- 2018-09-11 02:40:31
- ព័ត៌មាន
មកដឹងវិធីងាយៗ អាចកម្ចាត់សត្វកន្លាត ពីងពាង និងស្រមោចពីផ្ទះគ្មានសល់
- 2018-09-11 02:40:31
- ចំនួនមតិ 0 | ចំនួនចែករំលែក 0
មកដឹងវិធីងាយៗ អាចកម្ចាត់សត្វកន្លាត ពីងពាង និងស្រមោចពីផ្ទះគ្មានសល់
ចន្លោះមិនឃើញ
យើងទាំងអស់គ្នាសុទ្ធតែចង់ឲ្យផ្ទះរបស់យើងស្អាត និងមិនមានសត្វល្អិតផ្សេងៗ ប៉ុន្តែថ្នាំបាញ់ ឬថ្នាំពុលគីមីមួយចំនួន អាចមានជាតិពុលខ្លាំង និងគ្រោះថ្នាក់នៅពេលប្រើប្រាស់។ ប្រសិនបើសារធាតុគីមីទាំងនោះអាចសម្លាប់សត្វល្អិតបាន នោះពួកវាប្រាកដជាមិនសូវល្អសម្រាប់យើងឡើយ ដូច្នេះយើងគួរតែងាកមកប្រើអ្វីដែលធម្មជាតិ និងមានសុវត្ថិភាពវិញ។
ខាងក្រោមនេះគឺជាវិធីងាយៗ អាចកម្ចាត់សត្វកន្លាត ពីងពាង និងស្រមោចពីផ្ទះគ្មានសល់៖
#១ សត្វកន្លាត
សត្វកន្លាត មិនមែនជាសត្វល្អិតគួរឲ្យខ្ពើមប៉ុន្មានឡើយ ប៉ុន្តែពួកវាអាចនាំយកជំងឺ ឬមេរោគដែលបង្កជាគ្រោះថ្នាក់ផ្សេងៗ។ មានផលិតផលជាច្រើនត្រូវបានដាក់លក់ ប៉ុន្តែពួកវាតែងតែមានជាតិពុលខ្ពស់។ សូមងាកមកប្រើល្បិចដ៏សាមញ្ញ ចំណាយតិច និង សុវត្ថិភាពនេះវិញ។
កាត់ខ្ទឹមបារាំងមួយផ្លែ និងបន្ថែមម្សៅសូដាមួយស្លាបព្រាបាយ ហើយលាយចូលគ្នា រួចបាចវានៅជ្រុងផ្ទះរបស់អ្នក។ សូមអនុវត្តវាជារៀងរាល់ថ្ងៃ មិនយូរប៉ុន្មាន សត្វកន្លាតនឹងចេញឆ្ងាយពីផ្ទះរបស់អ្នក។
#២ សត្វពីងពាង
ទោះបីជាតំបន់របស់អ្នករស់នៅ មិនមានសត្វពីងពាងពិស ប៉ុន្តែអ្នកមិនចង់ឲ្យមានវានៅក្នុងផ្ទះឡើយ។ វិធីធម្មជាតិនេះនឹងមិនសម្លាប់សត្វពីងពាងទាំងនោះឡើយ ប៉ុន្តែវានឹងដេញពួកវាចេញឆ្ងាយ។
យកទឹកចំណុះ ២០០មីល្លីលីត្រ រួចដាក់ប្រេងម្រេច (peppermint oil) ៥ ទៅ ១០ដំណក់ និង ទឹកសាប៊ូបោកខោអាវ ១ភាគ៤ នៃស្លាបព្រាបាយ រួចក្រឡុក និងបាញ់វានៅកន្លែងមានសត្វពីងពាងរយៈពេលមួយសប្ដាហ៍។ ប្រសិនបើអ្នកគ្មានប្រេងម្រេច នោះអ្នកអាចប្រើស្លឹកគ្រៃ , ផ្កាឡាវេនដឺ ឬ ប្រេងដើមតែ (tea tree oil) ជំនួសវិញ។
#៣ សត្វស្រមោច
ស្រមោច គឺជាសត្វដ៏រំខានមួយ ដែលលេចឡើងគ្រប់ទីកន្លែង។ សត្វស្រមោចពិតជាស្អប់ក្លិនម្សៅឈើឧបឈើយ (cinnamon) ខ្លាំងណាស់។ បាចម្សៅឈើឧបឈើយនៅកន្លែងដែលអ្នកគិតថាមានស្រមោច។ ដើម្បីឲ្យកាន់តែមានប្រសិទ្ធភាព អ្នកអាចបន្ថែមប្រេង (essential oil) ចូលម្សៅឈើឧបឈើយបាន។ ក្រៅពីកម្ចាត់ស្រមោច អ្នកនឹងទទួលបានក្លិនក្រអូបឈ្ងុយនៅក្នុងផ្ទះរបស់អ្នក៕
ចុចអាន៖