- 2020-01-31 02:14:15
- សុខភាព
អង់គ្លេស យកយន្តហោះទៅដឹកប្រជាជនខ្លួន១៥០នាក់នៅ Wuhan តែដាក់នៅឆ្ងាយពីគេ១៤ថ្ងៃសិន
- 2020-01-31 02:14:15
- ចំនួនមតិ 0 | ចំនួនចែករំលែក 0
អង់គ្លេស យកយន្តហោះទៅដឹកប្រជាជនខ្លួន១៥០នាក់នៅ Wuhan តែដាក់នៅឆ្ងាយពីគេ១៤ថ្ងៃសិន
ចន្លោះមិនឃើញ
ចក្រភពអង់គ្លេស បានយកយន្ដហោះកងទ័ពអាកាសរបស់ខ្លួនប្រភេទធន់ធ្ងន់ ដើម្បីទៅយកប្រជាជនអង់គ្លេសប្រមាណជា១៥០នាក់ពីក្រុង Wuhan ប្រទេសចិនមកវិញ។
នៅអង់គ្លេសបច្ចុប្បន្ននេះមិនទាន់មានករណីអ្នកផ្ទុកមេរោគ Corona នៅឡើយទេ ប៉ុន្តែប្រទេសមួយនេះបានត្រៀមជើងព្រួលជានិច្ចព្រោះខ្លាចមាននរណាម្នាក់ចម្លងមេរោគដល់ពួកគេ។ បច្ចុប្បន្ននេះ អង់គ្លេស ក៏បានទៅយកប្រជាជនខ្លួនដែលគាប់នៅក្រុង Wuhan ឱ្យត្រលប់មកស្រុកវិញផងដែរ ប៉ុន្តែការត្រលប់មកវិញរបស់ពលរដ្ឋ១៥០នាក់នេះ គឺពួកគេនឹងត្រូវនៅដោយឡែកពីគេឯង រយៈពេល១៤ថ្ងៃនេះ។ ឆ្លងកាត់១៤ថ្ងៃហើយ ប្រសិនបើមិនមានអ្វីកើតឡើងលើទេ ទើបអនុញ្ញាតឱ្យទៅរកក្រុមគ្រួសារជាធម្មតា។
អង់គ្លេស បានក្លាយជាប្រទេសទី៣បន្ទាប់ពីអាមេរិក និងជប៉ុន ដែលបានបញ្ជូនយន្ដហោះទៅដឹកពលរដ្ឋរបស់ខ្លួនពីក្រុង Wuhan កន្លែងផ្ទុះមេរោគ Corona មុនគេនៅប្រទេសចិន។ ស្របពេលបច្ចុប្បន្ននេះ អង្គការសុខភាពពិភពលោកបានប្រកាសអាសន្នចំពោះជំងឺឆ្លងនេះទៅហើយ ព្រោះមានករណីដែលវាអាចឆ្លងពីមនុស្សម្នាក់ទៅមនុស្សម្នាក់ទៀតបាន៕
