- 2018-03-11 02:56:44
- សេដ្ឋកិច្ច
ដំណឹងល្អ! ដឹងហើយថា ខេត្តណានឹងធ្វើជាម្ចាស់ផ្ទះបុណ្យទន្លេនៅឆ្នាំក្រោយ
- 2018-03-11 02:56:44
- ចំនួនមតិ 0 | ចំនួនចែករំលែក 0
ដំណឹងល្អ! ដឹងហើយថា ខេត្តណានឹងធ្វើជាម្ចាស់ផ្ទះបុណ្យទន្លេនៅឆ្នាំក្រោយ
ចន្លោះមិនឃើញ
ពិធីបុណ្យទន្លេដ៏សប្បាយរីករាយ នឹងរៀបចំនៅខេត្តកំពង់ឆ្នាំង សម្រាប់លើកទី៥ ក្នុងឆ្នាំ២០១៩។ នេះបើតាមប្រសាសន៍របស់សម្ដេច ហ៊ុន សែន។
នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវឲ្យខេត្តផ្សេងៗទៀត ខិតខំប្រឹងប្រែងអភិវឌ្ឍ ដើម្បីត្រៀមខ្លួនទទួលរៀបចំបុណ្យទន្លេនាឆ្នាំបន្តបន្ទាប់ទៀត។ សម្តេចបន្តថា កម្ពុជាមានខេត្តជាច្រើននៅតាមដងទន្លេមេគង្គ ទន្លេសាប និងទន្លេបាសាក់ ហើយទន្លេទាំងអស់នេះ បានផ្តល់ផលប្រយោជន៍ជាច្រើនដល់ប្រជាពលរដ្ឋ។
ចំណែកឯខេត្តដែលធ្លាប់រៀបចំបុណ្យទន្លេរួមមាន ខេត្តកំពង់ចាម ស្ទឹងត្រែង ក្រចេះ និងខេត្តកណ្តាលដែលកំពុងតែរៀបចំពិធីបុណ្យនេះ។
ពីធីបុណ្យទន្លេ ត្រូវបានបង្កើតឡើងដើម្បីជំរុញឲ្យមានការតភ្ជាប់មហាអនុតំបន់ទន្លេមេគង្គ និងបង្កើតកិច្ចសហប្រតិបត្តិការ ជាមួយប្រទេសជាសមាជិកទន្លេមេគង្គលើឆាកអន្តរជាតិ។ បន្ថែមពីនេះ ក៏ផ្ដោតលើការបង្កើតផលិតផលថ្មីៗឲ្យបានច្រើន ដើម្បីទាក់ទាញភ្ញៀវទេសចរជាតិ និងអន្តរជាតិមកកម្សាន្ត និងបានផ្សព្វផ្សាយពីវប្បធម៌ អរិយធម៌ ទំនៀមទម្លាប់ប្រពៃណីខ្មែរផងដែរ៕