោធន៍ជីវសាស្ត្រវូហានពិតប្រាកដមែនឬយ៉ាងណា៕