- 2019-11-21 03:47:46
- ព័ត៌មាន
ចិន និងស៊ីមបាវ៉េ ខ្វែងគំនិតគ្នាលើរឿងតួលេខជំនួយផ្នែកហិរញ្ញវត្ថុ
- 2019-11-21 03:47:46
- ចំនួនមតិ 0 | ចំនួនចែករំលែក 0
ចិន និងស៊ីមបាវ៉េ ខ្វែងគំនិតគ្នាលើរឿងតួលេខជំនួយផ្នែកហិរញ្ញវត្ថុ
ចន្លោះមិនឃើញ
ស្ថានទូតចិនប្រនៅប្រទេសស៊ីមបាវ៉េ បានទាមទារឲ្យប្រទេសនៅទ្វីអាហ្រ្វិកមួយនេះពន្យល់ឲ្យបានច្បាស់ពីការលើកឡើងរបស់រដ្ឋមន្ត្រីក្រសួងសេដ្ឋកិច្ចដែលថាចិនបានផ្ដល់ជំនួយជាងបីលានដុល្លារនៅប្រាំបួនខែដើមឆ្នាំនេះ តែខាងស្ថានទូតថាជាង១៣០លានដុល្លារឯណោះ។
រដ្ឋមន្ត្រីក្រសួងសេដ្ឋកិច្ចស៊ីមបាវ៉េ លោក Mthuli Ncube បានលើកឡើងក្នុងបទបង្ហាញរបស់ខ្លួនទាក់ទងនឹងថវិកាជាតិឆ្នាំ២០២០ ថាប្រទេសខ្លួនក្នុងរយៈពេលប្រាំបួនខែក្នុងឆ្នាំ២០១៩ បានទទួលជំនួយពីប្រទេសជាម្ចាស់ជំនួយសរុប១៩៤លានដុល្លារអាម៉េរិក ក្នុងនោះចិនបានជួយ៣,៦លានដុល្លារ។
ការលើកឡើងនេះត្រូវបានមន្ត្រីស្ថានទូតចិននៅប្រទេសនេះថាមិនត្រឹមត្រូវ និងទាមទារឲ្យមានការពន្យល់ឲ្យបានច្បាស់លាស់មួយ។ ខាងស្ថានទូតបង្ហាញតួលេខថាក្នុងឆ្នាំ២០១៩នេះ ប្រទេសចិនបានផ្ដល់ជំនួយហិរញ្ញវត្ថុដល់ប្រទេសស៊ីមបាវ៉េ ចំនួន១៣៦,៨លានដុល្លារអាម៉េរិក ដោយមិនទាន់គិតរួមបញ្ចូលជំនួយផ្នែកបច្ចេកទេសផ្សេងទៀតនោះទេ។
ទាក់ទងនឹងការទាមទារពីស្ថានទូតចិននេះ រដ្ឋាភិបាលស៊ីមបាវ៉េ ថាខ្លួនកំពុងពិភាក្សារឿងនេះជាមួយខាងស្ថានទូតដើម្បីបញ្ជាក់ច្បាស់ពីតួលេខនេះ៕
