- 2018-10-18 02:32:33
- ព័ត៌មាន
មន្រ្តីប្រឆាំងអំពើពុករលួយជាន់ខ្ពស់ថៃ ទាញកាំភ្លើងភ្ជង់គេ ក្នុងបរិវេណមន្ទីរអន្តោប្រវេសន៍ (វីដេអូ)
- 2018-10-18 02:32:33
- ចំនួនមតិ 0 | ចំនួនចែករំលែក 0
មន្រ្តីប្រឆាំងអំពើពុករលួយជាន់ខ្ពស់ថៃ ទាញកាំភ្លើងភ្ជង់គេ ក្នុងបរិវេណមន្ទីរអន្តោប្រវេសន៍ (វីដេអូ)
ចន្លោះមិនឃើញ
កាលពីសប្ដាហ៍មុន ហេតុការណ៍គួរឲ្យភ្ញាក់ផ្អើលមួយបានកើតឡើង ដោយមានបុរសវ័យចំណាស់ម្នាក់ បានចុះពីលើឡាន រួចទាញកាំភ្លើងភ្ជង់អ្នកបើកបរនៅពីក្រោយ ក្នុងបរិវេណមន្ទីរអន្តោប្រវេសន៍ Chaengwattana ក្នុងទីក្រុងបាងកក ប្រទេសថៃ។
ក្រោយមក បុរសវ័យចំណាស់ដៃឆៅនោះ ត្រូវបានគេស្គាល់ថាជា មន្ត្រីប្រឆាំងអំពើពុករលួយជាន់ខ្ពស់ថៃ (NACC) មួយរូប មានឈ្មោះថា Piset Nakhapan។ អគ្គលេខាធិការដ្ឋាន NACC លោក Worawit Sukbon បានបញ្ជាក់អត្តសញ្ញាណរបស់លោក Piset កាលពីរសៀលម្សិលមិញ ដោយបន្ថែមថា លោកកំពុងចាប់ផ្ដើមស៊ើបអង្កេតទាក់ទងនឹងហេតុការណ៍នេះ។
បើតាមខ្សែវីដេអូដែលថតបានកាលពីវេលាម៉ោង ៣៖៣០នាទី ថ្ងៃពុធ សប្ដាហ៍មុន បង្ហាញឲ្យឃើញ ឡានម៉ាក Honda របស់លោក Piset បើកវ៉ាកាត់ពីមុខឡានមួយគ្រឿងទៀត នៅក្នុងបរិវេណមន្ទីរអន្តោប្រវេសន៍ Chaengwattana ហើយឡាននោះក៏បានបើកដេញតាមវិញ។ មិនយូរប៉ុន្មាន ឡានរបស់លោក Piset ក៏ឈប់ ហើយលោកបានចុះពីលើឡាន និងទាញកាំភ្លើងមកភ្ជង់អ្នកបើកបរខាងក្រោយនោះតែម្ដង។
ភ្លាមនោះ ស្ត្រីវ័យកណ្ដាលម្នាក់ ដែលត្រូវបានគេស្គាល់ថាជាប្រពន្ធរបស់លោក Piset ក៏បានចុះពីលើឡានដែរ ហើយស្រែកបន្ទោសអ្នកបើកបរខាងក្រោយ ថាបានបើកតាមពួកគេ៕
ចង់ដឹងយ៉ាងណា សូមទស្សនាវីដេអូខាងក្រោម៖
ចុចអាន៖
