ប៉ុន្មានថ្ងៃទៀតទេ សាលាធ្វើម្ហូបអន្តរជាតិ បើកឲ្យចូលមើល ជាមួយអាហារូបករណ៍រាប់ពាន់ដុល្លារ

2018-07-17 04:11:00
ព័ត៌មាន

2018-07-17 04:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សាលាបង្រៀនធ្វើម្ហូបលំដាប់អន្តរជាតិទទួលស្គាល់ពីប្រទេសស្វីស Academy of Culinary Arts Cambodia (ACAC) នឹងរៀបចំកម្មវិធីបើកឲ្យចូលទស្សនាវិទ្យាស្ថានទាំងមូលនៅថ្ងៃទី២១ កក្កដា ដោយក្នុងនោះសម្រាប់អ្នកថតវីដេអូធ្វើម្ហូបផ្ញើទៅខាងសាលា អាចនឹងមានឱកាសទទួលបានអាហារូបករណ៍ ២ឆ្នាំ តម្លៃ ៣៩៧៥ដុល្លារ។

ក្រៅពីអាហារូបករណ៍ខាងលើ ក៏មានកម្មវិធីជាច្រើនទៀតដែលបើកចាប់ពីម៉ោង ១០ព្រឹក ដល់ ៤រសៀល ដូចជា៖

ដាក់តាំងបង្ហាញម្ហូបអាហារ បង្អែម នំ ភេសជ្ជបែបអាស៊ី និងអឺរ៉ុបជាច្រើនប្រភេទស្របតាមស្តង់ដារសណ្ឋាគារផ្កាយ ៥ ព្រមទាំងឲ្យទទួលទានដោយឥតគិតថ្លៃ
ចាក់បញ្ចាំងកុន ការបង្ហាញពីរបៀបធ្វើការ៉េមដោយប្រើចំហាយអាហ្សូត (Nitrogen) ព្រមទាំងផ្ទាំងទស្សនីយភាពប្លែកៗជាច្រើនទៀត

ប្រកួតរចនាម៉ូតលើនំខេក និងការលែងល្បែងកម្សាន្តសប្បាយៗជាច្រើន ចំពោះអ្នកឈ្នះនឹងទទួលរង្វាន់ជាទីគាប់ចិត្ត
ការធ្វើបទបង្ហាញ ការចែករំលែករាល់ព័ត៌មានទាំងអស់របស់វិទ្យាស្ថាន និងកម្មវិធីសិក្សាការផ្ដល់ប្រឹក្សាផ្សេងៗ
ប្រូម៉ូសិនពិសេសសម្រាប់សិស្សដែលចុះឈ្មោះក្នុងកម្មវិធី នឹងទទួលបានឈុតកាំបិតរបស់ប្រទេសស្វីសមួយឈុតធំ

វិទ្យាស្ថានម្ហូបអាហារកម្ពុជា (ACAC) ជាស្ថាប័នអន្តរជាតិដំបូងគេនៅកម្ពុជា ហើយផ្ដល់សញ្ញាប័ត្រជាន់ខ្ពស់ (Diploma) រយៈពេល ២ឆ្នាំ ផ្នែកសិល្បៈនៃការចម្អិនម្ហូបអាហារ បង្អែម ធ្វើនំ និងដុតនំ មិនមែនត្រឹមវគ្គខ្លីៗឡើយ ពោលស្របតាមបទដ្ឋានអាស៊ាន និងក្រមសីលធម៌ការងារប្រទេសស្វីស ហើយទទួលស្គាល់ដោយមហាវិទ្យាល័យគ្រប់គ្រងសណ្ឋាគារ និង បដិសណ្ឋារកិច្ចដ៏ល្បីនៅទីក្រុងលូសឺន ប្រទេសស្វីស (Swiss Hotel Management Academy Lucerne ឬ SHL)។

សម្រាប់ព័ត៌មានបន្ថែម ឬចង់កក់កន្លែង ទូរសព្ទលេខ 011 767 136 / 099 5555 29 ផេកហ្វេសប៊ុក Academy of Culinary Arts Cambodia ទីតាំងផ្ទាល់អគារលេខ ២៣ ផ្លូវលេខ ១៣៩ សង្កាត់វាលវង់ ខណ្ឌ ៧មករា រាជធានីភ្នំពេញ (ផ្លូវទឹករាំផ្ការាំ ក្រោយសាលាជ័យថាវីបាក់ទូក)៕