- 2019-10-10 02:00:35
- សេដ្ឋកិច្ច
ប្រទេសប្រាំបង់វិភាគទានខ្ទង់រយលានដុល្លារទៅអង្គការសហប្រជាជាតិឆ្នាំ២០១៩
- 2019-10-10 02:00:35
- ចំនួនមតិ 0 | ចំនួនចែករំលែក 0
ប្រទេសប្រាំបង់វិភាគទានខ្ទង់រយលានដុល្លារទៅអង្គការសហប្រជាជាតិឆ្នាំ២០១៩
ចន្លោះមិនឃើញ
អង្គការសហប្រជាជាតិត្រូវបានគេរាយការណ៍ថាអាចនឹងអស់ថវិកានៅចុងខែវិច្ឆិកា ដែលនេះជាបញ្ហាប្រឈមផ្នែកថវិកាជិតមួយទសវត្សរ៍ចុងក្រោយនេះ។ បញ្ហាប្រឈមនេះគឺដោយសារសមាជិកអង្គការសហប្រជាជាតិមួយចំនួនមិនបានបង់វិភាគទានទៅតាមកាលកំណត់ និងថែមទាំងមានការថយចុះទៀតផង។
ក្នុងឆ្នាំនេះអង្គការសហប្រជាជាតិទទួលបានវិភាគទានពីសមាជិកត្រឹមតែ៧០ភាគរយពីសមាជិកដែលត្រូវបង់ជាប្រចាំឆ្នាំសរុប ខណៈកាលពីឆ្នាំ២០១៨ សមាជិកតែ៧៨ភាគរយបានបង់វិភាគទាននេះ។
ខាងក្រោមជាឈ្មោះប្រទេសដែលបានបង់វិភាគទានទៅអង្គការសហប្រជាជាតិខ្ទង់រយលានដុល្លារសម្រាប់ឆ្នាំ២០១៩នេះផ្អែកតាម Contributions received for 2019 for the United Nations Regular Budget ។
៥. បារាំង៖ បារាំងបង់វិភាគទានចំនួនជាង១២៣លានដុល្លារអាម៉េរិក និងបានបង់ទៅអង្គការសហប្រជាជាតិកាលពីថ្ងៃទី២៨ ខែមីនា ឆ្នាំ២០១៩។
៤. ចក្រភពអង់គ្លេស៖ បង់វិភាគទានចំនួនជាង១២៧លានដុល្លារអាម៉េរិក និងបានបង់ទៅអង្គការសហប្រជាជាតិកាលពីថ្ងៃ២៩ ខែមេសា ឆ្នាំ២០១៩។
៣. អាល្លឺម៉ង់៖ បង់វិភាគទានចំនួនជាង១៦៩លានដុល្លារអាម៉េរិក និងបានបង់ទៅអង្គការសហប្រជាជាតិកាលពីថ្ងៃ៥ ខែកុម្ភៈ ឆ្នាំ២០១៩។
២. ជប៉ុន៖ បង់វិភាគទានចំនួនជាង២៣៨លានដុល្លារអាម៉េរិក និងបានបង់ទៅអង្គការសហប្រជាជាតិកាលពីថ្ងៃ១៩ ខែសីហា ឆ្នាំ២០១៩។
១. ចិន៖ បង់វិភាគទានចំនួនជាង៣៣៤ លានដុល្លារអាម៉េរិក និងបានបង់ទៅអង្គការសហប្រជាជាតិកាលពីថ្ងៃ៣ ខែឧសភា ឆ្នាំ២០១៩។
គួរបញ្ជាក់ថាកម្ពុជាបានបង់វិភាគទាននេះចំនួន១៦៧ ២៩៤ ដុល្លារ និងបានបង់កាលពីថ្ងៃទី២៧ ខែសីហា ឆ្នាំ២០១៩៕