- 2019-08-16 01:39:35
- ចរាចរណ៍
ទោះជិតចប់អាណត្តិក្ដី ក៏ឯកឧត្តមឯកអគ្គរាជទូតឆ្លៀតពន្យល់ពីចំណុចពិសេសភ្លើងស្តុបនៅភ្នំពេញ
- 2019-08-16 01:39:35
- ចំនួនមតិ 0 | ចំនួនចែករំលែក 0
ទោះជិតចប់អាណត្តិក្ដី ក៏ឯកឧត្តមឯកអគ្គរាជទូតឆ្លៀតពន្យល់ពីចំណុចពិសេសភ្លើងស្តុបនៅភ្នំពេញ
ចន្លោះមិនឃើញ
ឯកឧត្តមឯកអគ្គរាជទូតជប៉ុនប្រចាំកម្ពុជាបង្ហាញក្ដីសង្ឃឹមថាភ្លើងស្តុបចរាចរណ៍ថ្មីនៅក្នុងរាជធានីភ្នំពេញនឹងជួយកាត់បន្ថយការកកស្ទះចរាចរណ៍ ដោយភ្លើងស្តុបទាំងនេះមានបំពាក់នូវSensor អាចកែប្រែនាទីបានដោយស្វយប្រវត្តិតាមស្ថានភាពកកស្ទះជាក់ស្តែង។
ក្នុងវីដេអូ«កម្មវិធី៦០វិនាទីជួបជាមួយលោកទូតជប៉ុន» របស់ស្ថានទូតជប៉ុនដែលបានបង្ហោះលើទំព័រហ្វេសប៊ុកស្ថានទូតកាលពីម្សិលមិញឯកឧត្តមឯកអគ្គរាជទូតជប៉ុន ហូរីណូអ៊ុជិ ហ៊ីដេហ៊ីសា មានប្រសាសន៍ថាភ្លើងស្តុបថ្មីនេះមានភ្ជាប់ជាមួយនឹងSensor។ Sensor នេះឯកឧត្តមបញ្ជាក់ថាអាចជួយកែប្រែនាទីភ្លើងស្តុបបានទៅតាមស្ថានភាពកកស្ទះជាក់ស្ដែង។
ឯកឧត្តមពន្យល់ថា៖ «នាទីភ្លើងស្តុបអាចផ្លាស់ប្តូរបានដោយស្វយប្រវត្តិតាមរយៈSensor ដែលដាក់ជាមួយភ្លើងស្តុប ប៉ុន្តែមជ្ឈមណ្ឌលប្រព័ន្ធគ្រប់គ្រងចរាចរណ៍ក៏អាចប្តូរនាទីភ្លើងស្តុបទាំងនោះបានក្នុងករណីចាំបាច់...ខ្ញុំសង្ឃឹមថាប្រព័ន្ធភ្លើងស្តុបថ្មីនេះនឹងជួយសម្រួលការកកស្ទះចរាចរណ៍ និងសុវត្ថិភាពចរាចរណ៍ក្នុងរាជធានីភ្នំពេញ»៕