- 2019-06-05 03:42:45
- ជំនឿ
ជនជាតិម៉ាឡេស៊ី ជាង២០០នាក់ ជួបជុំគ្នានៅស្ថានទូតម៉ាឡេស៊ី ប្រចាំក្រុងភ្នំពេញ ប្រារព្ធពិធីស្រាយបួស រ៉ាម៉ាទន
- 2019-06-05 03:42:45
- ចំនួនមតិ 0 | ចំនួនចែករំលែក 0
ជនជាតិម៉ាឡេស៊ី ជាង២០០នាក់ ជួបជុំគ្នានៅស្ថានទូតម៉ាឡេស៊ី ប្រចាំក្រុងភ្នំពេញ ប្រារព្ធពិធីស្រាយបួស រ៉ាម៉ាទន
ចន្លោះមិនឃើញ
ថ្ងៃនេះគឺជាថ្ងៃផ្ដើមនៃខែ Syawal និងក្នុងឱកាសនៃការប្រារព្ធពិធី Hari Raya Aidilfitri ឬ Eid Mubarak, ស្ថានទូតម៉ាឡេស៊ីនៅភ្នំេញបានរៀបចំពិធីស្រាយបួស "Aidilfitri" នៅអាគារ Dewan Malaysia នាថ្ងៃទី ៥ ខែមិថុនា ឆ្នាំ ២០១៩។ នេះបើយោងតាមសេចក្ដីប្រកាសព័ត៌មានរបស់ស្ថានទូតម៉ាឡេស៊ី ប្រចាំរាជធានីភ្នំពេញ ដែល Sabay ទើបទទួលបាន។
ក្នុងពិធីនេះមានការចូលរួមពីជនជាតិម៉ាឡេស៊ី ដែលមានអាសយដ្ឋាននៅក្នុងរាជធានីភ្នំពេញប្រហែល ២០០នាក់ ព្រមទាំងមន្រ្តីជាន់ខ្ពស់របស់រាជរដ្ឋាភិបាល និងតំណាងអ្នកការទូតជាច្រើនទៀត។ ភ្ញៀវទាំងអស់ត្រូវបានទទួលស្វាគមន៍ដោយម្ហូបអាហារចូលឆ្នាំជាច្រើនមុខដូចជា Ketupat (បាយដំណើបខ្ចប់ស្លឹកដូង) Rendang (សាច់គោឆាហិរ និងសាច់មាន់), Nasi Beriani (បាយឥណ្ឌា), Satay (សាច់អាំងចង្កាក់) និងម្ហូបជាច្រើនមុខទៀត។
នៅក្នុងសេចក្ដីប្រកាសបានឲ្យដឹងទៀតថា Hari Raya Aidilfitri ជាឱកាសដ៏សំខាន់មួយនៅក្នុងប្រតិបតិទិនអ៊ីស្លាម ដែលបានប្រារព្ធដោយសាសនិកអ៊ីស្លាមទូទាំងពិភពលោក។ វាជាថ្ងៃបញ្ចប់នៃខែបួស ហៅថា រ៉ាម៉ាទន។ ក្នុងអំឡុងបុណ្យរ៉ាម៉ាដានសាសនិកអ៊ីស្លាមទូទាំងពិភពលោក ត្រូវតែតមអាហារ ក្នុងអំឡុងពេលថ្ងៃ ក្នុងរយៈពេលយ៉ាងហោចណាស់ ៣០ថ្ងៃ។
សូមចុចអាន៖ ធ្លាប់តែឭពីបុណ្យរ៉ាម៉ាទន! តោះស្វែងយល់ខ្លះៗពីប្រវត្តិ និងដើមកំណើតពិធីបុណ្យនេះ
សាសនិកអ៊ីស្លាមប្រើប្រតិទិនច័ន្ទគតិ ដើម្បីកំណត់ថ្ងៃសំខាន់ៗ ដូចជា Ramadan និង Syawal ដែលកើតឡើងក្នុងខែផ្សេងគ្នា ក្នុងប្រតិទិន គ្រីកូរៀន ជារៀងរាល់ឆ្នាំ។
ក្នុងខែ Syawal សាសនិកអ៊ីស្លាមភាគច្រើនបើកទ្វារផ្ទះរបស់ពួកគេ ទទួលស្វាគមន៍មនុស្សគ្រប់គ្នាដោយមិនគិតពីជាតិសាសន៍ វប្បធម៌ និងតួនាទីឡើយ ដើម្បីចូលរួមសប្បាយរីករាយទាំងអស់គ្នា។
ស្ថានទូតម៉ាឡេស៊ី ក៏បើកទ្វារទទួលស្វាគមន៍មនុស្សគ្រប់ទិសទីដោយមិនគិតពីសាសនា តួនាទី ឬប្រវត្តិឡើយ ដើម្បីពង្រឹងនូវការរួបរួមសហការ និងលើកកម្ពស់សមាហរណកម្មជាតិសាសន៍ក៏ដូចជាការយល់ដឹងអំពីបុណ្យ និងវប្បធម៌។