/FB-News/5e5f486daac33_1583302740_medium.jpg)
- 2020-03-04 06:50:04
- ព័ត៌មាន
ព្យុះនៅអាមេរិកសម្លាប់មនុស្ស២៥នាក់ និងធ្វើឱ្យមនុស្សជាច្រើននាក់រងរបួស
- 2020-03-04 06:50:04
- ចំនួនមតិ 0 | ចំនួនចែករំលែក 0
ព្យុះនៅអាមេរិកសម្លាប់មនុស្ស២៥នាក់ និងធ្វើឱ្យមនុស្សជាច្រើននាក់រងរបួស
ចន្លោះមិនឃើញ
លោកវីលៀម លី អភិបាលរដ្ឋថេណេស៊ី បាននិយាយកាលពី ថ្ងៃអង្គារ ទី៣ ខែមីនា ថាចំនួនអ្នកស្លាប់ដោយសារខ្យល់ព្យុះថ័រណាដូចំនួន២ ដែលបានបោកបក់កាត់រដ្ឋថេណេស៊ី បានកើនឡើងដល់២៥ នាក់។
សេចក្តីរាយការណ៍នៃសារព័ត៌មានអាមេរិកបាននិយាយថា នៅទីក្រុងណាសវីល ខ្យល់ព្យុះដែលមានសណ្ឋានជាខ្យល់កួចដ៏ធំនេះបានបង្កការខូចខាតផ្ទះជាច្រើនខ្នង។
ខ្យល់កួចនេះ បានកើតឡើងបន្ទាប់ពីពាក់កណ្តាលយប់ និងបានបក់បោកយ៉ាងលឿន រហូតដល់មនុស្សដែលដេកលក់មិនមានពេលដើម្បីរត់ចូលកន្លែងមានសុវត្ថិភាព។
លោកវីលៀម លី បាននិយាយនៅសន្នីសីទកាសែតមួយថា មនុស្សមួយចំនួនបានបាត់ខ្លួន និងរកមិនទាន់ឃើញនៅឡើយទេ ។
ការខូចខាតច្រើនគឺនៅភាគកណ្តាលនៃទីក្រុងពុតណាម ចម្ងាយ១៣០គីឡូម៉ែត្រពីភាគខាងកើតនៃទីក្រុងណាសវីល តាមសេចក្តីរាយការណ៍ថារហូតមកដល់ពេលនេះមានអ្នកស្លាប់ចំនួន១៩នាក់។
នៅទីក្រុងវីលសុន មនុស្ស៣នាក់ ត្រូវបានរាយការណ៍ថាបានស្លាប់ ដោយមនុស្ស២នាក់បានស្លាប់នៅទីក្រុងដាវីសុន និងម្នាក់នៅទីក្រុងបេនថុន៕
