- 2019-05-10 08:50:28
- សេដ្ឋកិច្ច
ក្រុមហ៊ុនស្រាបៀរល្បីឈ្មោះមួយក្នុងមួយថ្ងៃអាចផលិតបានស្រាបៀរជាង២លានដប និង៤លានកំប៉ុង
- 2019-05-10 08:50:28
- ចំនួនមតិ 0 | ចំនួនចែករំលែក 0
ក្រុមហ៊ុនស្រាបៀរល្បីឈ្មោះមួយក្នុងមួយថ្ងៃអាចផលិតបានស្រាបៀរជាង២លានដប និង៤លានកំប៉ុង
ចន្លោះមិនឃើញ
ក្រុមហ៊ុនផលិតស្រាបៀរល្បីឈ្មោះមួយដែលមានទីតាំងផលិតនៅប្រទេសថៃបានឲ្យដឹងថាក្នុងមួយថ្ងៃខ្លួនអាចផលិតស្រាបៀរបានជាង២លានដប និង៤លានកំប៉ុង ឬស្មើនឹងជិតបីលានលីត្រ។
កាលពីពេលថ្មីៗនេះក្រុមហ៊ុនសា្របៀរលីអូ បាននាំម្ចាស់ដេប៉ូចែកចាយស្រាបៀរលីអូប្រចាំកម្ពុជា ពីតាមបណ្តាខេត្ត ក្រុងនានា ទៅទស្សនកិច្ចនៅក្នុងរោងចក្រផលិតស្រាបៀរ លីអូ ដ៏ធំទំនើប នៅក្នុងខេត្ត ប៉ាងលេន ប្រទេសថៃ។
លោក Sorrasit Chatwattanakul អ្នកផលិតស្រាបៀរដែលមានពិសោធន៍ជាង១៦ឆ្នាំនៅប្រទេសថៃបានឲ្យដឹងថា សមត្ថភាពរោងចក្រផលិតស្រាបៀរ លីអូ នេះ អាចផលិតបានដល់ទៅ២,៦ លានដប និង៤លានកំប៉ុងក្នុងមួយថ្ងៃ ឬស្មើនឹង២ ៩០០ ០០០ លីត្រ ដោយប្រើឧបករណ៍ និងបច្ចេកវិទ្យាទំនើបចុងក្រោយ ដើម្បីផលិតស្រាបៀរមានគុណភាពខ្ពស់ ហើយដឹកជញ្ជូនទៅកាន់ទីផ្សារនានាក្នុងរយៈពេលពីរ សប្តាហ៍ រាល់ពេលធ្វើការកម៉្មង់ទុក។
លោក Sorrasit Chatwattanakul បានបន្តថា គ្រប់កំប៉ុងរបស់ស្រាបៀរ លីអូ មិនថាជាស្លាកសញ្ញាអក្សរថៃ ឬស្លាកសញ្ញាអក្សរអង់គ្លេសទេសុទ្ធសឹងតែត្រូវបានផលិតនៅក្នុងរោងចក្រប្រទេសថៃតែមួយ ដែលមានគុណភាព និងរសជាតិដូចគ្នា។
លោក ឈឹម វឌ្ឍនៈ ជាម្ចាស់ភោជនីយដ្ឋាន សែនសប្បាយ ខេត្តសៀមរាប បានប្រាប់ឲ្យដឹងថា ៖ «ខ្ញុំពិតជារំភើបរីករាយណាស់ដែលបានមករោងចក្រផលិតស្រាបៀរ លីអូ នៅទីនេះ អ្វីដែលពិសេសនោះ គឺខ្ញុំបានស្វែងយល់ពីដំណើរការនៃការផលិតស្រាបៀរ លីអូ ដោយប្រើឧបករណ៍ និងបច្ចេកវិទ្យាសុទ្ធតែទំនើបៗ»។
ទាំងនេះជាបទពិសោធន៍ដ៏អស្ចារ្យមួយ របស់ដេប៉ូចែកចាយប្រចាំកម្ពុជា ដែលបានចូលទស្សនាទីតាំងផលិតស្រាបៀរលីអូ និងបានស្វែងយល់អំពីគុណភាពខ្ពស់នៃសារធាតុផ្សំ ដែលបានប្រើប្រាស់ដោយក្រុមហ៊ុនផលិតស្រាបៀរលីអូ និងស្តង់ដារល្អឥតខ្ចោះក្នុងការគ្រប់គ្រងគុណភាពព្រមទាំងបច្ចេកវិទ្យាកម្រិតខ្ពស់ដែលបានរួមបញ្ចូលគ្នាទៅក្នុងដំណើរការនៃខ្សែចង្វាក់ផលិតស្រាបៀរ។
ស្រាបៀរលីអូ ជាស្រាបៀរដ៏ពេញនិយម និងមានការគាំទ្រច្រើននៅក្នុងប្រទេសកម្ពុជា ដែលមានគុណភាពខ្ពស់ រសជាតិស្រាលស្រទន់ និងស័ក្តិសមបំផុតសម្រាប់គ្រប់កម្មវិធី។ ស្រាបៀរ លីអូ កាន់តែរីករាយលើសពីក្តីប្រាថ្នា៕
