- 2018-05-04 23:42:06
- ព័ត៌មាន
អំឡុងពេលរុករកយន្តហោះ MH370 ស្រាប់តែឃើញរឿងអាថ៌កំបាំង គួរឲ្យភ្ញាក់ផ្អើលមួយ
- 2018-05-04 23:42:06
- ចំនួនមតិ 0 | ចំនួនចែករំលែក 0
អំឡុងពេលរុករកយន្តហោះ MH370 ស្រាប់តែឃើញរឿងអាថ៌កំបាំង គួរឲ្យភ្ញាក់ផ្អើលមួយ
ចន្លោះមិនឃើញ
នៅអំឡុងពេលធ្វើបេសកកម្មរុករកយន្តហោះម៉ាឡេស៊ីអ៊ែឡាញ MH370 ដែលបានបាត់ខ្លួន ក្រុមអ្នកស្រាវជ្រាវបានរកឃើញបំណែកដ៏ធំ២នៅក្នុងបាតសមុទ្រឥណ្ឌា កាលពីខែឧសភា និងខែធ្នូ ឆ្នាំ២០១៥។ ១នៅក្នុងចំណោមនោះត្រូវគេជឿជាក់ថាជាបំណែកនៃយន្តហោះ MH370 ដែលបានបាត់កាលពីថ្ងៃទី៨ ខែមីនា ឆ្នាំ២០១៤។ យ៉ាងណាមិញ ការសន្និដ្ឋាននេះបែរជាខុសស្រឡះទៅវិញ ក្រោយពីមានការបញ្ជាក់ពីអ្នកវិទ្យាសាស្ត្រនៅសារមន្ទីរ Western Australian។
អ្នកវិទ្យាសាស្ត្រនៅសារមន្ទីរ Western Australian បានបង្ហាញឲ្យដឹងកាលពីថ្ងៃទី៣ ខែឧសភា ឆ្នាំ២០១៨នេះថា បំណែកដែលរកឃើញនៅក្នុងបេសកកម្មរុករក MH370 គឺជាបំណែកនៃនាវាចំនួន២គ្រឿង មិនមែនជាយន្តហោះនោះទេ។ អ្នកជំនាញបានរៀបរាប់ថា នាវាទាំង២គ្រឿងមាន១ធ្វើពីឈើ និង១ទៀតធ្វើពីដែក ហើយពួកវាបានបាត់ខ្លួនកាលពី១៤០ឆ្នាំមុនមកម៉្លេះ។ បើតាមប្រភពដដែលបានឲ្យដឹងទៀតថា នាវាទាំងនោះទំនងជាត្រូវគេប្រើសម្រាប់ដឹកជញ្ជូនធ្យូងថ្ម។
នាវាដែលធ្វើពីឈើអាចនឹងមានទម្ងន់ប្រហែលពី ២៥០តោន ទៅដល់ ៨៨០តោន ហើយការលិចធ្លាក់ដល់បាតសមុទ្រនេះអាចបណ្ដាលមកពីការផ្ទុះឆេះ។ ដោយឡែកនាវា១គ្រឿងទៀតអាចមានទម្ងន់ប្រមាណពី ១១០០តោន ទៅ ១៦៥៥តោន ហើយវាអាចមានកម្ពស់យ៉ាងហោចណាស់ក៏២ជាន់ដែរ។ បើតាមការសន្និដ្ឋាន មនុស្សដែលស្ថិតនៅលើនាវានីមួយៗអាចមានពីចន្លោះ ១៥នាក់ ទៅ ៣០នាក់៕
ចុចអាន៖
