ត្រួសៗពីសាលាបង្រៀនធ្វើម្ហូបលំដាប់អន្តរជាតិ ដំបូងគេនៅខ្មែរ ត្រៀមធ្វើកម្មវិធីធំប៉ុន្មានថ្ងៃខាងមុខ

2018-07-10 09:47:23
ព័ត៌មាន

2018-07-10 09:47:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថាប័នអន្តរជាតិដំបូងគេនៅកម្ពុជា ដែលបណ្ដុះបណ្ដាលលើជំនាញ ផ្នែកបដិសណ្ឋារកិច្ច សិល្បៈនៃការចម្អិនម្ហូបអាហារ ព្រមទាំងជំនាញបង្អែម ធ្វើនំ និងដុតនំ វិទ្យាស្ថានម្ហូបអាហារកម្ពុជា (Academy of Culinary Arts Cambodia ឬ ACAC) ត្រៀមនឹងបើកឲ្យចូលទស្សនាសាលាម្ដងទៀតហើយ។

ការបើកឲ្យចូលមើលសាលាលើកទី៤ នៅថ្ងៃទី២១ កក្កដា ចាប់ពីម៉ោង១០ព្រឹក-៤រសៀលនេះ មានកម្មវិធីដូចជា៖

ផ្ដល់អាហារូបករណ៍ ២ឆ្នាំ តម្លៃ ៣៩៧៥ដុល្លារ ដោយគ្រាន់តែផ្ញើវីដេអូពីសកម្មភាពនៃការធ្វើម្ហូបរបស់អ្នក
ដាក់តាំងបង្ហាញម្ហូបអាហារ បង្អែម នំ ភេសជ្ជបែបអាស៊ី និងអឺរ៉ុបជាច្រើនប្រភេទស្របតាមស្តង់ដារសណ្ឋាគារផ្កាយ ៥ ព្រមទាំងឲ្យទទួលទានដោយឥតគិតថ្លៃ

ចាក់បញ្ចាំងកុន ការបង្ហាញពីរបៀបធ្វើការ៉េមដោយប្រើចំហាយអាហ្សូត (Nitrogen) ព្រមទាំងផ្ទាំងទស្សនីយភាពប្លែកៗជាច្រើនទៀត
ប្រកួតរចនាម៉ូតលើនំខេក និងការលែងល្បែងកម្សាន្តសប្បាយៗជាច្រើន ចំពោះអ្នកឈ្នះនឹងទទួលរង្វាន់ជាទីគាប់ចិត្ត
ការធ្វើបទបង្ហាញ ការចែករំលែករាល់ព័ត៌មានទាំងអស់របស់វិទ្យាស្ថាន និងកម្មវិធីសិក្សាការផ្ដល់ប្រឹក្សាផ្សេងៗ
ប្រូម៉ូសិនពិសេសសម្រាប់សិស្សដែលចុះឈ្មោះក្នុងកម្មវិធី នឹងទទួលបានឈុតកាំបិតរបស់ប្រទេសស្វីសមួយឈុតធំ

ACAC ជាវិទ្យាស្ថានផ្ដល់សញ្ញាប័ត្រជាន់ខ្ពស់ (Diploma) រយៈពេល ២ឆ្នាំ ផ្នែកសិល្បៈនៃការចម្អិនម្ហូបអាហារ បង្អែម ធ្វើនំ និងដុតនំ មិនមែនត្រឹមវគ្គខ្លីៗឡើយ ពោលស្របតាមបទដ្ឋានអាស៊ាន និងក្រមសីលធម៌ការងារប្រទេសស្វីស ហើយទទួលស្គាល់ដោយមហាវិទ្យាល័យគ្រប់គ្រងសណ្ឋាគារ និង បដិសណ្ឋារកិច្ចដ៏ល្បីនៅទីក្រុងលូសឺន ប្រទេសស្វីស (Swiss Hotel Management Academy Lucerne ឬ SHL)។

សម្រាប់ព័ត៌មានបន្ថែម ឬចង់កក់កន្លែង ទូរសព្ទលេខ 011 767 136 / 099 5555 29 ផេកហ្វេសប៊ុក Academy of Culinary Arts Cambodia ទីតាំងផ្ទាល់អគារលេខ ២៣ ផ្លូវលេខ ១៣៩ សង្កាត់វាលវង់ ខណ្ឌ ៧មករា រាជធានីភ្នំពេញ (ផ្លូវទឹករាំផ្ការាំ ក្រោយសាលាជ័យថាវីបាក់ទូក)៕