អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

2024-10-28 04:13:20
ព័ត៌មាន

2024-10-28 04:13:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសអាស៊ានយើងមានសាកលវិទ្យាល័យចំនួន ២ ដែលជាប់ក្នុងចំណាត់ថ្នាក់សាកលវិទ្យាល័យកំពូលទាំង ១០ នៅក្នុងទ្វីបអាស៊ី។ នេះបើតាមការចាត់ចំណាត់ថ្នាក់ឆ្នាំ២០២៤របស់ Times Higher Education ដែលជាគេហទំព័រឈានមុខក្នុងការតាមដានសាកលវិទ្យាល័យនានាជុំវិញពិភពលោក។

សាកលវិទ្យាល័យទាំងពីរនោះរួមមាន សាកលវិទ្យាល័យជាតិសិង្ហបុរី (NUS) និងសាកលវិទ្យាល័យបច្ចេកវិទ្យាណានយ៉ាង (NTU)។ សាលាទាំងពីរនេះសុទ្ធតែមកពីសិង្ហបុរី។

សាលា NUS ជាប់ចំណាត់ថ្នាក់លេខ ៣ ចំណែកឯសាលា NTU ជាប់លេខ ៤ ក្នុងតារាងចំណាត់ថ្នាក់សាកលវិទ្យាល័យកំពូលៗនៅក្នុងទ្វីបអាស៊ី។

សាកលវិទ្យាល័យជាតិសិង្ហបុរីត្រូវបានបង្កើតឡើងនៅឆ្នាំ១៩៨០។ សាលានេះមាន ១៦មហាវិទ្យាល័យ ជាមួយនឹងនិស្សិតលើសពី ៤ម៉ឺននាក់មកពីជាង ១០០ប្រទេសជុំវិញពិភពលោក។ សាលានេះជាប់ចំណាត់ថ្នាក់លេខ ២៣នៅជុំវិញពិភពលោក។

សាលា NTU វិញ ត្រូវបានបង្កើតឡើងនៅឆ្នាំ១៩៩១។ ក្នុងសាលានេះមានបង្រៀនមុខវិជ្ជានានាស្រដៀងនឹង សាលា NUS ដែរ តែសាលានេះត្រូវបានល្បីឈ្មោះថា មានស្ថាប័នស្វយ័តចំណុះក្រោមសាលាជាច្រើនដូចជា វិទ្យាស្ថានជាតិអប់រំ និងសាលា S Rajaratnam សម្រាប់ការសិក្សាអន្តរជាតិ ជាដើម។

សូមជម្រាបផងដែរថា ចំណោមសាលាកំពូលទាំង ១០ នៅទ្វីបអាស៊ីភាគច្រើនជាសាលាមកពីស្រុកចិនដីគោក ដោយក្នុងនោះ សាលាជាប់លេខ ១ គឺសាកលវិទ្យាល័យស៊ីងហ័រ (Tsinghua University) ដែលជាសាលាដែលលោកប្រធានាធិបតីចិន ស៊ី ជីនភីង ធ្លាប់ចូលរៀន៕

ប្រែសម្រួល ៖ ទេព សុវណ្ណមោលី