- 2019-08-23 05:31:33
- សេដ្ឋកិច្ច
លោក គីម ហ៊ាង ៖ “ថ្ងៃក្រោយ ខ្ញុំនឹងបង្រួមស្ទឹងទាំងអស់ឱ្យទៅជាទន្លេ ខ្ញុំនឹងបង្រួមទន្លេទៅជាសមុទ្រ”
- 2019-08-23 05:31:33
- ចំនួនមតិ 0 | ចំនួនចែករំលែក 0
លោក គីម ហ៊ាង ៖ “ថ្ងៃក្រោយ ខ្ញុំនឹងបង្រួមស្ទឹងទាំងអស់ឱ្យទៅជាទន្លេ ខ្ញុំនឹងបង្រួមទន្លេទៅជាសមុទ្រ”
ចន្លោះមិនឃើញ
“យុទ្ធសាស្ត្រដែលខ្ញុំកំពុងធ្វើបច្ចុប្បន្ន ដែលមនុស្សជាច្រើនអត់ទាន់ធ្វើទេ ថ្ងៃក្រោយខ្ញុំនឹងបង្រួមស្ទឹងទាំងអស់ឱ្យទៅជាទន្លេ ខ្ញុំនឹងបង្រួមទន្លេឱ្យទៅជាសមុទ្រ ហើយខ្ញុំនឹងរុញសមុទ្រចូលក្នុងបាតសមុទ្រ”។ ទាំងនេះគឺជាការបង្ហើបឱ្យដឹងរបស់លោក គីម ហ៊ាង ស្ថាបនិកក្រុមហ៊ុនអចលនទ្រព្យ Khmer Real Estate ក្នុងកិច្ចសម្ភាសជាមួយនឹង sabay ទាក់ទងនឹងយុទ្ធសាស្ត្ររបស់ក្រុមហ៊ុន ដើម្បីឈានទៅក្ដោបក្ដាប់ ទីផ្សារភ្នាក់ងារអចលនទ្រព្យនាពេលអនាគត។
ជាសហគ្រិនមួយរូបមានបទពិសោធន៍លើផ្នែកនេះជាង ១០ ឆ្នាំលោកមហិច្ឆតា ក្ដីសុបិនធំមួយ នៅរង្វង់ ១០ ឆ្នាំខាងមុខគឺការបើកសាខាក្រុមហ៊ុនឱ្យបានគ្រប់ខណ្ឌនៅរាជធានីភ្នំពេញ គ្រប់ខេត្ត និងស្រុកសំខាន់ៗ ទូទាំងប្រទេស។ នៅពេលមានសាខាគ្រប់ខណ្ឌនៅរាជធានីភ្នំពេញនឹងផ្តល់ភាពងាយស្រួលដល់អតិថិជនមានបំណងចង់ទិញដី លក់ដី វាយតម្លៃដី អភិវឌ្ឍន៍ដី និងគ្រប់គ្រងដីជាដើម គឺត្រូវតែរត់មករកសេវាកម្មរបស់ក្រុមហ៊ុនលោក ពោលគឺដូចគ្នាទៅនឹងធនាគារអេស៊ីលីដាយ៉ាងដូច្នេះដែរ។ ធនាគារអេស៊ីលីដា គឺជាធនាគារក្នុងស្រុក ដែលមានសាខាច្រើនជាងគេទូទាំងប្រទេស និងផ្ដល់ភាពងាយស្រួលដល់ប្រជាពលរដ្ឋគ្រប់ច្រកល្ហក។
កាលពីឆ្នាំមុនលោក គីម ហ៊ាង បានទិញសិទ្ធិ Master Franchise ពីក្រុមហ៊ុនអចលនទ្រព្យអាមេរិក Keller Williams Realty (KW) យកមកប្រទេសកម្ពុជា ខណៈក្រុមហ៊ុនអចលនទ្រព្យលំដាប់ពិភពលោក ដូចជា Century21, ERA, CBRE, knight Frank ជាដើមបានចូលមកកាន់ទីផ្សារនេះរួចទៅហើយ។ ក្រុមហ៊ុន Keller Williams Realty គឺជាក្រុមហ៊ុនអចលនទ្រព្យដែលរកបានប្រាក់ចំណូលច្រើនជាងគេនៅ សហរដ្ឋអាមេរិក និងលើពិភពលោកនាឆ្នាំ ២០១៧ រហូតដល់ជាង១០០០លានដុល្លារ និងមានភ្នាក់ងារសរុបចំនួន១៦៥ ៦៤២ នាក់ទូទាំងពិភពលោក។
“អញ្ចឹងមានន័យថា យើងនឹងតភ្ជាប់ខណ្ឌទាំងអស់នៅភ្នំពេញ ចូលគ្នាមានន័យថា យើងមានគ្រប់ខណ្ឌ ខណ្ឌណាក៏យើងមានព័ត៌មានដែរ យើងមានគ្រប់ខេត្ត ខេត្តណាក៏យើងមានព័ត៌មានដែរ យើងមានគ្រប់ស្រុក ស្រុកណាក៏យើងមានព័ត៌មានដែរ ។ យើងបង្រួមខណ្ឌទាំងអស់ចូលគ្នាគឺយើងកាន់កាប់បាន តាមខេត្ត ស្រុកទាំងអស់បញ្ចូលគ្នាគឺយើងគ្រប់គ្រងតម្លៃតាមខេត្តបាន។ ខេត្ត និងក្រុងចូលគ្នាបានដីធ្លីនៅស្រុកខ្មែរយើងរុញទៅបរទេសស្រួល”។
លោក គីម ហ៊ាង បានបន្ថែមថា ការរកស៊ីដីធ្លី ព័ត៌មានគ្រប់គ្រាន់គឺស្នើទទួលជោគជ័យ ៥០% ខណៈកាលពីពេលថ្មីៗនេះ Keller Williams Cambodia មានសាខាចំនួន៤ នៅក្នុងទីក្រុងភ្នំពេញ ហើយចុងឆ្នាំ២០១៩ ឬឆ្នាំ២០២០ នឹងអាចមានសាខាក្នុងក្រុងភ្នំពេញចំនួន៤ និងក្នុងខេត្តចំនួន១។