- 2018-06-26 09:32:06
- ចរាចរណ៍
បើគេចមិនផុតពីផ្លូវលិចទឹក ចឹងគួរអនុវត្តរឿងទាំង ៦នេះ
- 2018-06-26 09:32:06
- ចំនួនមតិ 0 | ចំនួនចែករំលែក 0
បើគេចមិនផុតពីផ្លូវលិចទឹក ចឹងគួរអនុវត្តរឿងទាំង ៦នេះ
ចន្លោះមិនឃើញ
បើលោកអ្នកចង់បើកបរនៅពេលមេឃភ្លៀងលិច ជំហានដំបូងគេបង្អស់មុនពេលបើកបរ អ្នកគប្បីត្រួតពិនិត្យយានយន្តរបស់អ្នកដូចជា ប្រព័ន្ធភ្លើង ប្រព័ន្ធហ្វ្រាំង ហ្គែរ ចង្កូត សម្បកកង់ សាំងជាដើម។ តទៅនេះ ជាចំណុចដែលលោកអ្នកគួរធ្វើ និងមិនគួរធ្វើពេលបើកបរយានយន្ត៖
១. ល្បឿនយានជំនិះ
ពេលមេឃភ្លៀង ឬក្រោយភ្លៀង ផ្លូវនឹងសើមមានទឹកច្រើន ជាហេតុធ្វើឲ្យយានយន្តរបស់អ្នករអិល។ ចៀសវាងគ្រោះថ្នាក់កើតមានជាយថាហេតុ អ្នកគួរបន្ថយល្បឿនមកកម្រិតល្មមគួរសម។
២. រក្សាគម្លាត
ចម្ងាយរវាងយានយន្តរបស់អ្នក និងយានយន្តនៅខាងមុខ ឲ្យឆ្ងាយជាងកម្រិតធម្មតា ព្រោះថាបើអ្នកជាន់ហ្វ្រាំងឈប់ ឬប្រថុចញ៉ុចនោះ យានយន្តអ្នកនឹងមិនរអិលជ្រុលទៅបុកគូថយានយន្តខាងមុខជាមិនខាន។
៣. បើកភ្លើង
អ្នកត្រូវបើកភ្លើងយានយន្តពេលធ្វើដំណើរមានភ្លៀងធ្លាក់ ឬមេឃងងឹត ដើម្បីបញ្ចៀសគ្រោះថ្នាក់បុកគ្នាដោយមើលមិនឃើញ។
៤. ចាប់ហ្រ្វាំងអមតិចៗ
លោកអ្នកគួរចាប់ហ្វ្រាំងអមតិចៗពេលបើកបរមេឃកំពុងភ្លៀង ឬលើដងផ្លូវសើមជោគជាំដោយទឹក ព្រោះអាចរអិលជ្រុលទៅបុកអ្វីៗនៅតាមដងផ្លូវ។ បើបើកបរលឿន ស្រួលមិនស្រួលអាចនឹងក្រឡាប់ ឬរអិលដួលទៀតក៏ថាបាន។ អ្នកត្រូវជាន់ហ្វ្រាំងពីចម្ងាយជាការប្រសើរ។
៥.ស្ថានភាពផ្លូវ
ពេលមេឃកំពុងភ្លៀងខ្លាំងរហូតលិចផ្លូវហើយនោះ លោកអ្នកគួរឈប់មើលយានយន្តសិន ថាតើអាចទោមុខរួចឬអត់? ឬគួរតែកុំបត់ទៅតាមផ្លូវផ្សេងផ្ដេសផ្ដាសជៀសវាងស្ទះ ឬយឺតការធ្វើដំណើរលើសដើម។ ដូច្នេះ បើភ្លៀងខ្លាំងងងឹត សូមជ្រកភ្លៀង ឬរង់ចាំភ្លៀងអន់បន្តិច សឹមធ្វើដំណើរបន្ត។
៦. ការពារផ្គររន្ទះ
ដើម្បីចៀសវាងគ្រោះថ្នាក់ជាយថាហេតុណាមួយដោយរន្ទះ ជាពិសេសដំណើរផ្លូវឆ្ងាយ អ្នកគប្បីជ្រកភ្លៀងសិន រួចសឹមបន្តដំណើរ និងគួរកុំភ្លេចបិទសេវាទូរសព្ទ ឬ អ៊ីនធើណេត ផងណា៕