- 2015-12-04 15:46:58
- ជំនឿ
យល់សប្ដិឃើញបែបនេះ នឹងមានលាភ
- 2015-12-04 15:46:58
- ចំនួនមតិ 0 | ចំនួនចែករំលែក 0
យល់សប្ដិឃើញបែបនេះ នឹងមានលាភ
ចន្លោះមិនឃើញ
ក្បួនជោគជាតានៃ យល់សប្ដិដែលត្រូវបានចងក្រងដោយ លោកនួន ប៊ុត ហោរាចារ្យបញ្ជាក់ថាកាលបើ សញ្ញាល្អដែលនាំមកនូវ ជោគលាភ ឬ យសស័ក្ដិជាដើម បើប្រិយមិត្តយល់សប្ដិដូចខាងក្រោម៖
-បង់សំណាញ់ ឬ ស្ទូចត្រី ទោះនឹងធ្វើការអ្វីគង់នឹងបានសម្រេចដូចប្រាថ្នា។
-បានចូលជ្រកក្រោមដើមឃើញធំនឹងបានជាធំ។
-ឃើញគេរាំ នឹងបានជាសុខ។
-បានជិះខ្លា នឹងបានចេញទៅស្រុកឆ្ងាយ។
-ចាប់បានកូនខ្លា ឬ កូនម្រឹគ នឹងបានទីកន្លែងដំណែលល្អ មានកេរ្តិ៍ឈ្មោះ។
-បានប្រជល់ដំរី មិនសូវល្អទេតែបើយកទឹក ៣ ក្អមស្រោចកណ្ដាលផ្លូវនឹងនាំទៅជាល្អវិញ។
-ដេកកណ្ដាលទឹក ហើយទឹកហូរចូលមាត់ នឹងមានលាភចូលមកយ៉ាងឆាប់។
-ជិះរទេះក្របី ស្ដេច ឬ មន្ត្រីនឹងអោយលាភ។
-ជិះក្របីប្រជល់គ្នា គួរតែយកទឹកបីក្អមមកស្រោចខ្លួនសិន ទើបប្រែជាសប្ដិល្អវិញ។
-នៅកណ្ដាលដី នឹងបានភរិយាល្អ។
-ជិះគ្រែស្នែង មានគេសែង ទោះនឹងប៉ងធ្វើការអ្វីនឹងបានសម្រេចដូចសេចក្ដីប្រាថ្នា។
-គេអោយអាវសំពត់នឹងមានលាភ។
-គេធ្វើទោសខ្លួននឹងបានដីស្រុក នៅដោយសេចក្ដីសុខ។
-សត្វត្រកួតឡើងផ្ទះ នឹងបានអ្វីម្យ៉ាង។
-គេបក់ផ្លិតអោយ នឹងបានធ្វើជាចៅហ្វាយនាយគេ។
-បានឃើញឬចាប់មនុស្សស្លាប់ (សព) នឹងបានមាសប្រាក់។
-ទ្រព្យរបស់បាត់ បើនឹងទៅស្រុកឆ្ងាយ នឹងបានលាភដ៏ប្រសើរ។
-បានសូត្រធម៌ នឹងបានប្រាសចាកចង្រៃទាំងពួង។
-បាននិមន្តព្រះពុទ្ធរូបទៅតម្កល់ទុកឯវត្តនឹងបានបុត្រភរិយា ឬខ្ញុំកំដរជាទីគាប់ចិត្ត។
-ឡើងផ្ទះថ្មីនឹងបានយស សក្ដិ ឬ បានគ្រាន់បើម្យ៉ាង។
-បានដើរឆ្លងស្ពានទៅរហូត ទោះគិតការអ្វីៗ គង់នឹងបានសម្រេចគ្រប់ប្រការ។
-បានសម្លាប់ខ្លួនឯងនឹងឈ្នះអស់មារសត្រូវ។
-ខ្លួនឯងយំនឹងមានលាភជាទីពេញចិត្ត។
-បានឡើងដំបូល ឡើងភ្នំ នឹងបានឡើងយសសក្ដិ។
-ត្រូវដំរីព្រេច ខ្មោចក្នុងផ្ទះនឹងថែរក្សា។
-មិត្តសម្លាញ់ស្លាប់ទោះនឹងគិតការអ្វីនឹងបានសម្រេច។
-មានចាស់ព្រឹទ្ធាចារ្យដឹកដៃឡើងទៅកាន់ដំណេក នឹងបានលាភ។
-មានមនុស្សស្លាប់ក្នុងផ្ទះ នឹងមានលាភមកដល់ផ្ទះសម្បែងតែម្ដង។
-បានឡើងដើមឈើធំ នឹងមានលាភដ៏ប្រសើរ ឬ នឹងបានជាមន្ត្រី។
-ឈ្លើងទាម ឬ ពស់ចឹក នាគព័ន្ធ នឹងបានគូស្រករថ្មី។
-បានសម្លាប់ខ្លួនឯងស្លាប់ ហើយត្រឡប់រស់ឡើងវិញ នឹងបានទ្រព្យច្រើន។
-បានដើរទៅទិសបូព៌ា បើមានជំងឺឈឺនឹងបានជាសះស្បើយ។
-បានងូតទឹកជម្រះកាយ នឹងរម្ងាស់អស់គ្រោះថ្នាក់។
-បានយកដំរីមកទឹមរទេះ នឹងបានគ្រូអាចារ្យមកប្រដៅខ្លួន នឹងបានទីលំនៅៗជាសុខ។
-បានឃើញខ្លា នឹងមានតេជះ (តែបើយល់សប្ដិថា ខ្លាប្រុងនឹងខាំនឹងមានសត្រូវមកបៀតបៀន)។
-បានតាក់តែងគ្រឿងបរិភោគ និងសុរា មិត្តសម្លាញ់នឹងនាំលាភមកឱ្យ។
-ជិះរថសេះ ឬរទេះគោអ្នកធំនឹងអោយយសសក្ដិ។
-ជិះសេះនឹងមានព្រឹទ្ធាចារ្យអាណិតជួយសង្គ្រោះ។
-ស្រមោចស្រមើលរោមខ្លួន នឹងបានបរិវារ។
-អង្កររោយពេញផ្ទះ នឹងមានញាតិមករក។
-បានកាត់ក្បាលមនុស្ស នឹងមានតេជះឈ្នះអស់មារសត្រូវទាំងពួង។
-ខ្លួនស្លាប់មានគេសែងទៅ នឹងមានលាភ។
-ដេកកណ្ដាលដី ក្បាលធ្លាក់រហូតទៅម្ខាង ជើងធ្លាក់រហូតទៅម្ខាង នឹងមានអំណាចផ្សាយទៅក្នុងទីទាំងពួង។
-គេអារសាច់ខ្លួនឯង នឹងបានឡើងជាមន្ត្រី។
-សែនឱ្យខ្មោចនឹងបានទីកន្លែងនៅ។
-ដើរទៅក្នុងវត្ត នឹងបានមាសប្រាក់។
-ផឹកថ្នាំ នឹងជាអស់រោគទាំងពួង។
-មនុស្សចាស់កោរជុកដូចកូនក្មេង នឹងមានលាភ។
(រូបតំណាង)
-ធ្លាក់ឈាម ធ្លាក់ខ្ទុះនឹងបានមាសប្រាក់ឬ របស់ជាទីគាប់ចិត្ត។
-ឃើញរាហូលេបព្រះចន្ទ យក្សស៊ីមនុស្ស ទោះនឹងទៅទីណាៗ នឹងបានជ័យជម្នះ។
-ដណ្ដាំបាយស៊ីនឹងសាច់ត្រី នឹងមានបងប្អូនយកលាភមកឱ្យ។
-គេលើកឱ្យជិះដំរី ជិះសេះ ឬ ជិះស្នែង នឹងមានគេជួយឧបត្ថម្ភ នឹងបានយសស័ក្ដិ។
-គេចងភ្ជាប់ខ្លួននឹងអ្នកដទៃ នឹងបានភរិយាប្រកបនូវយសសក្ដិ។
-គេដង្ហែខ្លួនទៅ នោះនឹងបានលាភ។
-អុំទូកលើគោកទោះនឹងគិតការអ្វីៗ នឹងបានរុងរឿង មានកេរ្តិ៍ឈ្មោះល្អ។
-ប្រចៀវមកទុំផ្ទះ នឹងមានទេវតាថែរក្សា។
-គល់ឈើអណ្ដែតមក នឹងមានលាភ។
-ឡើងស៊ីបាយលើកំពូលភ្នំ នឹងមានគេនាំទ្រព្យមកឱ្យ ពុំនោះសោត នឹងបានយសសក្ដិធំ។
-បានស្លៀកពាក់ស ចុះងូតទឹកហើយបានបេះផ្កាឈូកជាដើម នឹងបាននៅសុខស្រួល បើមាន រោគាព្យាធិ នឹងជាសះស្បើយ ឬ បានគូស្រករ។
-ដើរលើទឹក ឬបានឆ្លងកាត់ទឹកទៅដោយអ្វីៗក្ដី មិនថាទូក ក្បូន ឬ ស្ពាន ទោះនឹងគិតការអ្វីក៏បានសម្រេច។
-បានសៀតប្រដាប់ដោយផ្កា នឹងបានជាទីស្រឡាញ់នៃជនទាំងពួង ឬ ក៏នឹងបានគូស្រករ។
-ឃើញពោធិព្រឹក្ស ព្រះវិហារ នឹងបានស្បើយទុក្ខភ័យ។
-បានស៊ីទឹកឃ្មុំ នឹងមានសិរីសួស្ដី ហើយនឹងមានយសស័ក្ដិ។
-បានឡើងផ្នូកខ្សាច់ នឹងបានជាមន្ត្រី។
-បានស៊ីក្បាលមនុស្សស្រស់ៗ នឹងបានជាចៅហ្វាយស្រុកឬចៅហ្វាយខេត្ត។
-បានផឹក លេបឱសថឬ ឆីបង្អែម នឹងបានជាសះរោគាព្យាធិក្នុងខ្លួន។
-បានម្ជុលមាសនឹងបានជាកូនប្រុស ជាតិជាអ្នកប្រាជ្ញ ឬ ទោះនឹងគិតការអ្វី គង់នឹងបានសម្រេច។
-បានឃើញកង្កែបលេបព្រះអាទិត្យ ព្រះចន្ទ ល្អណាស់ នឹងមានបុណ្យ។
-បានឆ្លុះកែវឆ្លុះ ទោះនឹងគិតការអ្វី ឬប្រាថ្នាចង់បានអ្វីគង់នឹងបានសម្រេចដូចសេចក្ដីប្រាថ្នា៕
ចុះប្រិយមិត្តវិញ កាលពីយប់មិញយល់សប្ដិឃើញអីខ្លះ?
អត្ថបទ៖ ណេង ណេង
