• 2018-05-05 07:29:22
  • ព័ត៌មាន

សុនខ​ដ៏​សែន​ឆ្លាត​ តែង​ទៅ​ស្ថានីយ​រថភ្លើង​រាល់ថ្ងៃ រង់ចាំ​ម្ចាស់​ត្រឡប់​ពី​ធ្វើការ

  • 2018-05-05 07:29:22
  • ចំនួនមតិ 0 | ចំនួនចែករំលែក 2

ចន្លោះមិនឃើញ

​រឿងរ៉ាវ​របស់​សុនខ​ជប៉ុន មួយ​ក្បាល​ឈ្មោះ ហា​ឈិ​កុ (Hachiko) បានធ្វើឱ្យ​មនុស្ស​ជាច្រើន លាន​នាក់​ទូទាំង​ពិភពលោក​រំជួលចិត្ត​យ៉ាងខ្លាំង​។

​តើ​អ្នកណា​ទប់ទឹក​ភ្នែក​ជាប់​ចំពោះ​ទង្វើ​ដ៏​សែន​ស្មោះត្រង់​របស់​សុនខ​មួយ​ក្បាល​នេះ ដែល​បាន បន្ត​រង់ចាំ​ម្ចាស់​នៅ​ស្ថានីយ​រថភ្លើង​ស៊ី​ប៊ូ​យ៉ា (Shibuya Station) ក្នុង​ក្រុង​តូ​ក្យូ ប្រទេស​ជប៉ុន សូម្បី​រយៈពេល ៩ ឆ្នាំ​បន្ទាប់ពី​ម្ចាស់​របស់​វា​ស្លាប់​ក្តី​។

​ហើយ​ពេលនេះ មាន​សុនខ​មួយ​ក្បាល​ទៀត​មកពី​ប្រទេស​ចិន​ភាគ​និរតី​កំពុង​ត្រូវបាន​គេ​ប្រដូច ទៅនឹង សុនខ ហា​ឈិ​កុ ពីព្រោះ​វា​តែងតែរ​ត់ទៅ​ស្ថានីយ​រថភ្លើង​ក្រោម​ដី​រាល់ថ្ងៃ ដើម្បី​រង់ចាំ ម្ចាស់​របស់​វា​ត្រឡប់​ពី​ធ្វើការ​មក​ផ្ទះ​វិញ​។​

ស្យុ​ង​ស្យុ​ង (Xiongxiong)

​សុនខ​ឈ្មោល​ដែលមាន​ឈ្មោះថា ស្យុ​ង​ស្យុ​ង (Xiongxiong) ខាងលើនេះ​នឹង​នៅក្នុង ស្ថានីយ​រថភ្លើង Liziba Metro Station ក្នុង​សង្កាត់​យូ​ចុង (Yuzhong) ក្រុង​ឆុង​ឈី​ង (Chongqing) ប្រទេស​ចិន​ពេញ​មួយថ្ងៃ នេះ​បើ​យោងតាម​កាសែត South China Morning Post ចុះផ្សាយ​កាលពី​ថ្ងៃទី​៣០ ខែមេសា​។ ម្ចាស់​របស់​វា​ដែល​ទៅធ្វើ​ការ​នៅ​ប្រហែល​ម៉ោង ៧ ព្រឹក តែងតែ​ត្រឡប់មកវិញ​នៅ​រយៈពេល ១២ ម៉ោង​ក្រោយ​។​

​ម្ចាស់​របស់​វា​ដែល​មិន​ត្រូវបាន​បញ្ចេញ​ឈ្មោះ​និយាយថា “​ស្យុ​ង​ស្យុ​ង មាន អាយុ ១៥ ឆ្នាំ​ហើយ ហើយ​ខ្ញុំ​យក​វា​មក​ចិញ្ចឹម ៨ ទៅ ៩ ឆ្នាំ​ហើយ​។ ចាប់តាំងពី​ខ្ញុំ​មាន ស្យុ​ង​ស្យុ​ង មកវា​តែងតែ រង់ចាំ​ខ្ញុំ​រាល់ថ្ងៃ​”​។

​ចាប់តាំងពី​ទទួលបាន​ការចាប់អារម្មណ៍​ពី​សំណាក់​អ្នក​និយម​ប្រើប្រាស់​អ៊ិន​ធឺ​ណិ​ត​មក​អ្នក​ដែល ធ្លាប់​ឃើញ និង​ឮ​រឿងរ៉ាវ​របស់​វា​តែងតែ​ទៅលេង​វា​នៅ​ស្ថានីយ​រថភ្លើង​។ ទោះជា​យ៉ាងណា ស្យុ​ង​ស្យុ​ង នៅតែ​ជា​ក្មេង​ល្អ ហើយ​វា​ទទួលយក​អ្វីដែល​ជន​ចម្លែក​មុខ​ឱ្យ​វា​ឡើយ​៕

ចុចអាន៖

ប្រភព៖ rasmeinews

មតិយោបល់